ନୀଳ ଆକାଶର ଛାତି ଚିରି ବିମାନ ଉଡ଼ାଇବାର ସ୍ୱପ୍ନ ଅନେକ ଦେଖନ୍ତି । ହେଲେ ଖୁବ କମ ପିଲା ତାଙ୍କର ସ୍ୱପ୍ନ ପୂରଣ କରିପାରନ୍ତି । ଆପଣ ବି ପାଇଲଟ ହେବାପାଇଁ ଚାହାନ୍ତି କି ? ଆଜି ଆମେ ଆପଣଙ୍କୁ କହିବୁ ପାଇଲଟ୍ ହେବା ପାଇଁ କେଉଁ ପାଠ୍ୟକ୍ରମ ଆବଶ୍ୟକ, ଟ୍ରେନିଂ କେଉଁଠାରେ ହୁଏ ଏବଂ ଏଥିପାଇଁ କେତେ ଟଙ୍କା ଖର୍ଚ୍ଚ କରିବାକୁ ପଡ଼େ ? ଯଦି ଆପଣ ଦ୍ୱାଦଶ ପାସ୍ ତେବେ ଆପଣ ପାଇଲଟ୍ ହୋଇପାରିବେ । ଏଥିପାଇଁ ଆପଣଙ୍କୁ ଦ୍ୱାଦଶରେ ବିଜ୍ଞାନ ଷ୍ଟ୍ରିମ୍ ନେବାକୁ ପଡ଼ିବ । ଏହା ସହିତ ଆପଣଙ୍କୁ ପଦାର୍ଥ ବିଜ୍ଞାନ ଏବଂ ଗଣିତରେ ୫୦ ପ୍ରତିଶତ ମାର୍କ ସ୍କୋର କରିବାକୁ ପଡ଼ିବ ।
ଏହି ମେଡିକାଲ ଟେଷ୍ଟ ପାସ କରିବାକୁ ପଡ଼ିବ
Also Read
ପାଇଲଟ କୋର୍ସ କରିବା ପାଇଁ ଚିନ୍ତା କରିବା ପୂର୍ବରୁ ନିଜର ମେଡିକାଲ ଟେଷ୍ଟ କରାଇନେବା ଜରୁରୀ । ଶାରୀରିକ ଭାବରେ ଫିଟ ନରହିଲେ ଏହି କୋର୍ସ କରିପାରିବେ ନାହିଁ । ଏଥିପାଇଁ ଆପଣଙ୍କୁ ପ୍ରଥମେ କ୍ଲାସ୍ -୨ ମେଡିକାଲ୍ ପାଇଁ ଆବେଦନ କରିବାକୁ ପଡିବ । କ୍ଲାସ୍ -୨ ମେଡିକାଲ୍ ପରୀକ୍ଷା ହେଉଛି ପାଇଲଟ୍ ହେବା ପାଇଁ ଆବଶ୍ୟକ ଏକ ଡାକ୍ତରୀ ପ୍ରମାଣପତ୍ର । ଏହି ପରୀକ୍ଷା ପାଇଲଟଙ୍କ ମାନସିକ ଏବଂ ଶାରୀରିକ ସୁସ୍ଥତାକୁ ଆକଳନ କରେ । ପାଇଲଟ ବିମାନକୁ ସୁରକ୍ଷିତ ଭାବେ ଉଡ଼ାଇବା ପାଇଁ ଫିଟ୍ ଅଛନ୍ତି କି ନାହିଁ ଏହି ପରୀକ୍ଷା ନିଶ୍ଚିତ କରେ । ଏହି ପରୀକ୍ଷା ପାଇଁ ଡିଜିସିଏ ୱେବସାଇଟ୍ ଭିଜିଟି କରି ଡାକ୍ତରଙ୍କ ନାମ ଦେଖିପାରିବେ । ଆଉ ଆପଣଙ୍କର ସୁବିଧା ଅନୁଯାୟୀ ଡାକ୍ତର ଚୟନ କରିପାରିବେ ଏବଂ ପରୀକ୍ଷା ପାଇଁ ବୁକ୍ କରିପାରିବେ ।
ଦୁଇ ଦିନର ହୁଏ ମେଡିକାଲ ଟେଷ୍ଟ
ଏହି ମେଡିକାଲ ଟେଷ୍ଟ ଦୁଇ ଦିନ ପର୍ଯ୍ୟନ୍ତ ଚାଲେ । ଟେଷ୍ଟ ପରେ ଆପଣଙ୍କ ରିପୋର୍ଟ ଆସିଯିବ, ଆପଣ ଶାରୀରିକ ଭାବରେ ଫିଟ ଅଛନ୍ତି କି ନାହିଁ, ପରୀକ୍ଷାରେ ଜଣାପଡ଼ିଯିବ । ଏହା ପରେ ଏକ କ୍ଲାସ୍ ୨ ଡାକ୍ତରୀ ପରୀକ୍ଷା ହେବ, ଆଉ ତା’ପରେ ଆପଣ ପାଇଲଟ୍ ହେବାକୁ ଯୋଗ୍ୟ କି ନୁହେଁ ତାହା ଜଣା ପଡିବ ।
ପାଇଲଟ୍ ହେବାର ଦୁଇଟି ଉପାୟ
ଆପଣ ଦୁଇଟି ଉପାୟରେ ପାଇଲଟ୍ ହୋଇପାରିବେ । ପ୍ରଥମ ହେଉଛି ଆପଣ ଏକ ଫ୍ଲାଇଙ୍ଗ୍ ସ୍କୁଲରେ ଯୋଗ ଦେଇପାରିବେ, ଯାହା ଆପଣଙ୍କର ପରୀକ୍ଷା ମଧ୍ୟ କରାଇବ ଏବଂ ଫ୍ଲାଇଂ ମଧ୍ୟ କରାଇବ । ତେବେ ଏଥିପାଇଁ ଆପଣଙ୍କୁ ନିଷ୍ପତ୍ତି ନେବାକୁ ପଡ଼ିବ କି ଆପଣ ପ୍ରଥମେ ପରୀକ୍ଷା ଦେବାକୁ ଚାହୁଁଛନ୍ତି କି ଉଡ଼ାଣ ଭରିବାକୁ ଚାହୁଁଛନ୍ତି । ଯଦି ଆପଣ ପ୍ରଥମେ ପରୀକ୍ଷା ଦେବାକୁ ଚାହୁଁଛନ୍ତି, ତେବେ ଆପଣଙ୍କୁ ଫ୍ଲାଇଙ୍ଗ୍ ସ୍କୁଲ ଯିବାକୁ ପଡିବ ନାହିଁ । କିଛି ଲୋକ ଅଲଗା ଅନୁଷ୍ଠାନରେ ମଧ୍ୟ ଯୋଗ ଦିଅନ୍ତି । ଦିଲ୍ଲୀରେ ଏପରି ଅନେକ ଅନୁଷ୍ଠାନ ଅଛି ଯାହା ଆପଣଙ୍କୁ ଟ୍ୟୁସନ କ୍ଲାସ ଯୋଗାଇଥାଏ ।
୨୦୦ ଘଣ୍ଟାର ଟ୍ରେନିଂ ପୂରା କରିବାକୁ ପଡ଼ିବ
Pariksha.dgca.gov.in(UDAAN) ନାମକ ୱେବସାଇଟକୁ ଯାଇ ନିଜ ନାମ ରେଜିଷ୍ଟର କରିବା ପାଇଁ ପଡ଼ିବ । ଏହା ପରେ ଆପଣଙ୍କୁ ଏକ କମ୍ପ୍ୟୁଟର ନମ୍ବର ପ୍ରଦାନ କରାଯିବ । ନମ୍ବର ମିଳିବା ପରେ ପରୀକ୍ଷା ପାଇଁ ପ୍ରସ୍ତୁତ ହେବାପାଇଁ ପଡ଼ିବ । ଏହି ପ୍ରକାର ଟ୍ରେନିଂକୁ Commercial pilot licence course କହନ୍ତି । ଏହି ପାଠ୍ୟକ୍ରମରେ ଆପଣଙ୍କୁ ସମସ୍ତ ପରୀକ୍ଷାର ଯୋଗ୍ୟତା ଅର୍ଜନ କରିବାକୁ ପଡିବ ଏବଂ ୨୦୦ ଘଣ୍ଟାର ଉଡ଼ାଣ ମଧ୍ୟ ଭରିବାକୁ ପଡ଼ିବ ।
ଆପଣ ପ୍ରଥମେ ଏକଜାମ ମଧ୍ୟ କ୍ଲିୟର କରିପାରିବେ କିନ୍ତୁ ସେମାନଙ୍କର ମିଆଦ ପୂର୍ଣ୍ଣ ତାରିଖ ଅଛି, ନଚେତ୍ ଆପଣ ପ୍ରଥମ କ୍ଲିୟର କରି ଦୁଇ ବର୍ଷ ପରେ ଉଡ଼ାଣ ଆରମ୍ଭ କରିବେ । ଏହି ସ୍ଥିତିରେ ଆପଣଙ୍କ ପରୀକ୍ଷାର କୌଣସି ମୂଲ୍ୟ ରହିବ ନାହିଁ ଏବଂ ଆପଣଙ୍କୁ ପୁନର୍ବାର ପରୀକ୍ଷା କ୍ଲିୟର କରିବାକୁ ପଡିବ । ତେଣୁ ଏହିପରି ଇନଷ୍ଟିଟ୍ୟୁଟରେ ଯୋଗ ଦିଅନ୍ତୁ, ଯାହା ଆପଣଙ୍କୁ ଗ୍ରାଉଣ୍ଡରେ କ୍ଲାସ୍ ମଧ୍ୟ ପ୍ରଦାନ କରିବ ।
ପାଇଲଟ କୋର୍ସରେ କ’ଣ କ’ଣ ହେବ ?
ଏହି କୋର୍ସରେ ସର୍ବପ୍ରଥମେ ଆସେ Meteorology, ଯେଉଁଥିରେ ଆପଣଙ୍କୁ ପାଣିପାଗ ବିଷୟରେ ଶିକ୍ଷା ଦିଆଯିବ, ଯାହା ପାଇଲଟଙ୍କ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ । ଏହା ସହିତ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ କିପରି ପହଞ୍ଚିବ ସେ ବିଷୟରେ ନାଭିଗେସନ୍ ଶିକ୍ଷା ମଧ୍ୟ ଦିଆଯାଏ । ଏହା ପରେ ବିମାନ ବିଷୟରେ, ବିମାନ ଇଞ୍ଜିନ୍ କିପରି କାର୍ଯ୍ୟ କରେ ଏବଂ ଏହାର ମୌଳିକ ନୀତି ଏବଂ ସିଦ୍ଧାନ୍ତ ବିଷୟରେ ପ୍ରଶିକ୍ଷିତ କରାଯାଏ । ତା’ପରେ ଆସେ Air regulation । ଯେଉଁଥିରେ ଏୟାର ଟ୍ରାଫିକ୍ ନିୟମ ଶିକ୍ଷା ଦିଆଯାଏ । ପ୍ରତ୍ୟେକ ଦେଶର Air regulation ଭିନ୍ନ ଭିନ୍ନ ଅଟେ ।
ପାଇଲଟ କୋର୍ସର ଖର୍ଚ୍ଚ
ପାଇଲଟ କୋର୍ସ କରିବା ପାଇଁ ପାଖାପାଖି ୩୫ ଲକ୍ଷରୁ ୧ କୋଟି ପର୍ଯ୍ୟନ୍ତ ଖର୍ଚ୍ଚ ହୁଏ
ଚାକିରି ପାଇଁ କିପରି ଆବେଦନ କରିବେ ?
ଚାକିରି ପାଇଁ ଆବେଦନ କରିବା ପୂର୍ବରୁ ଜାଣିନିଅନ୍ତୁ, ପାଇଲଟ ଚୟନ କେବଳ ସାକ୍ଷାତକାର ଆଧାରରେ କରାଯାଏ ନାହିଁ । ଏହି ସାକ୍ଷାତକାରରେ Hand-Eye Coordinationମଧ୍ୟ ପରୀକ୍ଷା କରାଯିବ । ତେଣୁ Hand-Eye Coordination ଉନ୍ନତ କରିବା ପାଇଁ ଭିଡିଓ ଗେମ୍ ଖେଳିବା ଏକ ବହୁତ ଭଲ ବିକଳ୍ପ ।
କିପରି ହେବ ପରୀକ୍ଷା ?
ପାଇଲଟ୍ ପରୀକ୍ଷାରେ ପ୍ରଥମ ରାଉଣ୍ଡ ଲିଖିତ ପରୀକ୍ଷା କରାଯାଏ । ଯେଉଁଥିରେ ଆପଣଙ୍କୁ ଦ୍ୱାଦଶ ଆଧାରିତ ପଦାର୍ଥ ବିଜ୍ଞାନ ଏବଂ ଗଣିତରୁ ପ୍ରଶ୍ନ ଆସିବ । ଏହା ପରେ ଦ୍ୱିତୀୟ ରାଉଣ୍ଡରେ ଏକ ଭିଡିଓ ଗେମ୍ ପରୀକ୍ଷା ଦେବାକୁ ପଡ଼େ । ଏହା ପରେ ତୁମର ସମସ୍ୟା ସମାଧାନ କୌଶଳକୁ ବିଶ୍ଳେଷଣ କରାଯିବ । ଆପଣଙ୍କୁ ମଲ୍ଟି-ଟାସ୍କିଂ କାମ ଦିଆଗଲେ ଆପଣ ଏହାକୁ କିପରି ପରିଚାଳନା କରିବେ ତାହା ମଧ୍ୟ ଦେଖାଯିବ । ଏହାକୁ ବିଶ୍ଳେଷଣ କରିବା ପରେ ତୁମର ମୂଲ୍ୟାଙ୍କନ କରାଯିବ । ଏହିସବୁ ସ୍ତରରେ ଉତୀର୍ଣ୍ଣ ହେବାପରେ ସାକ୍ଷାତକାର ରାଉଣ୍ଡରେ ପହଞ୍ଚିଯିବେ ପ୍ରାର୍ଥୀ । ଏଠାରେ ଆପଣଙ୍କୁ ଫେସ ଟୁ ଫେସ ପ୍ରଶ୍ନ ପଚରାଯାଏ ।
ଦରମା କେତେ ?
ଜଣେ ବୃତ୍ତିଗତ ପାଇଲଟଙ୍କ ଦରମା ବିଷୟରେ ଆଲୋଚନା କଲେ, ବିମାନରେ ଜଣେ ଫାଷ୍ଟ ଅଫିସର ଓ ଜଣେ କ୍ୟାପଟେନ ବିମାନ ଉଡ଼ାନ୍ତି । ଏଥିରେ କ୍ୟାପଟେନଙ୍କ ଦରମା ମାସିକ ୮ରୁ ୧୦ ଲକ୍ଷ ଥାଏ, ଫାଷ୍ଟ ଅଫିସରଙ୍କୁ ୩ ଲକ୍ଷ ଟଙ୍କା ଦରମା ପ୍ରଦାନ କରାଯାଏ । ଭାରତର କୌଣସି ବି ପାଇଲଟଙ୍କ ଦରମା ମାସକୁ ୧୦ ରୁ ୧୫ ଲକ୍ଷ ମଧ୍ୟରେ ସୀମିତ ଥାଏ ।