ଦୁର୍ଘଟଣାର ଶିକାର ହେଲେ 'କାଚା ବାଦାମ' ଗୀତିକାର ଭୁବନ ବାଦ୍ୟକର। ପଶ୍ଚିମବଙ୍ଗର ବୀରଭୂମରେ ତାଙ୍କ କାର ଦୁର୍ଘଟଣା ହୋଇଛି। ସଡ଼କ ଦୁର୍ଘଟଣାରେ ଗୁରୁତର ହୋଇ ସେ ଏବେ ମେଡିକାଲରେ ଚିକିତ୍ସିତ ହେଉଛନ୍ତି । ଛାତିରେ ଗଭୀର ଆଘାତ ଲାଗିଥିବାରୁ ତାଙ୍କ ଅବସ୍ଥା ଗୁରୁତର ରହିଛି। ଏବେ ତାଙ୍କ ଫ୍ୟାନମାନେ ଭୁବନଙ୍କ ଆରୋଗ୍ୟ କାମନା କରୁଛନ୍ତି ।
‘କାଚା ବାଦାମ’ ଫେମ୍ ଭୁବନ ବାଦ୍ୟକର ନିକଟରେ ଏକ ସେକେଣ୍ଡ ହ୍ୟାଣ୍ଡ୍ କାର୍ କିଣିଥିଲେ । ସେହି କାରଟିକୁ ନେଇ ଭୁବନ ଡାଇଭିଂ ଶିଖିବା ବେଳେ ଦୁର୍ଘଟଣାର ଶିକାର ହୋଇଛନ୍ତି । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ସରେ ସୁପର ସ୍ପେଶାଲିଟି ହସ୍ପିଟାଲରେ ଭର୍ତ୍ତି କରିଛନ୍ତି।
ଗାଁ ଗାଁରେ ବୁଲି ବାଦାମ ବିକିବା ବେଳେ କାଚା ବାଦାମ ଗୀତ ଗାଉଥିଲେ ଭୁବନ । ତାଙ୍କ ଗୀତଟିକୁ ଗାଇବା ବେଳର ଭିଡିଓକୁ କେହି ଜଣେ ସୋସିଆଲ ମିଡିଆରେ ପୋଷ୍ଟ କରିଥିଲା । ଦେଖୁ ଦେଖୁ ଗୀତଟି ସୋସିଆଲ ମିଡିଆରେ ଭାଇରାଲ ହୋଇଯାଇଥିଲା । ତାଙ୍କ ଗୀତ ଏତେ ଲୋକପ୍ରିୟ ହୋଇଗଲା ଯେ ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟିଙ୍କ ପର୍ଯ୍ୟନ୍ତ ସମସ୍ତେ ଏଥିରେ ରିଲ୍ସ ବନାଇବା ଆରମ୍ଭ କରିଥିଲେ । ପରେ ଏହି ଗୀତର ରିମିକ୍ସ ତିଆରି ହୋଇଥିଲା ।