‘ଶରଣାର୍ଥୀ’ ଶବ୍ଦ ସବୁବେଳେ ମନକୁ ଦୋହଲାଇ ଦିଏ। ଯେତେବେଳେ ଏହି ଶବ୍ଦ ମନକୁ ଆସେ, ଅନେକ କଥା ଆମ ଆଖି ଆଗରେ ନାଚିଉଠେ। ଭାରତ ବିଭାଜନ ସମୟରେ ପାକିସ୍ତାନ ଛାଡି ପଳାଇଥିବା ଶରଣାର୍ଥୀ ହୁଅନ୍ତୁ କି କାଶ୍ମୀର ପଣ୍ଡିତମାନେ ଯେଉଁମାନେ ନିଜ ଜନ୍ମମାଟି ଛାଡିବାକୁ ବାଧ୍ୟ ହୋଇଥିଲେ, ପ୍ରତ୍ୟେକ ଘଟଣା ହୃଦୟସ୍ପର୍ଶୀ ଅଟେ।
ରାଜନୈତିକ ସଂଘର୍ଷ କିମ୍ବା ଆନ୍ତର୍ଜାତୀୟ ବିବାଦ ଭଳି ସମସ୍ୟା ହେତୁ ନିଜ ଘର ଛାଡି ଅନ୍ୟ ଦେଶକୁ ସ୍ଥାନାନ୍ତର ହେବାକୁ ବାଧ୍ୟ ହୋଇଥିବା ବ୍ୟକ୍ତିଙ୍କ ପାଇଁ ଏହି ଶବ୍ଦ ବ୍ୟବହୃତ ହୁଏ। ଏପରି କିଛି ଲୋକ ମଧ୍ୟ ଅଛନ୍ତି ଯେଉଁମାନେ ପ୍ରାକୃତିକ ବିପର୍ଯ୍ୟୟ ହେତୁ ନିଜ ଘର ଛାଡି ଅନ୍ୟ ସ୍ଥାନକୁ ସ୍ଥାନାନ୍ତର ହେବାକୁ ବାଧ୍ୟ ହୁଅନ୍ତି। ଏମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ପ୍ରତିବର୍ଷ ପାଳନ ହୁଏ ‘ବିଶ୍ୱ ଶରଣାର୍ଥୀ ଦିବସ’।
ଆରମ୍ଭ:
Also Read
ମିଳିତ ଜାତିସଂଘ ଶରଣାର୍ଥୀଙ୍କୁ ସୁରକ୍ଷା ଯୋଗାଇବା ପାଇଁ ୧୯୬୭ ପ୍ରୋଟୋକଲ୍ ଏବଂ ୧୯୫୧ ଶରଣାର୍ଥୀ ସମ୍ମିଳନୀ ପରି ବିଭିନ୍ନ ବିକଳ୍ପ ନେଇଥିଲା। ଏହି ପରିପ୍ରେକ୍ଷୀରେ, ମିଳିତ ଜାତିସଂଘ ୨୦୦୦ ମସିହାରେ ‘ବିଶ୍ୱ ଶରଣାର୍ଥୀ ଦିବସ’ର ଧାରଣା ମଧ୍ୟ ଆଣିଥିଲା, ଯାହାଦ୍ୱାରା ସେମାନଙ୍କ ବିଷୟରେ ସଚେତନତା କରାଯାଇପାରିବ। ସେବେଠାରୁ ବିଶ୍ୱ ଶରଣାର୍ଥୀ ଦିବସ ପ୍ରତିବର୍ଷ ୨୦ ଜୁନ୍ରେ ପାଳନ କରାଯାଉଛି।
ମହତ୍ତ୍ୱ:
ଏହି ଦିନକୁ ମୁଖ୍ୟତଃ ସେହି ଲୋକଙ୍କ ଉଦ୍ଦେଶ୍ୟରେ ପାଳନ କରାଯାଏ, ଯେଉଁମାନେ ଦିନେ ନିଜ ଭିଟାମାଟି ଏବଂ ଅନ୍ୟ ସମସ୍ତ ଜିନିଷ ଛାଡି ଅନ୍ୟତ୍ର ସ୍ଥାନାନ୍ତର ହେବାକୁ ବାଧ୍ୟ ହୋଇଥିଲେ। ସେମାନଙ୍କ ପ୍ରତି ସମ୍ବେଦନା ପ୍ରଦାନ କରିବା ପାଇଁ ଏହି ଦିବସର ଆୟୋଜନ କରାଯାଏ।
ସାରା ବିଶ୍ୱରେ ଏମିତି ଅନେକ ଘଟଣା ଘଟିଛି ଯେଉଁଠାରେ ଶରଣାର୍ଥୀଙ୍କ ସମସ୍ୟା ଦେଖାଦେଇଛି। ଏହି ଦିନ ବର୍ଷରେ ଥରେ ପାଳନ କରାଯାଏ, ଯାହା ଦ୍ୱାରା ଲୋକମାନେ ସେହି ଶରଣାର୍ଥୀଙ୍କୁ ମନେପକେଇପାରିବେ ଏବଂ ସେମାନେ ସହିଥିବା ଯନ୍ତ୍ରଣା ଏବଂ କଷ୍ଟ ସହିତ ଜଡିତ ହୋଇପାରିବେ।
ଏହି ଦିନଟିକୁ ମଧ୍ୟ ସେହିମାନଙ୍କ ଉଦ୍ଦେଶ୍ୟରେ ପାଳନ କରାଯାଏ, ଯେଉଁମାନଙ୍କର କୌଣସି ଦୋଷ ନ ଥାଇ ଯୁଦ୍ଧରେ କିମ୍ବା ଅନ୍ୟ କୌଣସି ସଂଘର୍ଷମୟ ପରିସ୍ଥିତିରେ ସେମାନେ ଦିନ ଓ ରାତି ବିତାଇବାକୁ ବାଧ୍ୟ ହୋଇଥିଲେ ଓ ପରେ ଶରଣାର୍ଥୀ ହୋଇଥିଲେ। ଏହା ସବୁବେଳେ ସତ ଯେ ରାଷ୍ଟ୍ରମାନେ ଯୁଦ୍ଧ କରିଛନ୍ତି କିନ୍ତୁ ସାଧାରଣ ଲୋକ କ୍ଷତି ସହିଛନ୍ତି। ସମଗ୍ର ବିଶ୍ୱରେ ଲକ୍ଷ ଲକ୍ଷ ଶରଣାର୍ଥୀ ଏହାର ଉଦାହରଣ ଅଟନ୍ତି।
ଆଜି ବି ସିରିଆରୁ ଅନେକ ଶରଣାର୍ଥୀ ଜୀବିକା ଅନ୍ୱେଷଣରେ ନିକଟସ୍ଥ ବିଭିନ୍ନ ଦେଶକୁ ଯାଇ ପୁନର୍ବାର ଏକ ନୂଆ ଜୀବନ ଆରମ୍ଭ କରିବାକୁ ଆଶା କରୁଛନ୍ତି। ସେମାନଙ୍କ ମଧ୍ୟରୁ ଏମିତି ମଧ୍ୟ ଅନେକ ଲୋକ ଅଛନ୍ତି ଯେଉଁମାନଙ୍କର ସେମାନଙ୍କ ଅଞ୍ଚଳରେ ଏକ ବଡ ନା’ ଥିଲା, କିନ୍ତୁ ବର୍ତ୍ତମାନ ସେମାନେ ନିଜ ପିଲାମାନଙ୍କୁ ଖାଇବାକୁ ଦେବା ପାଇଁ ଭିକ୍ଷା ବୃତ୍ତି କରିବାକୁ ବାଧ୍ୟ ହେଉଛନ୍ତି।