ଓଡ଼ିଶାର ମହିଳାଙ୍କୁ ଦିଲ୍ଲୀରେ ଦୁଷ୍କର୍ମ! ଜାତୀୟ ଗଣମାଧ୍ୟମରେ ଖବର ପ୍ରକାଶ ପରେ ଚାଞ୍ଚଲ୍ୟ

ଓଡ଼ିଶାର ମହିଳାଙ୍କୁ ରାଜଧାନୀ ଦିଲ୍ଲୀରେ ଦୁଷ୍କର୍ମ ଅଭିଯୋଗ ହୋଇଛି । ଏନେଇ ଏକ ମାମଲା ରୁଜୁ କରିଛି ଦିଲ୍ଲୀ ପୋଲିସ । ପୋଲିସ ଏନେଇ ଅଧିକ ତଦନ୍ତ ଚଲାଇଛି। ଅପରାଧୀଙ୍କୁ ଧରିବା ପାଇଁ ପୋଲିସ ଏକାଧିକ ଟିମ ଗଠନ କରିଥିବା ସୂଚନା ଦେଇଛି । ଦିଲ୍ଲୀର ସରାଇ କାଲେ ଖାନ୍ ଅଞ୍ଚଳରୁ ମହିଳାଙ୍କୁ ଅର୍ଦ୍ଧଚେତନ ଅବସ୍ଥାରେ ଉଦ୍ଧାର କରାଯାଇଥିଲା ।

୩୪ ବର୍ଷୀୟା ମହିଳାଙ୍କୁ ଅର୍ଦ୍ଧଚେତନ ଅବସ୍ଥାରେ ଶୁକ୍ରବାର ଭୋର୍ ପ୍ରାୟ ସାଢ଼େ ୩ଟା ବେଳେ ଉଦ୍ଧାର କରାଯାଇଛି । ଦିଲ୍ଲୀ ଏମ୍ସର ଟ୍ରମା କେୟାରରେ ମହିଳାଙ୍କୁ ଚିକିତ୍ସା କରାଯାଉଛି । ତେବେ ବର୍ତ୍ତମାନ ସେ ବିପଦମୁକ୍ତ ଥିବା ପୋଲିସ ପକ୍ଷରୁ କୁହଯାଇଛି । ମିଳିଥିବା ସୂଚନା ମୁତାବକ ଦିଲ୍ଲୀରେ ମହିଳା ଜଣକ ଦୀର୍ଘ ଦିନ ଧରି ରହୁଥିଲେ । ସେ କୌଣସି ସ୍ୱାସ୍ଥ୍ୟସେବା କ୍ଷେତ୍ରରେ କାମ କରୁଛନ୍ତି ।