Gandhi Jayanti 2023 : ଏହି ୭ଟି ସର୍ବଶ୍ରେଷ୍ଠ ଗୁଣ ଯୋଗୁ ଗାନ୍ଧୀ ହୋଇଗଲେ ମହାତ୍ମା

ମହାତ୍ମା ଗାନ୍ଧୀ ୦୨ ଅକ୍ଟୋବର ୧୮୬୯ରେ ଜନ୍ମଗ୍ରହଣ କରିଥିଲେ। ତାଙ୍କ ସମ୍ମାନାର୍ଥେ ଏହି ଦିନକୁ ‘ଆନ୍ତର୍ଜାତୀୟ ଅହିଂସା ଦିବସ’ ବା ‘ଗାନ୍ଧୀ ଜୟନ୍ତୀ’ ଭାବରେ ପାଳନ କରାଯାଏ। ଯଦିଓ ତାଙ୍କ ବିଚାରକୁ ନେଇ କିଛି ବିବାଦ ଏବଂ ବିତର୍କ ରହିଛି, ତଥାପି ତାଙ୍କଠାରୁ ଶିଖିବାକୁ ଅନେକ ଜ୍ଞାନ ରହିଛି।

ଗାନ୍ଧୀ ଜଣେ ମହାନ ବକ୍ତା ନଥିଲେ, ତାଙ୍କ ଶରୀର ଅତ୍ୟନ୍ତ ଆକର୍ଷଣୀୟ ନଥିଲା, ସେ ସରଳ ଜୀବନ ଯାପନ କରୁଥିଲେ ଏବଂ ଯଥାସମ୍ଭବ ଚର୍ଚ୍ଚା ଠାରୁ ଦୂରେଇ ରହୁଥିଲେ, ତଥାପି ସେ ଏହି ପୃଥିବୀରେ ବାସ କରୁଥିବା ସର୍ବଶ୍ରେଷ୍ଠ ମହାନ ବ୍ୟକ୍ତିମାନ ମଧ୍ୟରୁ ଜଣେ ଭାବେ ବିବେଚିତ ହୁଅନ୍ତି।

ଗାନ୍ଧୀଙ୍କ ପାଖରେ ୭ ଟି ସର୍ବଶ୍ରେଷ୍ଠ ମହାନ ଗୁଣ ଥିଲା ଯାହା ତାଙ୍କୁ ମହାତ୍ମା କରିଦେଲା। ଆମେ ଏହିସବୁ ଗୁଣକୁ ମହାତ୍ମା ଗାନ୍ଧୀଙ୍କ ମହାନ ଜୀବନରୁ ଶିଖିବା ଉଚିତ। ତେବେ ଆସନ୍ତୁ ସେ ସବୁ କ’ଣ ଜାଣିନେବା।

ଆତ୍ମବିଶ୍ୱାସ:

ସେ ସବୁବେଳେ ନିଜ ଉପରେ ବିଶ୍ୱାସ କରୁଥିଲେ। ସେ ବିଶ୍ୱାସ କରୁଥିଲେ ଯେ ତାଙ୍କ ଦେଶକୁ ମୁକ୍ତ କରିବା ପାଇଁ ତାଙ୍କର ଏକ ବଡ଼ ଦାୟିତ୍ୱ ଅଛି ଏବଂ ସେ ନିଜ ଉପରେ ପୂର୍ଣ୍ଣ ବିଶ୍ୱାସ ରଖିଥିଲେ। ସେ ଜାଣିଥିଲେ ଯେ ଭାରତର ସ୍ୱାଧୀନତା କ୍ଷେତ୍ରରେ ତାଙ୍କର ଏକ ଗୁରୁତ୍ୱପୂର୍ଣ୍ଣ ଭୂମିକା ଅଛି ଏବଂ ସେ ତାହା କରିଥିଲେ। ତାଙ୍କ ଉପରେ ତାଙ୍କର ଆତ୍ମବିଶ୍ୱାସ ଲକ୍ଷ ଲକ୍ଷ ଭାରତୀୟଙ୍କୁ ତାଙ୍କ ଉପରେ ବିଶ୍ୱାସ କରିବାକୁ ପ୍ରେରଣା ଦେଲା।

ପ୍ରତିରୋଧ ଏବଂ ଦୃଢତା:

ଭାରତ ପରି ଏକ ବିଶାଳ ଦେଶର ସ୍ୱାଧୀନତା ଆନ୍ଦୋଳନର ନେତୃତ୍ୱ ନେବା ଅତ୍ୟନ୍ତ କଷ୍ଟସାଧ୍ୟ ଥିଲା, ତାହା ପୁଣି ଏକ ହିଂସ୍ର ଓ ନିଷ୍ଠୁର ଜାତି ବ୍ରିଟିଶ ବିରୁଦ୍ଧରେ ଅହିଂସା ମାଧ୍ୟମରେ। ଗାନ୍ଧିଜୀଙ୍କୁ ଅନେକ ଥର ମାଡ ମରାଯାଇଛି, ତାଙ୍କୁ ରକ୍ତାକ୍ତ ଅବସ୍ଥାରେ ଫିଙ୍ଗିଦିଆଯାଇଛି। ଏମିତି ମଧ୍ୟ ପରିସ୍ଥିତି ଆସିଛି ଲାଗିଛି ଯେ ସେ ତା’ ପରଦିନ ସୂର୍ଯ୍ୟଙ୍କୁ ଦେଖି ପାରିବେ ନାହିଁ। କିନ୍ତୁ ପ୍ରତିଦିନ ଏବଂ ପ୍ରତିଥର ବିରୋଧର ସାମ୍ନା କରିବାକୁ ପଡିଛି, ସେ ବିରୋଧ କରିଛନ୍ତି, ଆଉ ଦୃଢତାର ସହିତ ସେ ସବୁ ବିରୋଧ ପାର କରି ଯାଇଛନ୍ତି।

କ୍ଷମା:

ମହାତ୍ମା ଗାନ୍ଧୀଙ୍କୁ ଜେଲରେ ରଖାଯାଇଥିଲା, ରାସ୍ତାରେ ମାଡ ଦିଆଯାଇଥିଲା; ତାଙ୍କୁ ହତ୍ୟା କରିବା ପାଇଁ ଅନେକ ଲୋକ ଷଡଯନ୍ତ୍ର କରିଥିଲେ ଏବଂ ତାଙ୍କ ଜୀବନରେ ଅନେକ ହତ୍ୟା ଉଦ୍ୟମ କରାଯାଇଥିଲା। କିନ୍ତୁ ସେ ସମସ୍ତଙ୍କୁ କ୍ଷମା କରିଦେଇଥିଲେ। ଯେଉଁମାନେ ବି ତାଙ୍କୁ ଯେକୌଣସି ପ୍ରକାରେ ଆଘାତ ଦିଅନ୍ତି ସେ ସେମାନଙ୍କୁ ସର୍ବଦା କ୍ଷମା କରିଦିଅନ୍ତି।

ଭୁଲରୁ ଶିକ୍ଷା:

ମହାତ୍ମା ଗାନ୍ଧୀ ଆରମ୍ଭରୁ ସିଦ୍ଧ ନଥିଲେ। ସେ ପିଲାଦିନେ ମିଛ କହୁଥିଲେ, ଚୋରି କରୁଥିଲେ, ଝଗଡା କରୁଥିଲେ, ପ୍ରତାରଣା କରୁଥିଲେ, ସହଜରେ ପ୍ରଲୋଭିତ ହେଉଥିଲେ, ଭୌତିକ ଜିନିଷ ଏବଂ ମିଥ୍ୟା ପରିଚୟକୁ ଅନୁସରଣ ମଧ୍ୟ କରୁଥିଲେ। ତାଙ୍କର କିଛି କାମକୁ ତାଙ୍କ ଦେଶରେ, ତାଙ୍କର ବିଶ୍ୱସ୍ଥ ଲୋକମାନେ ନିନ୍ଦା କରୁଥିଲେ। ସେ ସାରା ଜୀବନ ଭୁଲ୍ କରୁଥିଲେ କିନ୍ତୁ ସେହି ଭୁଲ୍ ଦୁଇଥର ନ କରିବାକୁ ଚେଷ୍ଟା କରୁଥିଲେ। ସେ ସବୁବେଳେ ତାଙ୍କର ଭୁଲରୁ ହିଁ କିଛି ଶିଖୁଥିଲେ।

ପ୍ରେମ କର, ଘୃଣାରୁ ଦୂରେ ରୁହ:

ଏହା ଏମିତି ଏକ ଗୁଣ ଯାହା ଅଧିକାଂଶ ଲୋକଙ୍କ ପକ୍ଷେ ଗ୍ରହଣ କରିବା ସମ୍ଭବ ନୁହେଁ। ଏହି ଗୁଣ ଗୁଣ କେବଳ ଜଣେ ମହାନ ବ୍ୟକ୍ତିଙ୍କ ଠାରେ ମିଳିଥାଏ। ଏହା ବୁଦ୍ଧ, ଯୀଶୁ ଏବଂ ଅନ୍ୟାନ୍ୟ ମହାନ ଆଧ୍ୟାତ୍ମିକ ବ୍ୟକ୍ତିମାନଙ୍କଠାରେ ଥାଏ। ଏହି ଗୁଣ ଗାନ୍ଧୀ ତାଙ୍କ ଆଦର୍ଶ ଜୀବନରେ ଗ୍ରହଣ କରିଥିଲେ।

ଅହିଂସା:

ଅହିଂସା ନୀତି ପାଇଁ ମହାତ୍ମା ଗାନ୍ଧୀ ସାରା ବିଶ୍ୱରେ ଜଣାଶୁଣା। ସେ କଦାପି ହିଂସାର ସାହାର ନେଉ ନ ଥିଲେ ଏବଂ ଭାରତର ସ୍ୱାଧୀନତା ପାଇଁ ଆନ୍ଦୋଳନର ଅହିଂସା ଦିଗରେ ସେ ଜଣେ ପ୍ରମୁଖ ବ୍ୟକ୍ତି ଥିଲେ। ଆଜି ତାଙ୍କ ସ୍ମୃତି ଏବଂ ସମ୍ମାନରେ ସାରା ବିଶ୍ୱରେ "ଅହିଂସା ଦିବସ" ପାଳନ କରାଯାଏ। ଯଦି ଆମେ ଆମର ସମସ୍ୟା ଏବଂ ଦ୍ୱନ୍ଦ୍ୱକୁ ଶାନ୍ତିପୂର୍ଣ୍ଣ ଭାବରେ ସମାଧାନ କରିବା ଆରମ୍ଭ କରିବା, ହିଂସା ବିନା ଏବଂ ପରସ୍ପରର ସହଯୋଗରେ, ହଜାର ହଜାର ନିରୀହ ଜୀବନ ରକ୍ଷା ହୋଇପାରିବ ଯାହା ଯୁଦ୍ଧରେ ଟଳିପଡେ।

ସତ୍ୟନିଷ୍ଠ:

ସ୍ୱାଧୀନତା ସଂଗ୍ରାମୀ ହେବା ପୂର୍ବରୁ ଗାନ୍ଧୀ ଜଣେ ଓକିଲ ଥିଲେ। ଲୋକମାନେ ପ୍ରାୟତଃ ଭାବନ୍ତି ଯେ ଜଣେ ଓକିଲଙ୍କ ବୃତ୍ତି ହେଉଛି ପ୍ରତାରଣା ଏବଂ ମିଥ୍ୟାକୁ ଗ୍ରହଣ କରିବା। ଗାନ୍ଧିଜୀ କିନ୍ତୁ କେବେ ବି ମିଥ୍ୟାର ସାହାର ନେଇ ନାହାଁନ୍ତି। ସେ ସାରା ଜୀବନ ସତ୍ୟର ପ୍ରଚାର କରିଛନ୍ତି। ସେ ସର୍ବଦା ସତ୍ୟକୁ ତାଙ୍କର ସବୁଠାରୁ ଶକ୍ତିଶାଳୀ ଅସ୍ତ୍ର ବୋଲି ଭାବିଛନ୍ତି।