Lord Somnath: ମୌଳିକ ସୋମନାଥ ଲିଙ୍ଗର ପୁନର୍ଜୀବନର ଆକର୍ଷଣୀୟ କାହାଣୀ

ଭାରତର ଆଧ୍ୟାତ୍ମିକ ଐତିହ୍ୟ ଅନନ୍ତ, ଏବଂ ଇତିହାସ ଏହି ନୀରବ ସହନଶୀଳତାର ସାକ୍ଷୀ। ଅନେକ ଯୁଗର ପରିଚୟ ଅନୁସାରେ, ଆମର ମନ୍ଦିର, ଶାସ୍ତ୍ର ଏବଂ ପରମ୍ପରା ଅନେକ ଆକ୍ରମଣକାରୀଙ୍କ ଦ୍ୱାରା ଆକ୍ରମଣର ଶିକାର ହୋଇଛି, କିନ୍ତୁ ଆମର ନିରନ୍ତର ଧର୍ମର ଆତ୍ମା କେବେ ଅସ୍ଥିର ହୋଇନାହିଁ।

ଏକ ହଜାର ବର୍ଷରୁ ଅଧିକ ସମୟ ପୂର୍ବରୁ, ସୋମନାଥ, ଦ୍ଵାଦଶ ଜ୍ୟୋତିର୍ଲିଙ୍ଗ ମଧ୍ୟରେ ପ୍ରଥମ, ଭକ୍ତିର ପ୍ରତୀକ ଭାବେ ବିରାଜିତ ଥିଲା। ଏହା କେବଳ ଉପାସନାର ସ୍ଥାନ ନୁହେଁ, ବରଂ ଏକ ଆଧ୍ୟାତ୍ମିକ ଶକ୍ତି କେନ୍ଦ୍ର ଥିଲା, ଯାହା ଦେଶର ବିଭିନ୍ନ ସ୍ଥାନରୁ ଭକ୍ତମାନେ, ଋଷିମୁନିମାନେ ସନ୍ଥ ଏବଂ ସାଧକମାନଙ୍କୁ ଆକର୍ଷିତ କରୁଥିଲା।

ସୋମନାଥର ଶିବଲିଙ୍ଗ ଅତ୍ୟନ୍ତ ଅଲୌକିକଏବଂ ଅଦ୍ଵିତୀୟ ବୋଲି କୁହାଯାଏ, କାରଣ ଏହା କେବେ ଭୂମିକୁ ସ୍ପର୍ଶ କରି ନଥିଲା, ବରଂ ଶୂନ୍ୟରେ ଝୁଲୁଥିଲା ଏବଂ ଏଠାକୁ ଆସୁଥିବା ପ୍ରତ୍ୟେକଙ୍କୁ ଏହାର ଦିବ୍ୟ ଶକ୍ତି ଉତ୍‌ଥାନ କରୁଥିଲା। ଏହି ପବିତ୍ର ଶକ୍ତି କେବଳ ଶ୍ରଦ୍ଧାର ବିଷୟ ନୁହେଁ; ଏହା ଏକ ଅନୁଭବ ଥିଲା।

ସୋମନାଥଙ୍କ ମୂଳ ଶିବଲିଙ୍ଗ କଥା

କିନ୍ତୁ ଇତିହାସ ଏକ କଷ୍ଟଦାୟକ ମୋଡ଼ ନେଇଥିଲା, ଯେତେବେଳେ ୧୦୨୫ ଖ୍ରୀଷ୍ଟାବ୍ଦରେ ଗଜନୀର ମହମ୍ମଦ ଘୋରି ମନ୍ଦିରକୁ ଧ୍ୱଂସ କରି ଶିବଲିଙ୍ଗକୁ ଭଙ୍ଗ କରିଦେଇଥିଲେ। କିନ୍ତୁ, ବିନାଶ ସତ୍ତ୍ୱେ ମଧ୍ୟ, ଭକ୍ତି ଅବିଚଳ ରହିଲା। ଅଗ୍ନିହୋତ୍ରୀ ବ୍ରାହ୍ମଣମାନେ, ଏହି ପବିତ୍ର ପରମ୍ପରାର ରକ୍ଷକମାନେ, ମୌଳିକ ସୋମନାଥ ଲିଂଗମ୍‌ର ଅବଶେଷଗୁଡ଼ିକୁ ରକ୍ଷା କରି, ଏହାକୁ ସୁରକ୍ଷିତ ସ୍ଥାନକୁ ନେଇଯାଇଥିଲେ। ସେମାନେ ଏହି ପବିତ୍ର ଅବଶେଷଗୁଡ଼ିକୁ ଏକ ହଜାର ବର୍ଷ ଧରି ଗୋପନରେ ରଖିଥିଲେ ଏବଂ ପିଢି ପରେ ପିଢି ଏହାର ଉପାସନା କରୁଥିଲେ।

ପବିତ୍ର ଲିଂଗମ୍‌ର ତତ୍ତ୍ୱବାହକମାନେ ଏହି ଅଂଶବିଶେଷଗୁଡିକୁ ହଜାରେ ବର୍ଷ, ଯୁଗ ଯୁଗ ଧରି ସାଇତି ରଖିଥିଲେ ଏବଂ ଗୁପ୍ତରେ ପୂଜା କରୁଥିଲେ।

ସେମାନଙ୍କ ମଧ୍ୟରେ ଏକ ଶ୍ରେଷ୍ଠ ସମ୍ମାନୀୟ ସନ୍ଥ ଥିଲେ ସ୍ଵାମୀ ପ୍ରଣବାନନ୍ଦ, ଯିଏ ଜ୍ଞାନ ଏବଂ ଭକ୍ତିର ପରମ୍ପରା ସହ ଗଭୀର ସମ୍ପର୍କ ରଖିଥିଲେ। ସ୍ଵାମୀ ପ୍ରଣବାନନ୍ଦ ଏହି ଯୁଗର ସ୍ଵାମୀ ଶିବାନନ୍ଦଙ୍କ ସମକାଳୀନ ଥିଲେ, ଯିଏ ଋଷିକେଶର ଏକ ମହାନ ସନ୍ଥ ଥିଲେ ଏବଂ ପରେ ଦିବ୍ୟ ଜୀବନ ସଂଘ (Divine Life Society) ର ସ୍ଥାପନା କରିଥିଲେ।

ଏହି ଦୁଇ ଜ୍ଞାନୀ ମହାନୁଭାବ, ଶିବ ଲିଂଗମ୍‌ର ଶକ୍ତି ଜାଣି, ଏହା ସଠିକ ସମୟ ଆସିବା ପର୍ଯ୍ୟନ୍ତ ଅଦୃଶ୍ୟ ଏବଂ ସୁରକ୍ଷିତ ରଖିବାକୁ ନିଶ୍ଚିତ କରିଥିଲେ।

ଏହି ପବିତ୍ର ଅଂଶଗୁଡ଼ିକ ପରେ ଶ୍ରୀ ସୀତାରାମ ଶାସ୍ତ୍ରୀଙ୍କ ପରିବାରର ଯତ୍ନରେ ଆସିଲା। ତାଙ୍କ ପୂର୍ବଜମାନେ ଏହି ଅଂଶଗୁଡ଼ିକୁ ୧୦୦ ବର୍ଷ ଧରି ଗୁପ୍ତ ରଖିବାର ପବିତ୍ର ଦାୟିତ୍ୱ ପାଇଥିଲେ, ଯଥା ଆଚାର୍ଯ୍ୟମାନଙ୍କ ନିର୍ଦ୍ଦେଶ ଅନୁଯାୟୀ ଏହି ଅଂଶଗୁଡ଼ିକୁ ଏକ ଶିବଲିଙ୍ଗର ଆକାର ଦିଆଯାଇ ଉପାସନା କରାଯାଉଥିଲା। ନିର୍ଦ୍ଦେଶ ସ୍ପଷ୍ଟ ଥିଲା, ଯେତେବେଳେ ସଠିକ୍ ସମୟ ଆସିବ, ଏହି ଅଂଶଗୁଡ଼ିକୁ ପ୍ରକାଶରେ ଆଣିବା ଦରକାର।

ସୋମନାଥଙ୍କ ମୂଳ ଶିବଲିଙ୍ଗ କଥା

ଶ୍ରୀ ସୀତାରାମ ଶାସ୍ତ୍ରୀ, ଏହି ପରମ୍ପରାର ଉତ୍ତରାଧିକାରୀ, ଶଙ୍କରାଚାର୍ଯ୍ୟଙ୍କ ନିର୍ଦ୍ଦେଶରେ ଏହି ଅଂଶଗୁଡ଼ିକ ଆମ ପାଖକୁ ଆଣିବା ପାଇଁ ନିଯୁକ୍ତ ହୋଇଥିଲେ। ଯେତେବେଳେ ସେ ଏହି ଖଣ୍ଡଗୁଡ଼ିକୁ ବସ୍ତ୍ରରେ ବାନ୍ଧି ଆଣିଲେ, ଆମେ ଦେଖିଲୁ, ଏହି ଲିଙ୍ଗମ୍‌ଗୁଡ଼ିକ ଏକ ଅସାଧାରଣ ଆକର୍ଷଣ ଶକ୍ତି ରଖିଥିଲା।

ଏଠାରେ କହି ରଖିବା ଯେ ଏହି କାହାଣୀ ଓଡିଶାର ଆରାଧ୍ୟ ଦେବତା ପ୍ରଭୁ ଜଗନ୍ନାଥଙ୍କ ଘଟଣାବଳି ସହ ମଧ୍ୟ କିଛି ମାତ୍ରାରେ ସାମଞ୍ଜସ୍ୟ ରଖେ। କୁହାଯାଏ ଭକ୍ତି ଭଗବାନଙ୍କର ଆଉ ଭଗବାନ ଭକ୍ତର। ତେଣୁ ପରିସ୍ଥିତି ଆସିବେ ଉଭୟ ଉଭୟଙ୍କୁ ରକ୍ଷା କରନ୍ତି। ଯେତେବେଳେ କଳା ପାହାଡ ମହାପ୍ରଭୁ ଜଗନ୍ନାଥଙ୍କୁ ନଷ୍ଟ କରିବାର ଯୋଜନା କରିଥିଲା, ସେତେବେଳେ ବକ୍ତ ବିଷର ମହାନ୍ତି ପ୍ରଭୁଙ୍କୁ ରକ୍ଷା କରିଥିଲେ। ସେ ମୃଦଙ୍ଗ ଭିତରେ ଜଗନ୍ନାଥଙ୍କ ବ୍ରହ୍ମଙ୍କୁ ଲୁଚାଇ ନେଇଆସିଥିଲେ।

ଆମେ ବହୁଦିନ ଧରି ଶ୍ରଦ୍ଧା ଉପରେ କଥା ହେଉ, କିନ୍ତୁ କେତେକ ସମୟରେ ଶ୍ରଦ୍ଧା ଏକ ପ୍ରତ୍ୟକ୍ଷ ଅନୁଭବରେ ପରିଣତ ହୋଇଯାଏ। ଏହି ଅଂଶଗୁଡ଼ିକୁ ଧରିବା ମାତ୍ରେ, ଅନୁଭବ ହେଉଛି ସୋମନାଥର ଏହି ଶାନ୍ତିମୟ ପ୍ରଶସ୍ତ କକ୍ଷଗୁଡ଼ିକ ମଧ୍ୟରେ ଥିବା ଏକ ଦୃଢ଼ ଶକ୍ତି। ଏଗୁଡ଼ିକ କେବଳ ପଥର ନୁହେଁ; ଏହି ମନ୍ତ୍ରମୟ ଶିଳା ମଧ୍ୟରେ ଐତିହାସିକ ସଂଘଟଣା ଅନେକ ପୂଜା, ଧ୍ୟାନ ଏବଂ ରୀତିଗୁଡ଼ିକର ଶକ୍ତି ସଞ୍ଚିତ ଅଛି।

୨୦୦୭ ରେ, ବୈଜ୍ଞାନିକମାନେ ଏହି ଖଣ୍ଡଗୁଡ଼ିକର ରାସାୟନିକ ଗଠନ ଅଧ୍ୟୟନ କଲେ ଏବଂ ଆଶ୍ଚର୍ଯ୍ୟଜନକ ଏକ ଆବିଷ୍କାର କଲେ, ଯାହା ଏହି ଲିଙ୍ଗମର ରହସ୍ୟକୁ ଆହୁରି ଗଭୀର କଲା। ସେମାନେ ଦେଖିଲେ ଏହାର ମଧ୍ୟଭାଗରେ ଏକ ଅପୂର୍ବ ଅଲଗା ଉତ୍ତେଜନା ରହିଛି, ଯାହା ଖୁବ ଦୁର୍ଲଭ। ବୈଜ୍ଞାନିକମାନେ କହିଲେ ଯେ, ଏହା ଏକ ବିଶେଷ ଧରଣର ଅତି ଦୁର୍ଲଭ ଆକର୍ଷଣ ଶିଳା ଅଟେ, ଯାହା ଏପରି ଗୁଣ ରଖିପାରେ। ଏହି ଗଠନ ଦେଖିବାକୁ ସ୍ଫଟିକ ଧରଣର ଲାଗିଥିଲା, କିନ୍ତୁ କୌଣସି ପରିଚିତ ଦ୍ରବ୍ୟ ସହ ମେଳ ଖାଉ ନ ଥିଲା, ଯାହା ସୂଚାଇଥିଲା ଯେ, ଏହା କୌଣସି ନୂଆ ବା ଦୁର୍ଲଭ ପଦାର୍ଥରୁ ନିର୍ମିତ। ପ୍ରାଚୀନ ଶାସ୍ତ୍ରମାନେ ଏହାକୁ ବାହ୍ୟ ଅଂଶରୁ ଆସିଥିବା ଏକ ଗ୍ରହପତି ବୋଲି ଉଲ୍ଲେଖ କରିଛନ୍ତି।

ସୋମନାଥଙ୍କ ମୂଳ ଶିବଲିଙ୍ଗ କଥା

ଏହି ପବିତ୍ର ଖଣ୍ଡଗୁଡ଼ିକ ଉଦ୍ଧାର କେବଳ ଐତିହାସିକ ପୁନଃପ୍ରାପ୍ତି ନୁହେଁ; ଏହା ଆମର ସଂସ୍କୃତିର ଆତ୍ମାକୁ ପୁନର୍ଜୀବନ ଦେବା ଏବଂ ତାହାର ଉଜ୍ଜ୍ୱଳତା ପୁନଃ ସ୍ଥାପିତ କରିବା ଅଟେ। ଯେପରି ୫୦୦ ବର୍ଷ ପରେ ରାମ ମନ୍ଦିର ପୁନଃ ନିର୍ମିତ ହୋଇଛି, ସେପରି ୧୦୦୦ ବର୍ଷ ପରେ ମୌଳିକ ସୋମନାଥ ଲିଂଗମ୍‌ର ଗୌରବ ଫେରି ଆସୁଛି। ଏହା ସନାତନ ଧର୍ମର ନିରନ୍ତରତାର ଏକ ଜୀବନ୍ତ ପ୍ରମାଣ, ଏହା କେବଳ ଅତୀତର ଏକ ସ୍ମୃତି ନୁହେଁ, ବରଂ ଏକ ଜୀବନ୍ତ ଏବଂ ବିକାଶଶୀଳ ପରମ୍ପରା, ଯାହା କାଳ ଅନୁସାରେ ଅଗ୍ରସର ହୋଇଯାଉଛି।

ପରବର୍ତ୍ତୀ ପ୍ରସ୍ତାବ ହେଉଛି ଏହି ଦେଵୀ ଆଶୀର୍ବାଦକୁ ସମସ୍ତ ଭକ୍ତଙ୍କୁ ଉପସ୍ଥାପନ କରିବା। ଯୋଜନା ରହିଛି ଏହି ଅଂଶଗୁଡ଼ିକୁ ଦେଶର ବିଭିନ୍ନ ସ୍ଥାନକୁ ନେଇଯିବା, ଯାହା ଫଳରେ ଲକ୍ଷ ଲକ୍ଷ ଭକ୍ତ ଏହାର ଦର୍ଶନ କରିପାରିବେ, ତା’ପରେ ଏହି ଖଣ୍ଡଗୁଡ଼ିକୁ ସୋମନାଥରେ ପରମ୍ପରାନୁସାରେ ପ୍ରତିଷ୍ଠା କରାଯିବ। ଆମେ ସବୁ ଦ୍ଵାଦଶ ଜ୍ୟୋତିର୍ଲିଙ୍ଗ, ମନ୍ଦିର ଏବଂ ପବିତ୍ର ସ୍ଥାନଗୁଡ଼ିକୁ ଭ୍ରମଣ କରିବୁ, ଯେଉଁଠି ଭକ୍ତମାନେ ଲିଙ୍ଗମ୍‌ର ଅନନ୍ତ ଉପସ୍ଥିତି ଦ୍ୱାରା ଲିଙ୍ଗମ୍‌ ସହ ସଂଯୋଗ ସ୍ଥାପନ କରିପାରିବେ।

ଶ୍ରଦ୍ଧାର ପ୍ରତୀକଗୁଡ଼ିକର ପରେ ରହିଛି ଅସଲ ଆଧ୍ୟାତ୍ମିକ ତତ୍ତ୍ୱ। ବୈଦିକ ଜ୍ୟୋତିଷ ଅନୁସାରେ ଚନ୍ଦ୍ରମା ମନର ପ୍ରତିନିଧିତ୍ୱ କରେ ଏବଂ ଏହା ଶିବଙ୍କ ସହ ଗଭୀର ସମ୍ପର୍କ ରଖେ। ଏହି କାରଣରୁ ଶିବଙ୍କୁ ‘ସୋମନାଥ’ ବୋଲି କୁହାଯାଏ, ଅର୍ଥାତ୍ ଚନ୍ଦ୍ରର ନାଥ, ତାହାର ଅଧିଶ୍ୱର।

ଯେତେବେଳେ ମନ ଅଶାନ୍ତ ହୋଇଯାଏ, ତାହାର ଉତ୍ତର ହେଉଛି ଶିବ। ଯେତେବେଳେ ଆମେ ଏହି ପବିତ୍ର ଯାତ୍ରାରେ ପ୍ରସ୍ଥାନ କରୁ, ଆମେ ଏହାର ପ୍ରମୁଖ ତତ୍ତ୍ୱକୁ ମନେରଖିବା ଉଚିତ, ଶିବ କେବଳ ଏକ ମୂର୍ତ୍ତି ବା ପ୍ରତୀକ ନୁହେଁ; ଶିବ ଏକ ଅନୁଭବ। ସେ ଆମ ଚିନ୍ତାର ପଛରେ ଥିବା ନିରବତା, ଆମ ଭାବନାର ପଛରେ ଥିବା ବିଶାଳତା, ଏବଂ ସମଗ୍ର ସଂସାରକୁ ବ୍ୟାପି ରହିଥିବା ଚେତନା।

ଏହି ପୁନଃ ଆବିଷ୍କାର କେବଳ ଏକ ଐତିହାସିକ ଘଟଣା ନୁହେଁ; ଏହା ସମସ୍ତ ମାନବ ଜାତି ପାଇଁ ଏକ ଶକ୍ତିଶାଳୀ ସନ୍ଦେଶ।

ଏହା ଆମକୁ ସ୍ମରଣ କରାଇଥାଏ ଯେ ସତ୍ୟ, ଶ୍ରଦ୍ଧା ଏବଂ ଭକ୍ତି କେବେବି ନଷ୍ଟ ହୋଇପାରିବ ନାହିଁ।

(ଏହି ଆଲେଖ୍ୟଟି ଗୁରୁଦେବ ଶ୍ରୀ ଶ୍ରୀ ରବି ଶଙ୍କରଙ୍କ ଦ୍ୱାରା ଲିଖିତ)