’ଯେକୌଣସି ଚ୍ୟାଲେଞ୍ଜର ସାମ୍ନା କରିବାକୁ ପ୍ରସ୍ତୁତ ଭାରତୀୟ ସେନା”

ଲଦାଖ୍ : ଭାରତ-ଚୀନ ସୀମାରେ ସୁଧୁରୁଛି ସ୍ଥିତି । ଗତ ୬ମାସ ହେଲା ସ୍ଥିତି ସ୍ୱାଭାବିକ ହେଉଛି । ସୈନ୍ୟ ପ୍ରତ୍ୟାହାର ପାଇଁ ଦୁଇ ଦେଶ ମଧ୍ୟରେ ଏଯାବତ୍ ୧୨ ଥର ଆଲୋଚନା ହୋଇଥିବା ବେଳେ ଆସନ୍ତା ସପ୍ତାହରେ ପରବର୍ତ୍ତୀ ପର୍ଯ୍ୟାୟ ମଧ୍ୟ ଆଲୋଚନା ହେବ ବୋଲି ସ୍ଥଳସେନା ମୁଖ୍ୟ ଜେନେରାଲ ଏମ.ଏମ. ନରୱାଣେ କହିଛନ୍ତି । ଗତକାଲି ଠାରୁ ଦିନ ଦୁଇ ଦିନିଆ ପୂର୍ବାଞ୍ଚଳ ଲଦାଖ ଗସ୍ତରେ ଅଛନ୍ତି ସେନା ମୁଖ୍ୟ । ତେବେ ସେଠାରେ ପହଞ୍ଚି ପ୍ରଥମେ ସେ ବର୍ତ୍ତମାନର ସୁରକ୍ଷା ସ୍ଥିତିର ଅନୁଧ୍ୟାନ କରିଛନ୍ତି ।

ଦୁଇ ଦେଶ ମଧ୍ୟରେ ଦେଖା ଦେଉଥିବା ମତଭେଦକୁ ଆଲୋଚନା ମାଧ୍ୟମରେ ସମାଧାନ କରିବାକୁ ଚେଷ୍ଟା କରାଯାଉଛି । ସେପଟେ କିନ୍ତୁ ଇଷ୍ଟର୍ଣ୍ଣ ଲଦାଖ ଓ ନର୍ଥର୍ଣ୍ଣ ଫ୍ରଣ୍ଟରେ ଏଲ୍ଏସି ଆରପଟେ ଚୀନର ଅଧିକ ସଂଖ୍ୟାରେ ସୈନ୍ୟ ମୁତୟନ ଓ ଭିତ୍ତିଭୂମି ନିର୍ମାଣକୁ ନେଇ ସେ ଉଦବେଗ ପ୍ରକାଶ କରିଛନ୍ତି ସ୍ଥିତି ନେଇ ନିୟମିତ ଅନୁଧ୍ୟାନ କରାଯାଉଛି । ଆବଶ୍ୟକ ପଡ଼ିଲେ ଭାରତ ପକ୍ଷରୁ ସେଠାରେ ଅଧିକ ସଂଖ୍ୟାରେ ସୈନ୍ୟ ମୁତୟନ କରାଯିବ । ଏବେ ଭାରତୀୟ ଯବାନମାନେ ସେଠାରେ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ଭାରତୀୟ ସେନା ମଧ୍ୟ ଆଧୁନିକ ଅସ୍ତ୍ରଶସ୍ତ୍ର ନିୟୋଜିତ କରିଛି । ବର୍ତ୍ତମାନ ପରିସ୍ଥିତିରେ ଭାରତୀୟ ସେନା ଯେ କୌଣସି ଚ୍ୟାଲେଂଜର ସମ୍ମୁଖୀନ ହେବାକୁ ପ୍ରସ୍ତୁତ ବୋଲି ଲଦାଖ ଗସ୍ତ ଅବସରରେ ସ୍ଥଳସେନା ମୁଖ୍ୟ ଏମ.ଏମ. ନରୱାଣେ କହିଛନ୍ତି ।

Also Read

କାନପୁରରେ ସପା ନେତାଙ୍କୁ ହତ୍ୟା, ସର୍ବସମ୍ମୁଖରେ ଗୁଳି ମାରି ଫେରାର୍ ମାରିଲେ ଦୁର୍ବୃତ୍ତ

ମହଙ୍ଗା ପଡିଲା ମଇଳା ସ୍ଥାନରେ ଖେଳିବା , ଶିଶୁର ମସ୍ତିଷ୍କରେ ପଶିଗଲା ପୋକ ! ଆଉ ତା ପରେ....

ମନେ ପଡ଼ନ୍ତି ବାପୁ...ଅହିଂସାର ପାଠ ପଢ଼ାଇଥିଲେ, ସ୍ୱାଧୀନତାର ରାସ୍ତା ଦେଖାଇଥିଲେ

ଏହାସହ ସ୍ଥଳସେନା ମୁଖ୍ୟ ଜେନେରାଲ ଏମ.ଏମ. ନରୱାଣେ କହିଛନ୍ତି, ପାକିସ୍ତାନ ସହିତ ଅସ୍ତ୍ରବିରତି ଚୁକ୍ତି ସନ୍ତୋଷଜନକ କରିଛି । ତେବେ ଗତ ଦୁଇ ମାସ ହେଲା ପାକିସ୍ତାନ ପଟୁ ଅନୁପ୍ରବେଶ ଉଦ୍ୟମ ବୃଦ୍ଧି ପାଇଛି । ପାକିସ୍ତାନୀ ସେନାଙ୍କ ସାହାଯ୍ୟ ବିନା ଅନୁପ୍ରବେଶ ଉଦ୍ୟମ ହୋଇପାରିବ ନାହିଁ । ଗତ ୧୦ ଦିନରେ ଦୁଇଥର ଅସ୍ତ୍ରବିରତି ଉଲ୍ଲଂଘନ କରାଯାଇଥିଲା । ଏନେଇ ମଧ୍ୟ ଆଲୋଚନା ହୋଇଛି ।