ଶରୀରକୁ ସୁସ୍ଥ ରଖିବା ଆମର ସବୁଠାରୁ ବଡ ଦାୟିତ୍ୱ। ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ ସମଗ୍ର ବିଶ୍ୱରେ ଅନେକ ପ୍ରକାରର ରୋଗ ଦ୍ରୁତ ଗତିରେ ବୃଦ୍ଧି ପାଉଛି। ଏଥିମଧ୍ୟରୁ ଅଧିକାଂଶ ଏପରି ଯେ ଯଦି ସେମାନଙ୍କର ଲକ୍ଷଣ ଚିହ୍ନଟ ହୋଇ ଠିକ୍ ସମୟରେ ଚିକିତ୍ସା କରାଯାଏ, ତେବେ ଗୁରୁତର ସମସ୍ୟାକୁ ଏଡାଯାଇପାରିବ।
ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ, ଜିଭର ରଙ୍ଗ ପରିବର୍ତ୍ତନ ମଧ୍ୟ ଏକ ଅନ୍ତର୍ନିହିତ ସ୍ୱାସ୍ଥ୍ୟ ସମସ୍ୟା ଯେପରିକି ସଂକ୍ରମଣ କିମ୍ବା ଅନେକ ପ୍ରକାରର ଗମ୍ଭୀର ରୋଗର ଲକ୍ଷଣ ହୋଇପାରେ। ଆମ ଜିଭ ସାଧାରଣତଃ ହାଲୁକା ଲାଲ-ଗୋଲାପୀ ହୋଇଥାଏ। ଯଦି ଆପଣ ଏଥିରେ କୌଣସି ଅସାଧାରଣ ପରିବର୍ତ୍ତନ ଦେଖନ୍ତି, ତେବେ ସତର୍କ ହେବା ଜରୁରୀ।
Also Read
ଜିଭକୁ ଦେଖି ରୋଗ ଚିହ୍ନଟ:
ସ୍ୱାସ୍ଥ୍ୟ ବିଶେଷଜ୍ଞମାନେ କୁହନ୍ତି ଯେ ଆମ ଜିଭ ଶରୀରରେ ହେଉଥିବା ଅନେକ ପ୍ରକାରର ରୋଗକୁ ସୂଚାଇଦିଏ। ଅନେକ ଶାରିରୀକ ସମସ୍ୟା ଜିଭର ଆକୃତି, ରଙ୍ଗ ଏବଂ ଗଠନ ଉପରେ ପ୍ରଭାବ ପକାଇପାରେ। କେତେକ ରୋଗରେ ଜିଭର ରଙ୍ଗ ସବୁଜ, ନୀଳ କିମ୍ବା କଳା ହୋଇଯାଏ।
ତେବେ, ଜିଭର ସାଧାରଣ ରଙ୍ଗର ସାମାନ୍ୟ ପରିବର୍ତ୍ତନ ସେମିତି କୌଣସି କ୍ଷତିକାରକ ନୁହେଁ। ଯଦି ଏଥିରେ ସମ୍ପୂର୍ଣ୍ଣ ଭିନ୍ନ କିଛି ଦୃଶ୍ୟମାନ ହୁଏ ତେବେ ସତର୍କ ହେବା ଜରୁରୀ। ଜିଭର ରଙ୍ଗ ପରିବର୍ତ୍ତନ ଉପରେ ଆଧାର କରି ସ୍ୱାସ୍ଥ୍ୟ ସମସ୍ୟା କିପରି ଚିହ୍ନଟ କରାଯାଇପାରିବ ଆସନ୍ତୁ ଜାଣିବା।
ହଳଦିଆ କିମ୍ବା କମଳା ପଡିଯିବା:
ଜିଭ ହଳଦିଆ ପଡିଯିଆ ସାଧାରଣତଃ ଜୀବାଣୁ ବୃଦ୍ଧି ଦ୍ୱାରା ହୋଇଥାଏ। ପାଟିର ସ୍ୱଚ୍ଛତା ଏବଂ ଆର୍ଦ୍ରତା ଅଭାବରୁ ଜିଭରେ ଜୀବାଣୁ ବୃଦ୍ଧି ପାଇପାରେ। ୨୦୧୯ର ଏକ ଅଧ୍ୟୟନରୁ ଜଣାପଡିଛି ଯେ ହଳଦିଆ ଜିଭ ମଧୁମେହର ଲକ୍ଷଣ ହୋଇପାରେ ଏବଂ କେତେକ କ୍ଷେତ୍ରରେ ଜଣ୍ଡିସର ଲକ୍ଷଣ ଭାବେ ମଧ୍ୟ ବିବେଚନା କରାଯାଏ।
ସେହିଭଳି ଜିଭର କମଳା ରଙ୍ଗ ପ୍ରତି ମଧ୍ୟ ଧ୍ୟାନ ଦେବା ଉଚିତ। କେତେକ ଆଣ୍ଟିବାୟୋଟିକ୍ ଏବଂ ଖାଦ୍ୟ ଜିଭକୁ କମଳା ରଙ୍ଗରେ ପରିଣତ କରେ। କେତେକ କ୍ଷେତ୍ରରେ ଏହା ଦାନ୍ତର ସ୍ୱଚ୍ଛତା ବ୍ୟାଘାତର ଲକ୍ଷଣ ଭାବରେ ବିବେଚନା କରାଯାଏ।
ଜିଭ ଧଳା ପଡିଗଲେ:
କିଛି ସ୍ୱାସ୍ଥ୍ୟ ଅବସ୍ଥାରେ ଜିଭର ରଙ୍ଗ ହାଲୁକା ଗୋଲାପୀରୁ ବଦଳି ଧଳା ପ୍ୟାଚ୍ ହୋଇଯାଏ। ଧଳା ଦାଗ ଥ୍ରଶ୍ ଫଙ୍ଗଲ୍ ସଂକ୍ରମଣର ସଙ୍କେତ ହୋଇପାରେ। ଏହା ପ୍ରାୟତଃ ସେତେବେଳେ ଘଟେ ଯେତେବେଳେ କିଛି ରୋଗ କିମ୍ବା ଔଷଧ ଯୋଗୁଁ ପାଟିରେ ଥିବା ବ୍ୟାକ୍ଟେରିଆର ସନ୍ତୁଳନ ବିଗିଡିଯାଏ। ଏପରି ପରିବର୍ତ୍ତନ ପ୍ରତି ଧ୍ୟାନ ଦେବା ଜରୁରୀ କାରଣ ଜିଭରେ ଏପରି ପରିବର୍ତ୍ତନ ଲ୍ୟୁକୋପ୍ଲାକିଆ ସମସ୍ୟାର ମଧ୍ୟ କାରଣ ହୋଇପାରେ।
ଜିଭ ନୀଳ ପଡିଲେ:
ଜିଭର ରଙ୍ଗ ହାଲୁକା ଗୋଲାପୀରୁ ନୀଳ ରଙ୍ଗରେ ପରିବର୍ତ୍ତନ ହେବା କିମ୍ବା ଜିଭରେ ନୀଳ ରଙ୍ଗର ଦାଗ ଦେଖାଯିବା ସ୍ୱାସ୍ଥ୍ୟଗତ ସମସ୍ୟାଗୁଡିକର ସଙ୍କେତ ଭାବରେ ବିବେଚନା କରାଯାଏ। ସାଧାରଣତଃ, ଏପରି ପରିବର୍ତ୍ତନ ରକ୍ତରେ ଅମ୍ଳଜାନ ଅଭାବର ଲକ୍ଷଣ ହୋଇପାରେ। ରକ୍ତ ବ୍ୟାଧି, ରକ୍ତବାହୀ ସମ୍ବନ୍ଧୀୟ ରୋଗ, କିଡ୍ନୀ ରୋଗ ହେତୁ ଜିଭରେ ଏପରି ପରିବର୍ତ୍ତନ ମଧ୍ୟ ଦେଖାଯାଏ। ଏକ୍ଜିମା ମଧ୍ୟ ନୀଳ ଜିଭର ଅନ୍ୟ ଏକ ସମ୍ଭାବ୍ୟ କାରଣ ହୋଇପାରେ।