ବିଶ୍ୱ ନଡ଼ିଆ ଦିବସରେ ଆସନ୍ତୁ ଜାଣିବା ଏହାର ୫ଟି ଭଲ ଗୁଣ

ପ୍ରତିବର୍ଷ ସେପ୍ଟେମ୍ବର ୨ ରେ ‘ବିଶ୍ୱ ନଡ଼ିଆ ଦିବସ’ ପାଳନ କରାଯାଏ। ନଡ଼ିଆ ଅନେକ ଲୋକଙ୍କୁ ରୋଗରୁ ରକ୍ଷା କରୁଥିବାବେଳେ ଅନେକ ଲୋକଙ୍କୁ ରୋଜଗାର ମଧ୍ୟ ଦେଇଥାଏ। ନଡ଼ିଆକୁ ‘ଜୀବନର ଗଛ’ ବୋଲି ମଧ୍ୟ କୁହାଯାଏ। କାରଣ ଆମେ ଏଥିରୁ ଖାଦ୍ୟ, ତେଲ, ଔଷଧ, ପ୍ରସାଧନ ସାମଗ୍ରୀ, ଗୃହ ସାମଗ୍ରୀ ଇତ୍ୟାଦି ପାଇଥାଉ।

ନଡିଆର ଗୁରୁତ୍ୱ କେତେ ତାହାକୁ ଜନସମାଜକୁ ଜଣେଇବା ପାଇଁ ୨ ସେପ୍ଟେମ୍ବର ୨୦୦୯ ରେ ଏସିଆ ପାସିଫିକ୍ ନଡ଼ିଆ ସମ୍ପ୍ରଦାୟ(APCC) ଏହାକୁ ପ୍ରଥମେ ପାଳନ କରିଥିଲେ। ସେହି ଦିନଠାରୁ, ମିଳିତ ଜାତିସଂଘର ଅର୍ଥନୈତିକ ଏବଂ ସାମାଜିକ ଆୟୋଗ ପାଇଁ ଏସିଆ ପ୍ରଶାନ୍ତ ମହାସାଗର(UN-ESCAP) ସେମାନଙ୍କ କାର୍ଯ୍ୟକ୍ରମକୁ ପ୍ରୋତ୍ସାହିତ କରିବା, ସ୍ୱାସ୍ଥ୍ୟ ପ୍ରତି ସଚେତନତା ପାଇଁ ପ୍ରତିବର୍ଷ ଏହି ଦିବସକୁ ନଡ଼ିଆ ଦିବସ ଭାବେ ପାଳନ କରିବାକୁ APCC କୁ ଅନୁମତି ଦେଇଛି।

ଚଳିତ ବର୍ଷର ଥିମ୍:

ପ୍ରତିବର୍ଷ ଏସିଆ-ପ୍ରଶାନ୍ତ ମହାସାଗରରେ ଏକ ସ୍ୱତନ୍ତ୍ର ଥିମ୍ ସହିତ ‘ବିଶ୍ୱ ନଡ଼ିଆ ଦିବସ’ ପାଳନ କରାଯାଏ। ୨୦୨୨ ପାଇଁ ବିଶ୍ୱ ନଡ଼ିଆ ଦିବସର ବିଷୟବସ୍ତୁ ହେଉଛି “ଏକ ଉତ୍ତମ ଭବିଷ୍ୟତ ଏବଂ ଜୀବନ ପାଇଁ ନଡ଼ିଆ ଗଛ ଲଗେଇବା”।

ନଡ଼ିଆରେ ଥିବା ମୁଖ୍ୟ ପୋଷକ ତତ୍ତ୍ୱ :

ମାଙ୍ଗାନିଜ୍ ୫୨.୧୭ ପ୍ରତିଶତ, କପର୍ ୩୮.୬୭ ପ୍ରତିଶତ, ଆଇରନ୍ ୨୪.୨୦ ପ୍ରତିଶତ, ଫାଇବର୍‌ ୧୮.୮୦ ପ୍ରତିଶତ, ଜିଙ୍କ୍‌ ୮ ପ୍ରତିଶତ, କାର୍ବୋହାଇଡ୍ରେଟ୍ ୯.୩୭ ପ୍ରତିଶତ ନଡିଆରେ ରହିଛି।

ନଡିଆ ପାଣିର ଫାଇଦା:

ନଡ଼ିଆରେ ଥିବା ଅତ୍ୟାବଶ୍ୟକ ପୋଷକ ତତ୍ତ୍ୱ ଚେହେରାର ଚମକକୁ ବଢେଇଥାଏ। ସପ୍ତାହରେ ପାଞ୍ଚ ଦିନ ନଡ଼ିଆ ପାଣି ପିଇଲେ ଚେହେରାର ଚମକ ଏକ ମାସ ମଧ୍ୟରେ ଦେଖାଯିବା ଆରମ୍ଭ ହେବ।

ଡିହାଇଡ୍ରେସନ୍:

ଯେତେବେଳେ ଶରୀରରେ ଜଳର ଅଭାବ ଥାଏ, ସେତେବେଳେ ନଡ଼ିଆ ପାଣି ପିଇବାକୁ ପରାମର୍ଶ ଦିଆଯାଏ। ନଡ଼ିଆ ପାଣି ଶରୀରରେ ଜଳର ଅଭାବକୁ ଶୀଘ୍ର ପୂରଣ କରେ। ଏହାକୁ ଖାଇବା ଦ୍ୱାରା ଶରୀରରେ ଗ୍ଲୁକୋଜ୍‌ର ସ୍ତର ସ୍ୱାଭାବିକ ହୋଇଯାଏ, ଯେଉଁଥିପାଇଁ ଶରୀର ହାଇଡ୍ରେଟ୍ ରହିଥାଏ। ହଜମ ମଧ୍ୟ ଭଲ ହୁଏ।

ଉଚ୍ଚ ରକ୍ତଚାପରେ ଲାଭ:

ଉଚ୍ଚ ରକ୍ତଚାପ ରୋଗୀଙ୍କ ପାଇଁ ନଡିଆ ପାଣି ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ନଡ଼ିଆ ପାଣିରେ ଥିବା ଭିଟାମିନ୍ ସି, ମ୍ୟାଗ୍ନେସିୟମ୍ ଏବଂ ପୋଟାସିୟମ୍ ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ।

ଓଜନ ହ୍ରାସ କରେ:

ଖାଇବା ପୂର୍ବରୁ ନଡିଆ ପାଣି ପିଇବା ଦ୍ୱାରା ଏହା ଓଜନ କମେଇବାରେ ସାହାଯ୍ୟ କରେ। ଏକ ମାସ ମଧ୍ୟରେ ଫଳାଫଳ ମିଳିଯାଏ।

ଯୁବପଣ ବଢାଏ :

ନଡିଆ ପାଣିରେ ଥିବା ସାଇଟୋକିନାନ୍ କୋଷିକା ଶରୀରକୁ ସବୁଦିନ ପାଇଁ ଯୁବସୁଲଭ ରଖେ। ଏହା ସହିତ ମୁହଁରେ ଆସୁଥିବା କୁଞ୍ଚ ଏବଂ ସରୁ ଗାର ହେବାକୁ ଦିଏ ନାହିଁ।