Health Tips: ସକାଳେ ଉଠିବାର କେତେ ସମୟ ପରେ ବ୍ୟାୟାମ କରିବା ଉଚିତ; ଜାଣନ୍ତୁ କ’ଣ କହୁଛନ୍ତି ବିଶେଷଜ୍ଞ

ସୁସ୍ଥ ଏବଂ ଫିଟ୍ ରହିବା ପାଇଁ ଅନେକ ଲୋକ ସକାଳେ ଜିମ୍ ଯାଇ ଘଣ୍ଟା ଘଣ୍ଟା ଝାଳ ବୁହାନ୍ତି। ବ୍ୟାୟାମ କରିବା କେବଳ ସ୍ୱାସ୍ଥ୍ୟକୁ ବଜାୟ ରଖେ ନାହିଁ ବରଂ ଅନେକ ଗମ୍ଭୀର ରୋଗର ଆଶଙ୍କା ମଧ୍ୟ ହ୍ରାସ କରିଥାଏ। ନିୟମିତ ବ୍ୟାୟାମ କରି ଜଣେ ଦୀର୍ଘ ଜୀବନ ପାଇଁ ଫିଟ୍ ଏବଂ ଶକ୍ତିଶାଳୀ ରହିପାରିବେ।

ସବୁ ବୟସର ଲୋକମାନେ କିଛି ନା କିଛି ବ୍ୟାୟାମ କରିପାରିବେ

ସବୁ ବୟସର ଲୋକମାନେ ହାଲୁକା ବ୍ୟାୟାମ କରିପାରିବେ। ତେବେ ଅଧିକାଂଶ ଲୋକ ଦ୍ୱନ୍ଦ୍ୱରେ ପଡନ୍ତି ଯେ ଖାଇବା ପରେ ନା ଖାଲି ପେଟରେ ବ୍ୟାୟାମ କରିବା ଉଚିତ। ତେବେ ଏହାକୁ ନେଇ ସ୍ୱାସ୍ଥ୍ୟ ବିଶେଷଜ୍ଞ କ’ଣ କୁହନ୍ତି ଆସନ୍ତୁ ଜାଣିବା।

ସ୍ୱାସ୍ଥ୍ୟ ବିଶେଷଜ୍ଞଙ୍କ ମତ:

ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ଲୋକମାନେ ସକାଳୁ ଉଠିବାର ୨-୩ ଘଣ୍ଟା ପରେ ବ୍ୟାୟାମ କରିବା ଉଚିତ। ସକାଳୁ ଉଠିବା ପରେ ପ୍ରଥମେ ୨-୩ ଗ୍ଲାସ୍ ପାଣି ପିଇବା ସହ ବ୍ୟାୟାମ କରିବାର ପ୍ରାୟ ଏକ ଘଣ୍ଟା ପୂର୍ବରୁ ସେଓ, କଦଳୀ କିମ୍ବା କୌଣସି ଫଳ ଖାଇବା ଉଚିତ। ଏହା ଦ୍ୱାରା ଶରୀରରେ ପ୍ରଚୁର ଶକ୍ତି ରହିବ ଏବଂ ବ୍ୟାୟାମ ମଧ୍ୟ ଭଲ ହେବ।

ସକାଳୁ ଉଠିବାର ୨-୩ ଘଣ୍ଟା ପରେ ବ୍ୟାୟାମ କରିବା ଉଚିତ

ତେବେ ବ୍ୟାୟାମ କରିବା ପୂର୍ବରୁ ଜଣେ ଭାରି ଖାଦ୍ୟ ଖାଇବା ଉଚିତ ନୁହେଁ। ଏହା ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି କରିପାରେ ଏବଂ ବ୍ୟାୟାମ ସମୟରେ ପେଟରେ ଭାରୀପଣ କିମ୍ବା ଅସୁବିଧା ହୋଇପାରେ।

ଫିଟ୍‌ନେସ୍ ପ୍ରଶିକ୍ଷକଙ୍କ ମତ:

ଫିଟ୍‌ନେସ୍ ପ୍ରଶିକ୍ଷକଙ୍କ ମତରେ ସାରାରାତି ଖାଲି ପେଟରେ ରହିବା ଦ୍ୱାରା ଆମ ଶରୀରକୁ ଜଳ ଏବଂ ପୋଷକ ତତ୍ତ୍ୱ ଦରକାର ପଡେ। ଯଦି ଜଣେ ବ୍ୟକ୍ତି ପାଣି ଏବଂ କିଛି ଫଳ ନ ଖାଇ ବ୍ୟାୟାମ କରନ୍ତି, ତେବେ ସେ ଦୁର୍ବଳ ଏବଂ ଥକ୍କାପଣ ଅନୁଭବ କରିପାରନ୍ତି।

ଶରୀରକୁ ଜଳ ଏବଂ ପୋଷକ ତତ୍ତ୍ୱ ଦରକାର ପଡେ

ଫଳରେ ବ୍ୟାୟାମ କରିଣା ବେଳେ ପରଫର୍ମାନ୍ସ ଖରାପ ହୋଇପାରେ। ଯଦି ବ୍ୟାୟାମ ପୂର୍ବରୁ ଶରୀର କିଛି କାର୍ବସ୍ ପାଏ, ତେବେ ଶକ୍ତିର ଅଭାବ ରହିବ ନାହିଁ। ପାଣି ପିଇବା ଦ୍ୱାରା ଶରୀର ହାଇଡ୍ରେଟ୍ ରୁହେ ଏବଂ ମେଟାବୋଲିଜିମ୍ ବୁଷ୍ଟ୍ ହୁଏ। ବିଶେଷକରି ଯେଉଁମାନେ ମଧୁମେହରେ ପୀଡିତ, ସେମାନେ ବ୍ୟାୟାମ ପୂର୍ବରୁ ସହଜରେ ହଜମ ହେଉଥିବା ଫଳ ଖାଇପାରିବେ।

ଉଠିବା ପରେ ତୁରନ୍ତ ବ୍ୟାୟାମ ଉଚିତ ନୁହେଁ:

ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ ସକାଳେ ଉଠିବା ପରେ ତୁରନ୍ତ ବ୍ୟାୟାମ କରିବା ଉଚିତ ନୁହେଁ, କାରଣ ଏହି ସମୟ ମଧ୍ୟରେ ଆମ ଗଣ୍ଠିରେ ଥିବା ଏକ ବିଶେଷ ପ୍ରକାରର ତରଳ ପଦାର୍ଥ ମୋଟା ହୋଇଯାଏ। ଯେତେବେଳେ ଆମେ ଉଠିବା ପରେ ପରେ ଶରୀରକୁ ସକ୍ରିୟ କରିଥାଉ, ସେତେବେଳେ ଏହି ତରଳ ପଦାର୍ଥ ସ୍ୱାଭାବିକ ହୋଇଯାଏ ଏବଂ ଏହା ପରେ ବ୍ୟାୟାମ କରିବା ଉଚିତ।

ଉଠିବା ପରେ ତୁରନ୍ତ ବ୍ୟାୟାମ ଉଚିତ ନୁହେଁ

ସକାଳେ ଉଠିବା ପରେ ତୁରନ୍ତ ତୀବ୍ର ବ୍ୟାୟାମ କରିବା ଦ୍ୱାରା ଗଣ୍ଠି ନଷ୍ଟ ହୋଇପାରେ ଏବଂ ଆଘାତ ହେବାର ଆଶଙ୍କା ବଢିପାରେ। ଏପରି ପରିସ୍ଥିତିରେ, ଲୋକମାନେ ବ୍ୟାୟାମ କରିବା ପୂର୍ବରୁ ଶାରିରୀକ ଷ୍ଟ୍ରେଚିଂ କରିବା ଦରଦାର ଏବଂ ଶରୀରକୁ ବ୍ୟାୟାମ ପାଇଁ ପ୍ରସ୍ତୁତ କରିବା ଉଚିତ।