Women’s Equality Day 2023: ସମାଜରେ ମହିଳାଙ୍କ ସ୍ଥିତିକୁ ଦୃଢ଼ କରିବା ହେଉଛି ‘ମହିଳା ସମାନତା ଦିବସ’ର ଲକ୍ଷ୍ୟ

ଆଜି ଆଇନଗତ ଭାବରେ ମହିଳାମାନେ ପୁରୁଷଙ୍କ ପରି ସମାନ ଅଧିକାର ପାଇଛନ୍ତି, କିନ୍ତୁ ଆଜିବି ସମାଜରେ ସେମାନଙ୍କର ସ୍ଥିତିକୁ ନେଇ ଅସମାନତା ଦେଖାଯାଏ। ପୁରୁଷଙ୍କ ତୁଳନାରେ ମହିଳାଙ୍କ ପାଇଁ ଲୋକଙ୍କ ମନରେ ଏକ ଦ୍ୱନ୍ଦ୍ୱାତ୍ମକ ମାନସିକତା ଦେଖିବାକୁ ମିଳେ। ଆଜି ବି ସମାଜରେ ମହିଳାମାନେ ପୁରୁଷଙ୍କ ପରି ସମାନ ଅଧିକାର ଉପଭୋଗ କରିବାକୁ ବଞ୍ଚିତ ହେବା ଦେଖାଯାଏ।

ତଥାପି, ସମଗ୍ର ବିଶ୍ୱରେ ମହିଳାମାନଙ୍କୁ ସମାନ ଅଧିକାର ଏବଂ ସ୍ଥାନ ଦେବା ନେଇ ଉଦ୍ୟମ କରାଯାଉଛି। ଦେଶରେ ଲିଙ୍ଗଗତ ସମାନତା ଆଣିବା ପାଇଁ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖର ନିକଟରେ ଚାରିଜଣ ମହିଳା ସଦସ୍ୟଙ୍କୁ (୫୦ ପ୍ରତିଶତ) ଉପାଧ୍ୟକ୍ଷ ପାନେଲ୍ ପାଇଁ ମନୋନୀତ କରିଛନ୍ତି।

ମହିଳାମାନଙ୍କୁ ସମାନତା ଅଧିକାର ପ୍ରଦାନ କରିବା ଏବଂ ସମାଜରେ ସେମାନଙ୍କର ସ୍ଥିତିକୁ ଦୃଢ କରିବା ଲକ୍ଷ୍ୟରେ ପ୍ରତିବର୍ଷ ‘ମହିଳା ସମାନତା ଦିବସ’ ପାଳନ କରାଯାଏ। ସେତେବେଳେ ଏହି ଦିନ ପାଳନ କରିବା ଆରମ୍ଭ ହୋଇଥିଲା ଯେତେବେଳେ ଦେଶରେ ମହିଳାମାନଙ୍କର ଭୋଟ୍ ଦେବାର ଅଧିକାର ମଧ୍ୟ ନଥିଲା। ତେବେ ଆସନ୍ତୁ ଜାଣିବା କେଉଁ ଦେଶରେ ‘ମହିଳା ସମାନତାର ଅଧିକାର’କୁ ନେଇ ପ୍ରଥମେ ଆଲୋଚନା ହୋଇଥିଲା ଏବଂ କେବେ ‘ମହିଳା ସମାନତା ଦିବସ’ ପାଳନ କରାଯାଏ।

କେବେ ହୁଏ ପାଳନ:

ପ୍ରତିବର୍ଷ ୨୬ ଅଗଷ୍ଟରେ ‘ମହିଳା ସମାନତା ଦିବସ’ ପାଳନ କରାଯାଏ। ଏହି ଦିନକୁ ପାଳନ ୧୯୨୦ରୁ ଆରମ୍ଭ ହୋଇଥିଲା।

ଇତିହାସ:

ଆମେରିକାରେ ‘ମହିଳା ସମାନତା ଦିବସ’ ପ୍ରଥମେ ପାଳନ କରାଯାଇଥିଲା। ମହିଳା ଅଧିକାର ପାଇଁ ଲଢେଇ ୧୮୫୩ ମସିହାରେ ଆମେରିକାରେ ଆରମ୍ଭ ହୋଇଥିଲା। ଦୀର୍ଘ ୫୦ ବର୍ଷ ଧରି ମହିଳାଙ୍କ ସମାନତା ଦାବିରେ ହୋଇଥିବା ଏହି ଆନ୍ଦୋଳନ ୧୯୨୦ ମସିହାରେ ଶେଷ ହୋଇଥିଲା, ଯେତେବେଳେ ମହିଳାମାନଙ୍କୁ ସେମାନଙ୍କ ଅଧିକାର ମିଳିଲା। ସେବେଠାରୁ ଏହି ଦିନକୁ ‘ମହିଳା ସମାନତା ଦିବସ’ ଭାବରେ ପାଳନ କରାଯିବା ଆରମ୍ଭ ହେଲା।

ପାଳନର କାରଣ:

ସେତେବେଳେ ଆମେରିକାର ମହିଳାମାନଙ୍କର ଭୋଟ୍ ଦେବାର ଅଧିକାର ନଥିଲା। ଏହା ବ୍ୟତୀତ ବିବାହିତ ମହିଳାମାନଙ୍କର ସମ୍ପତ୍ତି ଉପରେ କୌଣସି ଅଧିକାର ମଧ୍ୟ ନଥିଲା। ସେମାନେ ଏହିସବୁ ଅଧିକାର ପାଇବା ନେଇ ଦାବି କରିବା ଆରମ୍ଭ କରିଥିଲେ। ଅଧିକାର ଦାବି ନେଇ ଆରମ୍ଭ ହୋଇଥିବା ଏହି ଆନ୍ଦୋଳନ ୨୬ ଅଗଷ୍ଟ ୧୯୨୦ରେ ଭୋଟ୍ ଦେବାର ଅଧିକାର ସହିତ ଶେଷ ହୋଇଥିଲା।

ଭାରତର ମହିଳାମାନେ ବ୍ରିଟିଶ ଶାସନ ସମୟରେ ହିଁ ଭୋଟ୍ ଦେବାର ଅଧିକାର ପାଇ ପାଇଥିଲେ। ପ୍ରଥମେ ଆମେରିକାରେ ଏବଂ ପରେ ଆନ୍ତର୍ଜାତୀୟ ସ୍ତରରେ ୨୬ ଅଗଷ୍ଟକୁ ‘ମହିଳା ସମାନତା ଦିବସ’ ଭାବରେ ପାଳନ କରାଯାଇଥିଲା।

ଥିମ୍:

ଚଳିତ ବର୍ଷ ‘ମହିଳା ସମାନତା ଦିବସ’ର ଥିମ୍ ହେଉଛି 'ଆଲିଙ୍ଗନ ଗୁଣବତ୍ତା(Embrace Quality)' ଅର୍ଥାତ୍ ସମାନତାକୁ ଗ୍ରହଣ କରନ୍ତୁ। ଏହି ଥିମ୍ ୨୦୨୧-୨୬ ରଣନୀତିକ ଯୋଜନାର ଏକ ଅଂଶ ହୋଇ ରହିଛି। ଏହି ଥିମ୍ ଲିଙ୍ଗଗତ ସମାନତା ହାସଲ କରିବାର ଆବଶ୍ୟକତାକୁ ଆଲୋକିତ କରେ, ଯାହା କେବଳ ଅର୍ଥନୈତିକ ବିକାଶ ପାଇଁ ନୁହେଁ ବରଂ ମୌଳିକ ମାନବିକ ଅଧିକାର ପାଇଁ ମଧ୍ୟ ଜରୁରୀ ଅଟେ।