କର୍ଣ୍ଣାଟକରେ ଉଦ୍ଘାଟନ ହୋଇଛି ସମୁଦ୍ରରେ ପ୍ରଥମ ଭାସମାନ ବ୍ରିଜ୍ । ଉଦଘାଟନ ସମୟରେ ଏକ ରୋଚକ ଘଟଣା ଦେଖିବାକୁ ମିଳିଥିଲା । ଉଦଘାଟନ କରିବାକୁ ଯାଇଥିବା ବିଧାୟକ ବ୍ରିଜ୍ ଉପରୁ ଖସିପଡିଥିଲେ । ଯାହା ପରେ ଏକ ଭିନ୍ନ ପରିବେଶ ସୃଷ୍ଟି ହୋଇଥିଲା ।
Also Read
ବରିଷ୍ଠ ବିଧାୟକ କେ ରଘୁପତି ଓ ତାଙ୍କର ସହଯୋଗୀ ବ୍ରିଜ୍ ଉପରୁ ଯିବା ବେଳେ ଲହରୀ ଏତେ ଜୋରରେ ଆସିଥିଲା ଯେ ସେ ସେଠି ପଡ଼ି ଯାଇଥିଲେ । ବ୍ରିଜ୍ର ଦଉଡ଼ିକୁ ଧରି ଯେତେ ସମ୍ଭାଳିବାକୁ ଚେଷ୍ଟା କରିଥିଲେ ବି ତାହା ସମ୍ଭବ ହୋଇନଥିଲା । ବିଧାୟକ ଜଣକ ପଡ଼ିଲେ ପୁଣି ଉଠିଲେ ଆଉ ଦୌଡ଼ିବାକୁ ଲାଗିଲେ । ଯାହା ସେହି ସମୟରେ ସମସ୍ତଙ୍କ ମଧ୍ୟରେ ଏକ ଭିନ୍ନ ପରିବେଶ ସୃଷ୍ଟି କରିଥିଲା ।
କେବଳ ଏତିକି ନୁହେଁ ପୁଣି ଥରେ ବ୍ରିଜ୍ର ଆରପଟରୁ ଫେରିବା ବେଳେ ବିଧାୟକ ଦୌଡ଼ି ଦୌଡ଼ି ବ୍ରିଜ୍ ପାର କରିଥିଲେ । ଲହରି ମାଡ଼ି ଆସୁଥିବା ଦେଖି ସେଠୁ ଚାଲି ଆସିବାକୁ ଚେଷ୍ଟା କରିଥିଲେ । ହେଲେ ଏଥର କିନ୍ତୁ ବିଧାୟକ ପଡ଼ିନଥିଲେ । ସେଠୁ କୌଣସି ମତେ ଦୌଡ଼ି ପଲାଇ ଆସିବାରେ ସଫଳ ହୋଇଛନ୍ତି । ପର୍ଯ୍ୟଟକଙ୍କ ପାଇଁ କର୍ଣ୍ଣାଟକ ଉଡ଼ୁପି ମାଲପି ବିଚ୍ରେ ୧୦୦ ମିଟର ଲମ୍ବ ଏକ ଫ୍ଲୋଟିଂ ବ୍ରିଜ୍ ଆରମ୍ଭ ହୋଇଛି ।