ପ୍ରତି ବର୍ଷ ୪ ଅକ୍ଟୋବରକୁ ‘ବିଶ୍ୱ ପ୍ରାଣୀ କଲ୍ୟାଣ ଦିବସ’ ଭାବରେ ପାଳନ କରାଯାଏ। ପଶୁ ଅଧିକାର ପାଇଁ ଏହା ଏକ ବିଶ୍ୱସ୍ତରୀୟ ପଦକ୍ଷେପ, ଯାହାର ମୂଳ ଉଦ୍ଦେଶ୍ୟ ହେଉଛି ପଶୁ କଲ୍ୟାଣ ପାଇଁ ଉନ୍ନତ ମାନଦଣ୍ଡ ନିଶ୍ଚିତ କରିବା। ଏହି ଦିବସ ସାଧାରଣତଃ ବିଲୁପ୍ତପ୍ରାୟ ପ୍ରଜାତିଙ୍କ ବିଷୟରେ ଲୋକଙ୍କୁ ସଚେତନ କରାଇବା ସହ ସେମାନଙ୍କୁ କିପରି ସଂରକ୍ଷଣ କରାଯିବ ତାହା ମଧ୍ୟ ଶିଖାଇ ଥାଏ।
ବର୍ତ୍ତମାନ ‘ବିଶ୍ୱ ପ୍ରାଣୀ କଲ୍ୟାଣ ଦିବସ’ ସମଗ୍ର ବିଶ୍ୱରେ ପାଳନ କରାଗଲାଣି। ଏହା ପଶୁ ସଂରକ୍ଷଣ ଆନ୍ଦୋଳନକୁ ଏକତ୍ର କରେ ଏବଂ ଏନେଇ ଉତ୍ସାହ ପ୍ରଦାନ କରେ। ପଶୁ ଉଦ୍ଧାର ଆଶ୍ରୟସ୍ଥଳୀ ଏବଂ ପଶୁ କଲ୍ୟାଣ ଦିଗରେ କିଛି ଅବଦାନ ସହିତ ଲୋକମାନେ ଏହି ଦିନ ଅନ୍ୟାନ୍ୟ କାର୍ଯ୍ୟକ୍ରମର ଆୟୋଜନ ମଧ୍ୟ କରନ୍ତି।
Also Read
ଇତିହାସ:
ମାର୍ଚ୍ଚ ୨୪, ୧୯୨୫ରେ, ‘ବିଶ୍ୱ ପ୍ରାଣୀ କଲ୍ୟାଣ ଦିବସ’ ହେନରିକ୍ ଜିମରମ୍ୟାନ୍ (୧୮୮୭–୧୯୪୨) ନାମକ ଜଣେ ଜର୍ମାନୀ ବ୍ୟକ୍ତିଙ୍କ ଦ୍ୱାରା ଆୟୋଜିତ ହୋଇଥିଲା। ସେ କେବଳ ଜଣେ ଲେଖକ ନୁହଁନ୍ତି, ବରଂ ସେ Mensch und Hund ନାମକ ଏକ ଦ୍ୱି-ମାସିକ ପତ୍ରିକା ମଧ୍ୟ ପ୍ରକାଶ କରିଥିଲେ। ଏହି ପତ୍ରିକା ମାଧ୍ୟମରେ ସେ ପଶୁ କଲ୍ୟାଣ ଉପରେ ନିଜ ବିଚାରକୁ ପ୍ରୋତ୍ସାହନ ମାଧ୍ୟମରେ ବ୍ୟବହାର କରୁଥିଲେ। ଏହା ସହ ସେ ଏହାକୁ ବିଶ୍ୱ ପଶୁ ଦିବସ ସମିତିର ସ୍ଥାପନା ପାଇଁ ବ୍ୟବହାର କରୁଥିଲେ।
ପଶୁ କଲ୍ୟାଣ ଉପରେ ନିଜର ମତକୁ ପ୍ରୋତ୍ସାହିତ କରିବା ପାଇଁ ଏକ ପତ୍ରିକାକୁ ମାଧ୍ୟମ ଭାବରେ ବ୍ୟବହାର କରି ମେନସ ଅଣ୍ଡ ହଣ୍ଡ ନାମକ ଏକ ଦ୍ୱି-ମାସିକ ପତ୍ରିକା ମଧ୍ୟ ପ୍ରକାଶ କରିଥିଲେ ଏବଂ ଏହାକୁ ବିଶ୍ୱ ପ୍ରାଣୀ ଦିବସ କମିଟି ଗଠନ ପାଇଁ ବ୍ୟବହାର କରିଥିଲେ।
୨୪ ମାର୍ଚ୍ଚ ୧୯୨୫ରେ ତାଙ୍କ କମିଟି ‘ବିଶ୍ୱ ପ୍ରାଣୀ କଲ୍ୟାଣ ଦିବସ’ ଆୟୋଜନ କରିଥିଲା। ସେ ଜର୍ମାନୀର ବର୍ଲିନ୍ ସ୍ଥିତ ସ୍ପୋର୍ଟସ୍ ପ୍ୟାଲେସ୍ରେ ସେହି ସମୟର ପଶୁ କଲ୍ୟାଣ ପ୍ରସଙ୍ଗରେ ସଚେତନତା ସୃଷ୍ଟି କରିଥିଲେ ଏବଂ ଏହି ପ୍ରଥମ କାର୍ଯ୍ୟକ୍ରମରେ ପ୍ରାୟ ୫୦୦୦ ଲୋକ ଯୋଗ ଦେଇଥିଲେ। ପରେ ଏହି କାର୍ଯ୍ୟକ୍ରମ ଅକ୍ଟୋବର ୪ ତାରିଖ ଦିନ ଆସିସିର ସେଣ୍ଟ୍ ଫ୍ରାନ୍ସିସ୍ର ପର୍ବ ସହିତ ରେଖାଙ୍କିତ କରାଯାଇଥିଲା।
ପରବର୍ତ୍ତୀ କିଛି ବର୍ଷ ମଧ୍ୟରେ, ପ୍ରତିବର୍ଷ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏବଂ ୧୯୨୯ ମସିହାରେ ଏହା ୪ ଅକ୍ଟୋବରରେ ଅନୁଷ୍ଠିତ ହୋଇଥିଲା। ଶେଷରେ ମେ ୧୯୩୧ରେ ଫ୍ଲୋରେନ୍ସ ଇଟାଲୀରେ ‘ଅନ୍ତର୍ଜାତୀୟ ପ୍ରାଣୀ ସୁରକ୍ଷା’ କଂଗ୍ରେସ ଦ୍ୱାରା ୪ ଅକ୍ଟୋବରରେ ‘ବିଶ୍ୱ ପଶୁ କଲ୍ୟାଣ ଦିବସ’ ପାଳନ କରିବାକୁ ଏକ ସଂକଳ୍ପ ଗ୍ରହଣ କରାଯାଇଥିଲା।
ଥିମ୍:
ପ୍ରତିବର୍ଷ ପଶୁମାନଙ୍କ କଲ୍ୟାଣ ପାଇଁ ଉତ୍ସର୍ଗୀକୃତ ଏହି ଦିନ ଏକ ବିଶେଷ ଥିମ୍ ଉପରେ ଆଧାରିତ ହୋଇଥାଏ। ଚଳିତ ବର୍ଷ ‘ବିଶ୍ୱ ପଶୁ କଲ୍ୟାଣ ଦିବସ’ ‘ବଡ ହେଉ କି ଛୋଟ, ସେମାନେ ସମସ୍ତଙ୍କୁ ପ୍ରେମ କର’ (Great or Small, Love Them All) ଥିମ ଅନୁସାରେ ପାଳନ କରାଯିବ।
ଆମେ ଦିନକୁ ଦିନ ଯେତେ ନୂଆ ସଭ୍ୟତା ଆଡକୁ ଯାଉଥିଲେ ମଧ୍ୟ ଆମ ଭିତରେ କେଉଁଠି ନା କେଉଁଠି ସେହି ପ୍ରାଚୀନ ଅନ୍ଧବିଶ୍ୱାସ ରହିଯାଉଛି। ଆଜି ବି ଅନେକ ସଂପ୍ରଦାୟ ଅଛନ୍ତି ଯେଉଁମାନେ ବିଭିନ୍ନ ପର୍ବପର୍ବାଣୀରେ ପଶୁ ବଳି ଦେଇଥାନ୍ତି। ଏଭଳି ପରିସ୍ଥିତିରେ ସେମାନଙ୍କୁ ଏ ଦିଗରେ ରୋକ ଦେବାକୁ ପଡିବ। କିପରି ସେମାନଙ୍କୁ ଏହି ମାନସିକତାରୁ ଦୂର କରିହେବ ଆସନ୍ତୁ ଜାଣିବା।
ପଶୁ ବଳି ବନ୍ଦ କରିବା ପାଇଁ କ’ଣ କରାଯାଇପାରିବ:
ଯଦି ଆପଣ ଜାଣିବାକୁ ପାଆନ୍ତି କୌଣସି ସ୍ଥାନରେ ପଶୁ ବଳି ଦିଆଯିବାର ଅଛି, ତେବେ ସେହି ଲୋକମାନଙ୍କ ସହିତ ପ୍ରଥମେ ଆଲୋଚନ କରନ୍ତୁ ଏବଂ ସେମାନଙ୍କୁ ବୁଝାନ୍ତୁ ଯେ ସେମାନେ ଯଦି ଏଭଳି କରିବେ, ତେବେ ଏହା ଆଇନର ଉଲ୍ଲଂଘନ ହେବ। ଏନେଇ କଠୋର ଆଇନ ବ୍ୟବସ୍ଥା ମଧ୍ୟ ରହିଛି। ସେମାନେ ଯେପରି ଏହି ପର୍ବକୁ ବିନା ପଶୁ ବଳିରେ ପାଳନ କରିବେ ସେଥିପାଇଁ ଚେଷ୍ଟା କରନ୍ତୁ।
ଯଦି ଆପଣ ପଶୁମାନଙ୍କର କୌଣସି ନିଷ୍ଠୁର କିମ୍ବା ଅବୈଧ ବଳି ଦେଖନ୍ତି ତେବେ ପୁଲିସକୁ ହେଲ୍ପଲାଇନ ନମ୍ବର (୧୦୦/୧୧୨)ରେ କିମ୍ବା ନିକଟସ୍ଥ ପୋଲିସ ଷ୍ଟେସନରେ ଜଣାନ୍ତୁ କିମ୍ବା ସ୍ଥାନୀୟ ସୋସାଇଟି ଫର୍ ପ୍ରିଭେନସନ୍ ଅଫ୍ କ୍ରୁଏଲିଟି ଟୁ ଆନିମଲ୍ସ (SPCA) କିମ୍ବା ପଶୁ ସୁରକ୍ଷା ଗୋଷ୍ଠୀକୁ ଫୋନ କରନ୍ତୁ।
ଅବୈଧ ବଳି ବିଷୟରେ କ’ଣ କରାଯାଇପାରିବ:
ଯଦି କୌଣସି ଆଇନ ଉଲ୍ଲଂଘନ ହେଉଛି, ତେବେ ପ୍ରଥମ ସୂଚନା ରିପୋର୍ଟ ଦାଖଲ କରିବାକୁ ସ୍ଥାନୀୟ ପୋଲିସ ଷ୍ଟେସନରେ ଏକ ଆନୁଷ୍ଠାନିକ ଅଭିଯୋଗ କରନ୍ତୁ। (ତୁମର ଅଭିଯୋଗ ଗ୍ରହଣ କରିବା ପାଇଁ ପୋଲିସ ଆଇନଗତ ଭାବେ ବାଧ୍ୟ) ଯେଉଁଠାରେ ପଶୁବଳି ଦିଆଯାଇଛି, ଆପଣ ସେଠାକାର ପୋଲିସ ଅଧୀକ୍ଷକ / ଡେପୁଟି କମିଶନର (ସହରଗୁଡ଼ିକରେ), ଜିଲ୍ଲା କଲେକ୍ଟର, ରାଜ୍ୟ ପଶୁ କଲ୍ୟାଣ ବୋର୍ଡ, AWBI ଏବଂ ସେହି ସ୍ଥାନୀୟ ନାଗରିକ ସଂସ୍ଥାର ମ୍ୟୁନିସିପାଲିଟି କର୍ପୋରେସନ୍ କମିଶନର / ମୁଖ୍ୟ ଅଧିକାରୀଙ୍କ ନିକଟରେ ମଧ୍ୟ ଅଭିଯୋଗ କରିପାରିବେ।