ଶିଶୁ କର୍କଟ ଆକ୍ରାନ୍ତଙ୍କୁ ନେଇ ଉଦବେଗଜନକ ତଥ୍ୟ । ପ୍ରତିବର୍ଷ ଭୁବନେଶ୍ୱର ଏମ୍ସକୁ ଆସୁଛନ୍ତି ୨୫୦ରୁ ୩୫୦ ନୂଆ ଶିଶୁ କର୍କଟ ରୋଗୀ। ଓଡ଼ିଶା ସହିତ ପଶ୍ଚିମବଙ୍ଗ, ଛତିଶଗଡ଼ ଓ ଝାଡ଼ଖଣ୍ଡ ଆଦି ରାଜ୍ୟରୁ ଏବେସୁଦ୍ଧା ଭୁବନେଶ୍ୱର ଏମ୍ସକୁ ୧୨ଶହରୁ ଅଧିକ ଶିଶୁ କର୍କଟ ରୋଗୀ ଆସିଲେଣି ବୋଲି ସୂଚନା ମିଳିଛି ।
Also Read
ତେବେ ଆଶ୍ୱସ୍ତିର କଥା ହେଉଛି ଯେ, ୭୫ରୁ ୮୦ ପ୍ରତିଶତ ଶିଶୁ କର୍କଟ ରୋଗୀ ସମ୍ପୂର୍ଣ୍ଣ ଆରୋଗ୍ୟ ହୋଇପାରିବେ ବୋଲି କହିଛନ୍ତି ଏମ୍ସର ଅଙ୍କୋଲୋଜି-ହେମାଟୋଲୋଜି ବିଭାଗର ଡାକ୍ତର । ଶିଶୁ କର୍କଟ ସଂପର୍କରେ ସଚେତନତା ସୃଷ୍ଟି ପାଇଁ ଏମ୍ସ ପକ୍ଷରୁ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ଏହି ସୂଚନା ମିଳିଛି । ଏଥିରେ କୁହାଯାଇଛି ଯେ, ଶିଶୁ କର୍କଟ ରୋଗୀଙ୍କୁ ଚିକିତ୍ସା ସେବା ଯୋଗାଇ ଦେବାକୁ ଭୁବନେଶ୍ୱର ଏମ୍ସ ହେଉଛି ରାଜ୍ୟର ଏକମାତ୍ର ସରକାରୀ ଅନୁଷ୍ଠାନ ।
ଏମ୍ସ ଭୁବନେଶ୍ୱର ମେଡିକାଲ୍ ଅଙ୍କୋଲୋଜି-ହେମାଟୋଲୋଜି ବିଭାଗ ପକ୍ଷରୁ ହେମାଟୋପିଏଟିକ୍ ଷ୍ଟେମ୍ ସେଲ୍ ପ୍ରତିରୋପଣ ଆରମ୍ଭ
ହେବାକୁ ଯାଉଛି ।...