ଅନେକ ଲୋକ ଅଛନ୍ତି ଯେଉଁମାଙ୍କର ଅଭ୍ୟାସ ନିଜ ପାର୍ଟନର୍ଙ୍କ ସହ ଝଗଡା ପରେ ପରେ ଶୀଘ୍ର ଆପୋଷ ବୁଝାମଣା କରିନେବା। କିନ୍ତୁ ବିଚାର ସମାନ ହୋଇଥିଲେ ମଧ୍ୟ କାମ ଭିନ୍ନ ହୋଇଥାଏ ଏବଂ ବିବାଦ ବଢିଯାଏ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଆପଣଙ୍କ ପାର୍ଟନର୍ଙ୍କ ସହ ଝଗଡା ହେବା ପରେ ଆପଣ ଏହାର ସମାଧାନକୁ ନେଇ ଚିନ୍ତା କରନ୍ତି।
କିନ୍ତୁ ଏହା କରିବା ସମୟରେ ହୋଇଯାଉଥିବା ତିନୋଟି ଭୁଲ ବେଳେବେଳେ ମହଙ୍ଗା ପଡିଥାଏ। ଅନେକ ସମୟରେ ବୁଝାମଣା କରିବା ଚକ୍କରରେ ଅନେକ କିଛି ଭୁଲ୍ ହୋଇଯାଏ ଏବଂ ପଛରେ ଅନୁତାପ ଛଡା ଆଉ କିଛି ନ ଥାଏ। ତେବେ ଆସନ୍ତୁ ଏ ବିଷୟରେ ଜାଣିନେବା।
ଅଧିକ ପଢ଼ନ୍ତୁ: ପାଞ୍ଚଟି କାରଣ ଜଣେଇଦେବ ଜଣେ ପ୍ରେମରେ ପଡିଛି କି ନାଇଁ
Also Read
ସମ୍ପର୍କରେ ଝଗଡା ହେବା ଏକ ସ୍ୱାଭାବିକ କଥା। ପ୍ରତିଦିନ ଏମିତି ହେବା ମଧ୍ୟ ଜରୁରୀ କାରଣ ଏହା ହିଁ ସମ୍ପର୍କକୁ ଦୃଢ ଏବଂ ମଧୁର କରିଥାଏ। କାରଣ ଯେପର୍ଯ୍ୟନ୍ତ କଥାବାର୍ତ୍ତା ବନ୍ଦ ନ ହୋଇଛି ଏବଂ ପରସ୍ପରର ଚେହେରା ଦେଖିବାକୁ ପସନ୍ଦ ନ କରିଛେ, ଏହି ପରିସ୍ଥିତିକୁ ନିୟନ୍ତ୍ରଣ କରାଯାଇପାରିବ। ତେବେ ଝଗଡା ପରେ, କିଛି କଥା ଜାଣିଶୁଣି କିମ୍ବା ଅଜାଣତରେ ବିବାଦ ବଢାଇବା ଆରମ୍ଭ କରେ। ତେବେ ଆସନ୍ତୁ ସେସବୁ ବିଷୟରେ ଜାଣିବା।
ଝଗଡାର କାରଣକୁ ନେଇ ଚିନ୍ତା କରିବା:
ଅନେକ ସମୟରେ ପାର୍ଟନର୍ଙ୍କ ମଧ୍ୟରେ ହେଉଥିବା ଝଗଡା ମନକୁ ମନ ଶାନ୍ତ ପଡିଯାଏ। କିନ୍ତୁ କେହି ଯଦି ସବୁବେଳେ ଭାବେ ଯେ ସେମାନଙ୍କ ମଧ୍ୟ ଝଗଡା କାହିଁକି ହେଲା, ତେବେ ଏଥିରେ ଝଗଡା କମିବ ନାହିଁ। ତେଣୁ ଯଦି ଆପଣ ଝଗଡାକୁ ଅନ୍ତ କରିବାକୁ ଚାହାଁନ୍ତି, ତେବେ ଝଗଡା କେଉଁଠାରୁ ଆରମ୍ଭ ହେଲା ସେ ବିଷୟରେ ଆଲୋଚନା କରନ୍ତୁ ନାହିଁ, କାରଣ ଏହା କରିବା ଦ୍ୱାରା ଝଗଡା ପୁଣି ଥରେ ହୋଇପାରେ। କାରଣ ଏହା ପାର୍ଟନର୍କୁ ଆହୁରି କ୍ରୋଧିତ କରିଥାଏ।
ଦେଖାଣିଆ ବୁଝାମଣା:
ଯଦି ଆପଣ ଝଗଡା ସମାଧାନ କରିବାକୁ ଏବଂ ଶାନ୍ତି ପ୍ରତିଷ୍ଠା କରିବାକୁ ଚାହାନ୍ତି ତେବେ ଏହାକୁ କେବଳ ଦେଖାଣିଆ ପାଇଁ ନୁହେଁ ବରଂ ଏହାକୁ ହୃଦୟରୁ କରନ୍ତୁ। କାରଣ ଅନେକ ସମୟରେ ଛଳନା ଧରାପଡିଯାଏ ଏବଂ ତା’ପରେ ଆଉ ଏକ ନୂଆ ବିତର୍କ ଆରମ୍ଭ ହୁଏ।
ଯଦି ଭୁଲଟି ନିଜର ତେବେ ଏହାକୁ ସହଜରେ ଗ୍ରହଣ କରନ୍ତୁ ଏବଂ ସରୀ ମାଗନ୍ତୁ ଏବଂ ଯଦିବି ଭୁଲ ପ୍ରତିପକ୍ଷର ଥାଏ ତେବେ ପରିସ୍ଥିତିକୁ ବୁଝି ସମାଧାନ କରିବାର ବାଟ କାଢନ୍ତୁ। ଅଧିକାଂଶ ଯୋଡି ସମାଧାନକୁ କେବଳ ଦେଖାଣିଆ କରନ୍ତି। ବିଶେଷଜ୍ଞଙ୍କ ଅନୁଯାୟୀ, ଏହା ଆପଣଙ୍କ ସମ୍ପର୍କ ପାଇଁ ଠିକ୍ ନୁହେଁ। ଯଦି ଆପଣଙ୍କ ସାଥୀଙ୍କ ସହ ଆପଣଙ୍କର କୌଣସି ଅସୁବିଧା ଅଛି ତେବେ ଏହାକୁ ଆଲୋଚନା କରନ୍ତୁ ଏବଂ ସମାଧାନର ରାସ୍ତା ଖୋଜନ୍ତୁ।
ତତ୍କ୍ଷଣାତ ପଦକ୍ଷେପ ନେବା:
ଝଗଡାର ସମାଧାନ ପାଇଁ ତତ୍କ୍ଷଣାତ ପଦକ୍ଷେପର କୌଣସି ଅର୍ଥ ନାହିଁ। ଯଦି କୌଣସି ଏକ ଗମ୍ଭୀର ପ୍ରସଙ୍ଗକୁ ନେଇ ଯୁକ୍ତି ଅଛି, ତେବେ ଆପଣଙ୍କ ସାଥୀଙ୍କୁ ଶାନ୍ତ ହେବାକୁ ସୁଯୋଗ ଦିଅନ୍ତୁ। ଆଲୋଚନା ମାଧ୍ୟମରେ ସମାଧାନର ବାଟ ଖୋଜିବା ହେଉଛି ସଠିକ୍ ଉପାୟ, କିନ୍ତୁ ଉପଯୁକ୍ତ ସୁଯୋଗକୁ ଅପେକ୍ଷା କରନ୍ତୁ।
କ୍ରୋଧରେ, ଠିକ୍ କଥା ମଧ୍ୟ ଭୁଲ୍ ମନେହୁଏ ଏବଂ ସଠିକ୍ ନିଷ୍ପତ୍ତି ନେବା କଷ୍ଟକର ହୋଇଯାଏ। ଝଗଡା ପରେ, ଚିଡେଇବା ଏବଂ ଗାଳିଦେବାର ଅଭ୍ୟାସ ଛାଡି ପରସ୍ପରକୁ କିଛି ସମୟ ପାଇଁ ଏକଲା ଛାଡିଦିଅନ୍ତୁ। କିନ୍ତୁ ଏହାପରେ, ଘଟଣା କିପରି ଶାନ୍ତ କରିବେ ସେଥିପ୍ରତି ଧ୍ୟାନ ଦିଅନ୍ତୁ।