PM ଇଣ୍ଟର୍ନସିପ୍ ସ୍କିମ୍ ପାଇଁ ପଞ୍ଜୀକରଣ ପ୍ରକ୍ରିୟା ଆଜି ଅର୍ଥାତ ଅକ୍ଟୋବର ୧୨ ରୁ ଆରମ୍ଭ ହେଉଛି। ଇଣ୍ଟର୍ନସିପ୍ ସ୍କିମ୍ ପାଇଁ ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ PM ଇଣ୍ଟର୍ନସିପ୍ ସ୍କିମ୍ର ଅଫିସିଆଲ୍ ୱେବସାଇଟ୍ pminternship.mca.gov.in ମାଧ୍ୟମରେ ଅନ୍ଲାଇନ୍ରେ ଆବେଦନ କରିପାରିବେ।
ଶୁକ୍ରବାର ପର୍ଯ୍ୟନ୍ତ, ୧୯୩ଟି କମ୍ପାନୀ ପ୍ରଧାନମନ୍ତ୍ରୀ ଇଣ୍ଟର୍ନସିପ୍ ସ୍କିମ୍ ପୋର୍ଟାଲରେ ଇଣ୍ଟର୍ନସିପ୍ ପଦବୀ ଉପଲବ୍ଧ କରାଇଛନ୍ତି। ଶୁକ୍ରବାର ସନ୍ଧ୍ୟା ପର୍ଯ୍ୟନ୍ତ ପ୍ରାୟ ୯୦,୮୪୯ ଇଣ୍ଟର୍ନସିପ୍ ପୋଷ୍ଟ ପଞ୍ଜିକୃତ ହୋଇଛି।
Also Read
ରିପୋର୍ଟ ଅନୁଯାୟୀ, ଜୁବିଲାଣ୍ଟ ଫୁଡ୍ ୱାର୍କସ୍, ମାରୁତି ସୁଜୁକି ଇଣ୍ଡିଆ, ଆଇଶର୍ ମୋଟର୍ସ ଲିମିଟେଡ୍, ଲାରସେନ୍ ଆଣ୍ଡ ଟୁବ୍ରୋ ଲିମିଟେଡ୍, ମୁଥୁଟ୍ ଫାଇନାନ୍ସ ଏବଂ ରିଲାଏନ୍ସ ଇଣ୍ଡଷ୍ଟ୍ରିଜ୍ ଭଳି ପ୍ରମୁଖ ଘରୋଇ କ୍ଷେତ୍ର ସଂସ୍ଥାଗୁଡ଼ିକ ଏଥିରେ ସାମିଲ ଅଛନ୍ତି।
ସରକାରୀ ବିଜ୍ଞପ୍ତି ଅନୁଯାୟୀ, "ପୋର୍ଟାଲ୍ ଆଜି ସନ୍ଧ୍ୟା ୫ଟାରୁ ଯୁବ ପଞ୍ଜିକରଣ ଏବଂ ପ୍ରୋଫାଇଲ୍ ସୃଷ୍ଟି ପାଇଁ ଖୋଲା ହେବ। ପଞ୍ଜୀକରଣ ଏବଂ ପ୍ରୋଫାଇଲ୍ ସୃଷ୍ଟି କରିବା ପରେ ଆପଣଙ୍କୁ ପଞ୍ଜୀକୃତ ଇମେଲ / ମୋବାଇଲ୍ ନମ୍ବରରେ ଇଣ୍ଟର୍ନସିପ୍ ସୁଯୋଗ ବିଷୟରେ ସୂଚନା ଦିଆଯିବ। ତାପରେ ଆପଣଙ୍କୁ ଇଣ୍ଟର୍ନସିପ୍ ଅବସରରେ ବାଛିବା ପାଇଁ ବିକଳ୍ପ ଉବଲବ୍ଧ ହେବ। କୌଣସି ପଞ୍ଜୀକରଣ କିମ୍ବା ଆବେଦନ ଶୁଳ୍କ ନାହିଁ। ଅଧିକ ଅପଡେଟ୍ ପାଇଁ ଦୟାକରି ସଂଯୁକ୍ତ ରୁହନ୍ତୁ।”
ଏହିପରି କରନ୍ତୁ ଆବେଦନ:
- ପ୍ରାର୍ଥୀମାନେ PM ଇଣ୍ଟର୍ନସିପ୍ ସ୍କିମ୍ ୨୦୨୪ ପାଇଁ ଆବେଦନ କରିବାକୁ ନିମ୍ନରେ ଦିଆଯାଇଥିବା ପଦକ୍ଷେପଗୁଡିକ ଅନୁସରଣ କରିପାରିବେ।
- ଅଫିସିଆଲ୍ ୱେବସାଇଟ୍ pminternship.mca.gov.in କୁ ଯାଆନ୍ତୁ
- ରେଜିଷ୍ଟର୍ ଲିଙ୍କ୍ରେ କ୍ଲିକ୍ କରନ୍ତୁ, ଏକ ନୂଆ ପେଜ୍ ଖୋଲିବ
- ପଞ୍ଜୀକରଣ ବିବରଣୀ ପୂରଣ କରନ୍ତୁ ଏବଂ Submit ବଟନ୍ ଉପରେ କ୍ଲିକ୍ କରନ୍ତୁ
- ପ୍ରାର୍ଥୀମାନଙ୍କ ଦ୍ୱାରା ଦିଆଯାଇଥିବା ସୂଚନାକୁ ଆଧାର କରି ପୋର୍ଟାଲ ଦ୍ୱାରା ବାୟୋଡାଟା ପ୍ରସ୍ତୁତ ହେବ
- ସ୍ଥାନ, କ୍ଷେତ୍ର, କାର୍ଯ୍ୟକ୍ଷମ ଭୂମିକା ଏବଂ ଯୋଗ୍ୟତା ଉପରେ ଆଧାର କରି ୫ ଟି ଇଣ୍ଟର୍ନସିପ୍ ସୁଯୋଗ ପାଇଁ ଆବେଦନ କରନ୍ତୁ। ଥରେ ହୋଇଗଲେ, Submit ଉପରେ କ୍ଲିକ୍ କରନ୍ତୁ।
- ପେଜ୍ ଡାଉନଲୋଡ୍ କରନ୍ତୁ
- ପରବର୍ତ୍ତୀ ଆବଶ୍ୟକତା ପାଇଁ ଏହାର ଏକ ହାର୍ଡ କପି ରଖନ୍ତୁ
୨୪ଟି ସେକ୍ଟରରେ ଇଣ୍ଟର୍ନସିପ୍ କରାଯିବ, ଯେଉଁଥିରେ ତୈଳ, ଗ୍ୟାସ ଏବଂ ଶକ୍ତି କ୍ଷେତ୍ରରେ ସର୍ବାଧିକ ସୁଯୋଗ ଉପଲବ୍ଧ ହେବ। ଭ୍ରମଣ, ପର୍ଯ୍ୟଟନ, ଅଟୋମୋବାଇଲ, ବ୍ୟାଙ୍କିଙ୍ଗ୍ ଏବଂ ଆର୍ଥିକ ସେବା ମଧ୍ୟ ଅନ୍ତର୍ଭୁକ୍ତ। ସାରା ଦେଶରେ ଇଣ୍ଟର୍ନସିପ୍ ସୁଯୋଗ ଦିଆଯିବ। ଏଥିପାଇଁ ବୟସ ସୀମା ୨୧ ରୁ ୨୪ ବର୍ଷରେ ସ୍ଥିର କରାଯାଇଛି।
-
ଯୋଗ୍ୟତା ମାନଦଣ୍ଡ:
- ଅନ୍ଲାଇନ୍ ଏବଂ ଡିଷ୍ଟାବ୍ସ ଅଧ୍ୟୟନ କରୁଥିବା ଛାତ୍ରମାନେ ଇଣ୍ଟର୍ନସିପ୍ ପାଇଁ ଯୋଗ୍ୟ ହେବେ
- ଯେଉଁମାନଙ୍କର ପରିବାରର ଆୟ ୨୦୨୩-୨୪ ଆର୍ଥିକ ବର୍ଷରେ ୮ ଲକ୍ଷରୁ ଅଧିକ ନ ଥିବ ସେମାନେ ଯୋଗ୍ୟ ହେବେ।