ଯୌନ ଦକ୍ଷତା ବୃଦ୍ଧି ପାଇଁ ଭାଏଗ୍ରାର ଅତ୍ୟଧିକ ବ୍ୟବହାର ଜଣେ ଯୁବକ ପାଇଁ ସାଂଘାତିକ ପ୍ରମାଣିତ ହୋଇଛି। ବିବାହର ୩ ମାସ ମଧ୍ୟରେ ପରିସ୍ଥିତି ଏମିତି ହେଲା ଯେ ପ୍ରୟାଗର ଜଣେ ଯୁବକଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଲା, ଯେଉଁଠାରେ ଏହି ସମସ୍ୟାରୁ ମୁକ୍ତି ପାଇବା ପାଇଁ ତାଙ୍କୁ ଦୁଇଥର ଅପରେସନ୍ କରିବାକୁ ପଡିଲା। ବର୍ତ୍ତମାନ ଯୁବକଙ୍କର ଅବସ୍ଥା ସ୍ୱାଭାବିକ ହୋଇଛି।
ଏହି ମାମଲା ସଙ୍ଗମ ସହର ପ୍ରୟାଗରାଜର। ପୁରୁଷଙ୍କ ଯୌନ ଦକ୍ଷତା ସହିତ ଜଡିତ ଏହି ଔଷଧର ଅତ୍ୟଧିକ ମାତ୍ରା, ବିବାହର କିଛି ମାସ ମଧ୍ୟରେ ୨୮ବର୍ଷର ଏହି ଯୁବକଙ୍କ ଜୀବନକୁ କ୍ଷତି ପହଞ୍ଚାଇଛି। ମୋତିଲାଲ ନେହେରୁ ମେଡିକାଲ କଲେଜ ହସ୍ପିଟାଲର ଡାକ୍ତରମାନେ ଏହି ବିରଳ ଘଟଣାରେ ଅପରେସନ୍ କରି ଯୁବକଙ୍କୁ ନୂତନ ଜୀବନ ଦେଇଛନ୍ତି। ଏହାସହ କୌଣସି ଔଷଧର ମାତ୍ରାଧିକକୁ ନେଇ ଡାକ୍ତରମାନେ ଚେତାବନୀ ଦେଇଛନ୍ତି।
ଡାକ୍ତରମାନେ କହିଥିଲେ ଯେ ଯୁବକ ଜଣକ ତାଙ୍କ ସାଙ୍ଗମାନଙ୍କ ପରାମର୍ଶରେ ଭାଏଗ୍ରା ସେବନ କରିଥିଲେ। ମାତ୍ର ୨୫ ରୁ ୩୦ ମିଗ୍ରା ଆବଶ୍ୟକତା ଥିବା ବେଳେ ସେ ଏହାର ୬ ରୁ ୮ ଗୁଣ ଅଧିକ ଡୋଜ ନେଇ ୨୦୦ ମିଗ୍ରା ଡୋଜ୍ ନେବା ଆରମ୍ଭ କରିଥିଲେ। ଏହି କାରଣରୁ, ତାଙ୍କର ପ୍ରିୟପିଜିମ୍(Priapism) ନାମକ ଏକ ଗୁରୁତର ସମସ୍ୟା ହୋଇଥିଲା। ଫଳରେ ତାଙ୍କର ପ୍ରାଇଭେଟ୍ ପାର୍ଟ ଇନ୍ଫେକସନ ହେବା ସହ ଅତ୍ୟଧିକ ଯନ୍ତ୍ରଣା ମଧ୍ୟ ହୋଇଥିଲା।
ଯେତେବେଳେ ସମସ୍ୟା ଗମ୍ଭୀର ହେଲା, ଯୁବକ ଜଣକ ତାଙ୍କ ପତ୍ନୀଙ୍କ ସାହାଯ୍ୟରେ ଡାକ୍ତରଙ୍କ ସହ ଯୋଗାଯୋଗ କରିଥିଲେ। ୟୁରୋଲୋଜି ବିଭାଗର ଡାକ୍ତର ଦିଲୀପ ଚୌରାସିଆଙ୍କ ନେତୃତ୍ୱରେ ଏକ ଟିମ୍ ଏକ ଘଣ୍ଟା ପାଇଁ ପ୍ରଥମ ଅପରେସନ୍ କରିଥିଲେ। ଏହା ପରେ ଦୁଇ ମାସର ବ୍ୟବଧାନ ପରେ ତାଙ୍କୁ ଡକାଗଲା ଏବଂ ଶନିବାର ଦିନ ଅପରେସନ୍ ସଫଳ ହେଲା। ସେ କହିଛନ୍ତି ଯେ ପେନାଇଲ୍ ପ୍ରୋସ୍ଥେସିସ୍ ସର୍ଜରୀ ପରେ ଯୁବକ ପୁନର୍ବାର ସୁଖୀ ଏବଂ ସାଧାରଣ ଜୀବନଯାପନ କରିପାରିବେ।