ପ୍ରତ୍ୟେକ ବାପାମାଆ ଚାହାଁନ୍ତି ଯେ ସେମାନଙ୍କର ପିଲାମାନେ ସ୍ମାର୍ଟ, ବୁଦ୍ଧିମାନ ଏବଂ ମାନସିକ ସ୍ତରରେ ବହୁତ ଶକ୍ତିଶାଳୀ ହୁଅନ୍ତୁ। ସେମାନେ ସବୁଥିରେ ପ୍ରଥମ ହୁଅନ୍ତୁ। ପିଲାମାନଙ୍କୁ ମାନସିକ ସ୍ତରରେ ତୀକ୍ଷ୍ଣ କରିବାକୁ ବାପାମାଆ ସବୁ କିଛି କରିବାକୁ ପ୍ରସ୍ତୁତ ଥାଆନ୍ତି। ସେମାନଙ୍କୁ ସୁସ୍ଥ ଖାଦ୍ୟ ଦିଅନ୍ତି। ସେମାନଙ୍କ ଉଚିତ ଯତ୍ନ ନିଅନ୍ତି।
ଏତେସବୁ କରିବା ପରେ ମଧ୍ୟ ଅନେକ ପିଲା ଅଛନ୍ତି ଯେଉଁମାନେ ପଛରେ ପଡିଯାଆନ୍ତି। ଯେତେ ଚେଷ୍ଟା କଲେ ମଧ୍ୟ କିଛି ପିଲା ବୁଦ୍ଧିରେ କମଜୋର ପଡିଯାଆନ୍ତି। ଏଭଳି ପିଲାଙ୍କ କ୍ଷେତ୍ରରେ ବାପାମାଆମାନେ ଖୁବ୍ ଚିନ୍ତାରେ ପଡିଯାଆନ୍ତି। ସେମାନେ ନିଜ ପିଲାକୁ କିପରି ବୁଦ୍ଧିମାନ ଆଉ ସ୍ମାର୍ଟ୍ କରିବେ ସେହି ଚିନ୍ତାରେ କରୁଥାନ୍ତି।
ଆଜିର ଏହି ଧାଁ ଦୌଡ ଦୁନିଆରେ, ଯଦି ଆପଣ ନିଜ ପିଲାକୁ ଅନ୍ୟମାନଙ୍କଠାରୁ ଆଗକୁ ନେବାକୁ ଚାହୁଁଛନ୍ତି, ତେବେ ସେମାନଙ୍କ ଠାରେ କିଛି ଜିନିଷ ଏବଂ କୌଶଳକୁ ବିକାଶ କରିବାକୁ ପଡିବ। ଆସନ୍ତୁ ଜାଣିବା ୭ଟି ଟିପ୍ସ ଜାଣିନେବା ଯାହା ଆପଣଙ୍କ ପିଲାଙ୍କୁ ମାନସିକ ସ୍ତରରେ ତୀକ୍ଷ୍ଣ ଏବଂ ବୁଦ୍ଧିମାନ କରିପାରିବ।
Also Read
ଯୋଗ ଶିକ୍ଷା:
ଯଦି ଆପଣ ଚାହାଁନ୍ତି ଯେ ଆପଣଙ୍କ ପିଲା ମାନସିକ ସ୍ତରରେ ତୀକ୍ଷ୍ଣ ଏବଂ ସ୍ମାର୍ଟ ହୁଅନ୍ତୁ, ତେବେ ସେମାନଙ୍କୁ ମନଖୋଲି କଥା ହେବାକୁ ଉତ୍ସାହିତ କରନ୍ତୁ। ସେମାନଙ୍କୁ ସେମାନଙ୍କର ଭାବନାକୁ ଚିହ୍ନିବା ଏବଂ ପ୍ରକାଶ କରିବାରେ ସାହାଯ୍ୟ କରନ୍ତୁ। ପିଲାମାନଙ୍କୁ ସେମାନଙ୍କର ଭାବନା ଉପରେ ନିୟନ୍ତ୍ରଣ କରିବାକୁ ଶିଖାନ୍ତୁ। ଚାପକୁ ନିୟନ୍ତ୍ରଣ କରିବା ପାଇଁ ଯୋଗ ଏବଂ ମାନସିକ ସ୍ୱାସ୍ଥ୍ୟ ବିଷୟରେ ଶିକ୍ଷା ଦିଅନ୍ତୁ।
ସମସ୍ୟାରୁ ଦୂରେଇ ନ ଯିବା:
ପିଲାମାନଙ୍କୁ ସମସ୍ୟାରୁ ଦୂରେଇ ନ ଯାଇ ସେଗୁଡ଼ିକର ସମାଧାନ ପାଇଁ ଉତ୍ସାହିତ କରନ୍ତୁ। ଏହା ସହିତ ସେମାନେ ସେମାନଙ୍କ ବାଟରେ ଆସୁଥିବା ପ୍ରତିବନ୍ଧକକୁ ଦୂର କରିବାକୁ ସକ୍ଷମ ହେବେ। ସମାଲୋଚନାତ୍ମକ ଚିନ୍ତା ଏବଂ ସୃଜନଶୀଳତାକୁ ପ୍ରୋତ୍ସାହିତ କରନ୍ତୁ ଯାହା ଦ୍ୱାରା ସେମାନେ ସାହସର ସହିତ ବାଧାବିଘ୍ନକୁ ଦୂର କରିପାରିବେ।
ସକରାତ୍ମକ ଚିନ୍ତା:
ପିଲାମାନଙ୍କର ନକାରାତ୍ମକ ଚିନ୍ତାଧାରାକୁ ପରିବର୍ତ୍ତନ କରିବା ପାଇଁ ଆବଶ୍ୟକ ଶିକ୍ଷା ଦିଅନ୍ତୁ। ସବୁ ପରିସ୍ଥିତିରେ ସେମାନଙ୍କୁ ସକରାତ୍ମକ ହେବାକୁ କୁହନ୍ତୁ।
ପାରିବାରିକ କାର୍ଯ୍ୟକଳାପ:
ପିଲାମାନଙ୍କୁ ମାନସିକ ସ୍ତରରେ ତୀକ୍ଷ୍ଣ ଏବଂ ବୁଦ୍ଧିମାନ କରିବାକୁ, ସେମାନଙ୍କ ସହିତ କିଛି ପାରିବାରିକ କାର୍ଯ୍ୟକଳାପ କରନ୍ତୁ। ଯେପରି କି ବୋର୍ଡ ଗେମ୍ ଖେଳିବା କିମ୍ବା ସେମାନଙ୍କ ସହିତ ବାହାରେ ବୁଲି ଯିବା।
ଶାରୀରିକ ବ୍ୟାୟାମ
ଶରୀର ଏବଂ ମନ ମଧ୍ୟରେ ସଠିକ୍ ସମନ୍ୱୟ ରକ୍ଷା କରିବାକୁ, ପିଲାମାନେ ଶାରୀରିକ ବ୍ୟାୟାମ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହାଦ୍ୱାରା ଉନ୍ନତ ମାନସିକ ଏବଂ ଶାରୀରିକ ଅଭିବୃଦ୍ଧି ଘଟେ।
ପ୍ରତିଯୋଗିତାରେ ଭାଗ:
ପିଲାମାନଙ୍କୁ ମାନସିକ ସ୍ତରରେ ଶକ୍ତିଶାଳୀ କରିବାକୁ, ସେମାନଙ୍କୁ ପ୍ରତିଯୋଗିତାରେ ଭାଗ ନେବାକୁ ସର୍ବଦା ଉତ୍ସାହିତ କରନ୍ତୁ। ପ୍ରତିଯୋଗିତାରେ ଅଂଶ ହେବା ଦ୍ୱାରା ପିଲାମାନଙ୍କ ଆତ୍ମବିଶ୍ୱାସ ବଢିଥାଏ।
ପର୍ଯ୍ୟାପ୍ତ ନିଦ୍ରା:
ଯଦି ପିଲାମାନେ ପର୍ଯ୍ୟାପ୍ତ ପରିମାଣରେ ଶୋଇପାରୁ ନାହାଁନ୍ତି ଏବଂ ଏକ ସୁସ୍ଥ ଖାଦ୍ୟ ଖାଉ ନାହାଁନ୍ତି, ତେବେ ସେମାନେ ଶାରୀରିକ ଏବଂ ମାନସିକ ସ୍ତରରେ ସଠିକ୍ ଭାବରେ ବିକାଶ କରିପାରିବେ ନାହିଁ। ଏପରି ପରିସ୍ଥିତିରେ ସେମାନଙ୍କ ଠାରେ ସୁସ୍ଥ ଖାଦ୍ୟ ଖାଇବା, ପର୍ଯ୍ୟାପ୍ତ ପରିମାଣରେ ଶୋଇବା ଏବଂ ନିୟମିତ ବ୍ୟାୟାମ କରିବାର ଅଭ୍ୟାସକୁ ବିକାଶ କରିବା ପିତାମାତାଙ୍କର କାମ।