ନୂଆଦିଲ୍ଲୀ: ଲକର ନିୟମରେ ବଡ଼ ଧରଣର ପରିବର୍ତ୍ତନ କଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ। RBI ଅଧୀନରେ ଥିବା ବ୍ୟାଙ୍କଗୁଡ଼ିକୁ ତିନି ବର୍ଷର ଭଡା ଏବଂ ଗ୍ରାହକଙ୍କଠାରୁ ଲକରର ଚାର୍ଜ ସହିତ ସମାନ ଟର୍ମ ଜମା ରାଶି ନେବାକୁ ଅନୁମତି ଦିଆଯାଇଛି।ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ନିକଟରେ ବ୍ୟାଙ୍କ ଦ୍ୱାରା ପ୍ରଦାନ କରାଯାଇଥିବା ସୁରକ୍ଷିତ ଜମା ଲକର ଏବଂ ସୁରକ୍ଷିତ ସଂରକ୍ଷଣ ଆର୍ଟିକିଲ ସୁବିଧା ସମ୍ବନ୍ଧରେ ନୂତନ ନିୟମ ଜାରି କରିଯାଇଛି। ଏଥିପାଇଁ ଆରବିଆଇ ବ୍ୟାଙ୍କିଙ୍ଗ ଏବଂ ଟେକ୍ନୋଲୋଜିର ପରିବର୍ତ୍ତନ, ଗ୍ରାହକଙ୍କ ଅଭିଯୋଗ ଏବଂ ବ୍ୟାଙ୍କ ତଥା ଭାରତୀୟ ବ୍ୟାଙ୍କ ଆସୋସିଏସନ (ଆଇବିଏ) ର ପରାମର୍ଶକୁ ଧ୍ୟାନରେ ଦେଇଛି। ଏହା ଅଧୀନରେ, ଯଦି ଆପଣଙ୍କର କୌଣସି ବ୍ୟାଙ୍କ ସହିତ କାରବାର ନାହିଁ ତଥାପି ଆପଣ ସେହି ବ୍ୟାଙ୍କର ଲକର୍ ସୁବିଧା ପାଇପାରିବେ ବୋଲି କୁହାଯାଇଛି। ଏଠାରେ ସ୍ପଷ୍ଟ କରୁଛୁ କି, ଲକର ସୁବିଧାକୁ ଆହୁରି ସହଜ କରିବା ପାଇଁ ଆରବିଆଇ ପକ୍ଷରୁ ଏପରି ନିଷ୍ପତ୍ତି ନିଆଯାଇଛି।
Also Read
ମୋଟ୍ ଉପରେ କହିବାକୁ ଗଲେ, ଏଣିକି ଆପଣ ଯେକୌଣସି ବ୍ୟାଙ୍କରେ ଲକରର ସୁବିଧା ପାଇପାରିବେ। ୨୦୨୨ ରୁ ଏହି ନିୟମ ଲାଗୁ ହେବ ବୋଲି କୁହାଯାଇଛି। ତେବେ ଅନେକ ବ୍ୟାଙ୍କ ଗ୍ରାହକଙ୍କୁ ଲକରର ସୁବିଧା ଏବଂ ଭଡ଼ାକୁ ନେଇ ଅସନ୍ତୋଷ ବ୍ୟକ୍ତ କରିବା ପରେ ଏହି ନିୟମ ଲାଗୁ କରାଯାଇଛି।
ନୂତନ ନିୟମ ଅନୁଯାୟୀ ବ୍ୟାଙ୍କଗୁଡ଼ିକ ଲକର ଆବଣ୍ଟନ ସମୟରେ ଟର୍ମ ଜମା ନେବାକୁ ସକ୍ଷମ ହେବେ। ଏହା ତିନି ବର୍ଷର ଭଡା ଏବଂ ଦେୟ ମଧ୍ୟ ସମାନ ରହିବ। ଏହା ବ୍ୟତୀତ କୌଣସି ଅପ୍ରୀତିକର ପରିସ୍ଥିତି ହେଲେ ବ୍ୟାଙ୍କ ମଧ୍ୟ ଲକର ଖୋଲିବାକୁ ସକ୍ଷମ ହେବ। ବର୍ତ୍ତମାନର ନିୟମ ଅନୁସାରେ, ବ୍ୟାଙ୍କ ନିଜର ଶାଖା ମିଶ୍ରଣ, ବ୍ୟାଙ୍କ ବନ୍ଦ କିମ୍ବା ସ୍ଥାନାନ୍ତରଣ ସମ୍ପର୍କରେ ସର୍ବନିମ୍ନ ୨ଟି ଖବର କାଗଜରେ ସୂଚନା ଦେବାର ନିୟମ ରହିଛି। ଏହାସହ ଗ୍ରାହକଙ୍କୁ ଲକର ବଦଳାଇବା କିମ୍ବା ବନ୍ଦ କରିବା ପାଇଁ ବିକଳ୍ପ ସୁବିଧା ଦେବା ସହିତ ଅତି କମରେ ଦୁଇମାସ ପୂର୍ବରୁ ସୂଚନା ଦେବାକୁ ପଡିବ ବୋଲି କୁହାଯାଇଛି।
ଏହାସହ କୌଣସି ଜରୁରୀକାଳୀନ କିମ୍ବା ପ୍ରାକୃତିକ ବିପର୍ଯ୍ୟୟ କାରଣ ପାଇଁ ଅପ୍ରତ୍ୟାଶିତ ସ୍ଥାନାନ୍ତର ହେଲେ ବ୍ୟାଙ୍କ ଗ୍ରାହକଙ୍କୁ ଶୀଘ୍ର ସୂଚନା ଦେବ ବୋଲି ନିର୍ଦ୍ଦେଶ କରାଯାଇଛି। କିନ୍ତୁ ବ୍ୟାଙ୍କଗୁଡିକ ଦାବି କରିପାରିବେ ନାହିଁ ଯେ ଲକରର ରହିଥିବା ଜିନିଷ ନଷ୍ଟ ହେବା ପାଇଁ ସେମାନେ ଗ୍ରାହକଙ୍କ ନିକଟରେ ଦାୟୀ ନୁହଁନ୍ତି। ତେବେ ଏହି ନିୟମ ଗ୍ରାହକଙ୍କୁ ଲାଭ ଦେବ ବୋଲି କୁହାଯାଇଛି।