ଚାଲିବା ଆମ ସ୍ୱାସ୍ଥ୍ୟ ପାଇଁ ଏକ ବରଦାନ। ଅନେକ ଅଧ୍ୟୟନରେ ଏହା ପ୍ରମାଣିତ ହୋଇଛି ଯେ ଚାଲିବା ହୃଦୟର ସ୍ୱାସ୍ଥ୍ୟରେ ଉନ୍ନତି ଆଣେ ଏବଂ ଚାପକୁ ହ୍ରାସ କରିଥାଏ। ଚାଲିବା ମଧ୍ୟ ମନୋବଳକୁ ଠିକ୍ ରଖିଥାଏ। ଏନେଇ ଆଜିକାଲି ଅନେକ ଏହାକୁ ନିଜ ଦୈନନ୍ଦିନ ଅଭ୍ୟାସରେ ଯୋଡୁଛନ୍ତି। କିନ୍ତୁ ଚାଲିବାର ସଠିକ୍ ମାର୍ଗ ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଚାଲିବା ଶରୀରର ସମଗ୍ର ସିଷ୍ଟମକୁ ଫିଟ୍ ଏବଂ ସୁସ୍ଥ ରଖେ। ଆଜିକାଲି, ଚାଲିବା ପାଇଁ ୬-୬-୬ ନିୟମ ସର୍ବୋତ୍ତମ ବୋଲି ବିବେଚନା କରାଯାଏ। ବିଶେଷଜ୍ଞମାନେ ଦାବି କରିଛନ୍ତି ଯେ ୬-୬-୬ ନିୟମ ଅନୁଯାୟୀ ଚାଲିବା ସ୍ୱାସ୍ଥ୍ୟ ପାଇଁ ସବୁଠାରୁ ଲାଭଦାୟକ ଅଟେ। ତେବେ ଆସନ୍ତୁ ଏହି ୬-୬-୬ ର ନିୟମ କ’ଣ ଜାଣିବା।
Also Read
୬-୬-୬ ର ନିୟମ କ’ଣ:
୬-୬-୬ର ନିୟମ ବହୁତ ସରଳ। ଏହାର ଅର୍ଥ ହେଉଛି ଆପଣ ପ୍ରଥମେ ସକାଳ କିମ୍ବା ସନ୍ଧ୍ୟା ୬ ଟାରେ ୬ ମିନିଟ୍ ପାଇଁ ୱାର୍ମ ଅପ୍ କରିବେ ଏବଂ ତା’ପରେ ଚାଲିବେ ଏବଂ ଶେଷରେ ୬ ମିନିଟ୍ ପାଇଁ ଷ୍ଟ୍ରେଚ୍ କରିବେ। ଯାହା ଦ୍ୱାରା ଆପଣଙ୍କ ଶରୀର ସ୍ୱାଭାବିକ ହୋଇ ପୂର୍ବ ଅବସ୍ଥାକୁ ଫେରିବ।
ହୃଦଘାତ ଆଶଙ୍କା କମିଯାଏ:
ଅଧ୍ୟୟନରୁ ଜଣାପଡିଛି ଯେ ସକାଳ ୬ ଟାରେ ଚାଲିବା ଦ୍ୱାରା ଅଧିକ ଲାଭ ହୋଇଥାଏ। ତଥାପି, ଅଧିକ ପ୍ରଦୂଷଣ କିମ୍ବା ଅତ୍ୟଧିକ ଥଣ୍ଡା ସମୟରେ ସକାଳ ୬ ଟାରେ ଚାଲିବା ଉଚିତ୍ ନୁହେଁ। ଅଧ୍ୟୟନରୁ ଜଣାପଡିଛି ଯେ ସକାଳ ୬ ଟାରେ ଚାଲିବା ଦ୍ୱାରା ହୃଦଘାତ ହେବାର ଆଶଙ୍କା ୩୫ ପ୍ରତିଶତ କମିଯାଏ।
ସକାଳ ୬ଟା କାହିଁକି:
ଏହି ସମୟରେ ବାୟୁ ସଫା ରହିଥାଏ। ମେଟାବୋଲିଜିମ୍ ମଧ୍ୟ ଏହି ସମୟରେ ଦ୍ରୁତ ଗତିରେ ଥାଏ। ତେଣୁ ଶରୀରରେ ଶକ୍ତି ସ୍ତର ମଧ୍ୟ ଭଲ ରହିଥାଏ। ସବୁଠୁ ବଡ କଥା ହେଉଛି ସକାଳ ୬ଟାରେ କୌଣସି କାମ ନ ଥାଏ। ଯଦି ଆପଣ ସହଜରେ ସକାଳ ୬ ଟାରେ ଉଠି ପଡନ୍ତି, ତେବେ ଆପଣ ଏକ ଘଣ୍ଟା ଛାଡି ୭ଟା ପରେ ସବୁକିଛି କରିପାରିବେ।
ସକାଳ ୬ଟାରେ ସମୟ ନ ହେଲେ:
ଯଦି ଆପଣଙ୍କର ସକାଳ ୬ ଟାରେ ସମୟ ନାହିଁ, ତେବେ ଆପଣ ସନ୍ଧ୍ୟା ୬ରେ ମଧ୍ୟ ଚାଲିପାରିବେ। ଯଦି ଆପଣ କାମ ପରେ ସନ୍ଧ୍ୟା ୬ ଟାରେ ଚାଲିବେ, ଏହା ଆପଣଙ୍କ ମନୋବଳକୁ ସୁଦୃଢ କରିବ ଏବଂ ଶରୀର ପାଇଁ ବହୁତ ଲାଭଦାୟକ ହେବ।
ସଠିକ୍ ଉପାୟ ଏବଂ ସମୟ:
ଅନୁସନ୍ଧାନ କହୁଛି ଯେ ଅତି କମରେ ୩୦ ମିନିଟ୍ ଚାଲିବା ଉଚିତ୍। ଯଦି ଆପଣ ଭଲ ଫଳାଫଳ ଚାହୁଁଛନ୍ତି ତେବେ ଏକ ଘଣ୍ଟା ଚାଲିବା ଲାଭଦାୟକ ହେବ। ଏକ ଘଣ୍ଟା ଚାଲିବା ଦ୍ୱାରା କିଛି ମାସ ମଧ୍ୟରେ ଶରୀରରୁ ଅତିରିକ୍ତ ଚର୍ବି ଦୂର ହୁଏ।
ଅନେକ ରୋଗର ଆଶଙ୍କା କମିଯାଏ:
ମେଟାବୋଲିଜିମ୍ ବୃଦ୍ଧି ହେବା ଦ୍ୱାରା ଓଜନ ବଢେ ନାହିଁ ଏବଂ ଶରୀରରେ ଶକ୍ତି ସ୍ତର ବୃଦ୍ଧି ପାଏ। ଏହା ଆପଣଙ୍କୁ ଅନେକ ହୃଦୟ ସମ୍ବନ୍ଧୀୟ ରୋଗର ବିପଦରୁ ରକ୍ଷା କରେ। ବ୍ରିଟିଶ୍ ଜର୍ଣ୍ଣାଲ୍ ଅଫ୍ ସ୍ପୋର୍ଟସ୍ ମେଡିସିନ୍ ଅନୁଯାୟୀ, ୩୦ରୁ ୬୦ ମିନିଟ୍ ଚାଲିବା ଦ୍ୱାରା ଫୁସ୍ଫୁସ୍ ଦୃଢ ହୋଇଯାଏ ଏବଂ ଅନେକ ରୋଗର ଆଶଙ୍କା କମିଯାଏ।
ଚାଲିବାର ବେଗ:
ଏହା ଶାରୀରିକ ସୁସ୍ଥତା ବୃଦ୍ଧି କରେ। ମନେରଖନ୍ତୁ ଯେ ଯେତେବେଳେ ଆପଣ ଚାଳିବେ, ଏହାର ଗତି ଘଣ୍ଟା ପ୍ରତି ୬ କିଲୋମିଟରରୁ କମ୍ ହେବା ଉଚିତ୍ ନୁହେଁ, ଯଦି ଆପଣ କମ୍ ବେଗରେ ଚାଲନ୍ତି ତେବେ ଏହାର କୌଣସି ଲାଭ ମିଳିବ। ଆପଣ ଚାଲିବାବେଳେ ଝାଳ ବୋହିବା ଉଚିତ।
ତେବେ ଏଠାରେ ମନେରଖନ୍ତୁ ଯେ ଦୁଇ-ଚାରି ଦିନ ଏହି ନିୟମ ଅନୁସରଣ କଲେ କିଛି ଲାଭ ମିଳିବ ନାହିଁ। ଏହାକୁ କ୍ରମାଗତ ଭାବରେ କରିବାକୁ ପଡିବ।