୨୦୨୨ରେ ଦେଶପ୍ରେମର କଥା କହିବ ଏହିସବୁ ଚଳଚ୍ଚିତ୍ର

ମୁମ୍ବାଇ: ୨୦୨୧ ମସିହାରେ ଦେଶପ୍ରେମ ଉପରେ ଅନେକ ଚଳଚ୍ଚିତ୍ର ନିର୍ମାଣ କରାଯାଇଛି। ଦେଶପ୍ରେମରେ ପରିପୂର୍ଣ୍ଣ ଏହି ଚଳଚ୍ଚିତ୍ରଗୁଡ଼ିକରୁ ଆମେ ଦେଶ ଏବଂ ଦେଶର ସ୍ୱାଧୀନତା ବିଷୟରେ ଅନେକ କିଛି ଜାଣିବାକୁ ପାଇଛୁ। କିନ୍ତୁ ବର୍ତ୍ତମାନ ବଲିଉଡ୍‌ ଆମକୁ ସେନାର ସାହସିକତାର କାହାଣୀ ଶୁଣେଇବାକୁ ଯାଉଛି। ଚଳିତ ବର୍ଷ ଏହିପରି ୭ଟି ଚଳଚ୍ଚିତ୍ର ମୁକ୍ତିଲାଭ କରିବ ଯେଉଁଥିରେ ଆପଣଙ୍କୁ ସେନାବାହିନୀ ବିଷୟରେ କୁହାଯିବ।

ଆଟାକ୍:

ଆଟାକ୍ ହେଉଛି ଲକ୍ଷ୍ମୀ ରାଜ ଆନନ୍ଦଙ୍କ ନିର୍ଦ୍ଦେଶିତ ତଥା ସହ-ଲିଖିତ ଏକ ଆକ୍ସନ୍ ଥ୍ରୀଲର ଫିଲ୍ମ। ଜୟନ୍ତୀଲାଲ ଗଡା, ଜନ୍ ଆବ୍ରାହମ୍‌ ଏବଂ ଅଜୟ କପୁରଙ୍କ ଦ୍ୱାରା ନିର୍ମିତ ଏହି ଚଳଚ୍ଚିତ୍ରରେ ଜ୍ୟାକ୍‌ଲିନ୍‌ ଫର୍ଣ୍ଣାଡିଜ ଏବଂ ରକୁଲ ପ୍ରୀତ ସିଂଙ୍କ ସହିତ ଜନ୍ ଆବ୍ରାହମ୍‌ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ନିକଟରେ ଏହି ଚଳଚ୍ଚିତ୍ରର ପ୍ରଥମ ଅଫିସିଆଲ୍ ଟିଜର ରିଲିଜ୍ ହୋଇଥିଲା। ଏଥିରେ ଜନ୍ ଆବ୍ରାହମ୍ ରେଞ୍ଜର ଅଧିକାରୀଙ୍କ ଭୂମିକାରେ ନଜର ଆସିଛନ୍ତି। ଏକ ସରକାରୀ ବିବୃତ୍ତି ଅନୁଯାୟୀ, ଫିଲ୍ମ ୨୦୨୨ ଜାନୁୟାରୀ ୨୮ରେ ରିଲିଜ ହେବାର କାର୍ଯ୍ୟକ୍ରମ ରହିଛି। କିନ୍ତୁ କରୋନା ସଂକ୍ରମିତ ବୃଦ୍ଧି କାରଣରୁ ଏହା ଘୁଞ୍ଚିପାରେ।

ମେଜର:

'ମେଜର' ମଧ୍ୟ ଏକ ଆକ୍ସନ୍ ଚଳଚ୍ଚିତ୍ର। ଏହି ଚଳଚ୍ଚିତ୍ରଟି ୨୦୦୮ ମୁମ୍ବାଇ ଆତଙ୍କବାଦୀ ଆକ୍ରମଣ ଉପରେ ଆଧାରିତ, ଯେଉଁଥିରେ ଶହୀଦ ମେଜର ସନ୍ଦୀପ ଉନିକ୍ରିଷ୍ଣନଙ୍କ କାହାଣୀ ରହିଛି। ଏହି ଚଳଚ୍ଚିତ୍ରଟି ତେଲୁଗୁ ଏବଂ ହିନ୍ଦୀରେ ଏକକାଳୀନ ସୁଟିଂ କରାଯାଇଥିଲା ଏବଂ ପରେ ମାଲାୟାଲମରେ ଡବିଂ ହୋଇଥିଲା। ଏହି ଚଳଚ୍ଚିତ୍ରରେ ତେଲୁଗୁ ଅଭିନେତା ଆଦିବୀ ସେଷ ମୁଖ୍ୟ ଭୂମିକାରେ ଅଭିନୟ କରିଛନ୍ତି।

ସାମ୍ ବାହାଦୂର:

ଚଳଚ୍ଚିତ୍ର 'ସାମ୍‌ ବାହାଦୂର' ସବୁଠାରୁ ମହାନ ଯୁଦ୍ଧ ନାୟକ ବାହାଦୂର ସାମ ମାନେକ୍ସାଙ୍କ ଜୀବନ ଉପରେ ଆଧାରିତ। ଏହା ୧୯୭୧ ମସିହାରେ ଭାରତୀୟ ସେନାର ମୁଖ୍ୟ ଭାବରେ କାର୍ଯ୍ୟ କରୁଥିଲେ, ଯେତେବେଳେ ଭାରତ ପାକିସ୍ତାନ ସହିତ ବାଂଲାଦେଶର ମୁକ୍ତି ଯୁଦ୍ଧକୁ ଲଢୁଥିଲା। ଏହି ଚଳଚ୍ଚିତ୍ରରେ ଭିକୀ କୌଶଲ ମୁଖ୍ୟ ଭୂମିକାରେ ଅଭିନୟ କରିଥିବାବେଳେ ସନା ଶେଖଙ୍କୁ ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଭୂମିକାରେଦ୍ ଦେଖିବାକୁ ମିଳିବ। ନଜର ଆସିବେ।

ତେଜସ୍:

ତେଜସ୍ ଜଣେ ସାହସୀ ଏବଂ ଉଗ୍ର ଯୁଦ୍ଧ ବିମାନ ପାଇଲଟ୍‌ଙ୍କ କାହାଣୀ। ଏହା ୨୦୧୬ ମସିହାରେ ମହିଳାମାନଙ୍କୁ ଯୁଦ୍ଧ କ୍ଷେତ୍ରରେ ଯୋଗଦେବାର ଭାରତୀୟ ବାୟୁସେନାର ଐତିହାସିକ ନିଷ୍ପତ୍ତି ଉପରେ ଆଧାରିତ। ଡିସେମ୍ବର ୨୦୨୧ରେ, ନିର୍ମାତାମାନେ ଘୋଷଣା କରିଥିଲେ ଯେ 'ତେଜସ୍' ୨୦୨୨ ଅକ୍ଟୋବର ୨୨ ରେ ମୁକ୍ତିଲାଭ କରିବ। କିନ୍ତୁ କରୋନା କାରଣରୁ ଏହାର ସୁଟିଂ ବିଳମ୍ବ ହୋଇପାରେ।

ଗୋର୍‌ଖା:

ଅଭିନେତା ଅକ୍ଷୟ କୁମାର ନିକଟରେ ସୋସିଆଲ ମିଡିଆରେ ତାଙ୍କର ନୂଆ ଚଳଚ୍ଚିତ୍ର ‘ଗୋର୍‌ଖା’ର ଘୋଷଣା କରିଛନ୍ତି। ଏହି ଚଳଚ୍ଚିତ୍ରଟି ଭାରତୀୟ ସେନାର ସମ୍ମାନଜନକ ଗୋର୍‌ଖା ରେଜିମେଣ୍ଟର ଯୁଦ୍ଧ ନାୟକ ମେଜର ଜେନେରାଲ ଇୟାନ୍ କାର୍ଡୋଜୋଙ୍କ ଜୀବନୀ ଉପରେ ଆଧାରିତ। ସଞ୍ଜୟ ପୁରାଣ ସିଂ ଚୌହାନଙ୍କ ନିର୍ଦ୍ଦେଶିତ ଏବଂ ଆନନ୍ଦ ଏଲ୍ ରାୟ ଏବଂ ହିମାଂଶୁ ଶର୍ମାଙ୍କ ଦ୍ୱାରା ନିର୍ମିତ ଏହି ଚଳଚ୍ଚିତ୍ରରେ ଅକ୍ଷୟ କୁମାର ମୁଖ୍ୟ ଭୂମିକାରେ ଅଭିନୟ କରିବେ।

ପିପ୍ପା:

ଚଳଚ୍ଚିତ୍ର 'ପିପ୍ପା' ବ୍ରିଗେଡିୟର୍ ବଳରାମ ସିଂ ମେହେଟ୍ଟାଙ୍କ ଦ୍ୱାରା ଲିଖିତ '୧୯୭୧ – ଏ ନେସନ୍‌ କମ୍‌ସ୍‌ ଅଫ୍ ଏଜ୍' ପୁସ୍ତକରୁ ଅନୁପ୍ରାଣିତ ହୋଇଛି। ଫିଲ୍ମର ଟାଇଟଲ୍ PT-76 ନାମକ ଏକ ଯୁଦ୍ଧ ଟ୍ୟାଙ୍କ୍‌ରୁ ଉତ୍ପନ୍ନ ହୋଇଛି, ଯାହା ‘ପିପ୍ପା’ ଭାବରେ ଜଣାଶୁଣା। ଏହି ଚଳଚ୍ଚିତ୍ରରେ ଇଶାନ ଖଟ୍ଟରଙ୍କ ବ୍ୟତୀତ ମୃଣାଲ୍ ଠାକୁର, ପ୍ରିୟଙ୍କା ପେନୁଲି ଏବଂ ସୋନି ରାଜଦାନ ମଧ୍ୟ ନଜର ଆସିବେ।

ଇକ୍କିସ୍:

ଇକ୍କିସ୍ ମ୍ୟାଡଡକ୍ ଫିଲ୍ମସ୍ ବ୍ୟାନରରେ ଦୀନେଶ ଭିଜାନ୍‌ଙ୍କ ଦ୍ୱାରା ପ୍ରସ୍ତୁତ ହେବ। ଏହା ହେଉଛି ଦ୍ୱିତୀୟ ଲେଫ୍ଟନାଣ୍ଟ ଅରୁଣ ଖେତ୍ରପାଲଙ୍କ କାହାଣୀ। ଏକୋଇଷୀ ବର୍ଷୀୟ ଲେଫ୍ଟନାଣ୍ଟ ପାକିସ୍ତାନୀ ସେନାର ଭୟଙ୍କର ତଥା ନିରନ୍ତର ଆକ୍ରମଣର ସମ୍ମୁଖୀନ ହେବାକୁ ଅହେତୁକ ସାହସିକତା ପ୍ରଦର୍ଶନ କରିଥିଲେ। ଏହି ସାହସ ଏବଂ ବିରତ୍ୱ ପାଇଁ ତାଙ୍କୁ ଭାରତର ସବୁଠାରୁ ପ୍ରତିଷ୍ଠିତ ତଥା ସର୍ବୋଚ୍ଚ ସ୍ତରର ସାମରିକ ପଦକ ପରମ ବୀର ଚକ୍ର ପ୍ରଦାନ କରାଯାଇଥିଲା। ତେବେ ଗତ ଦୁଇ ବର୍ଷ ଧରି ବରୁଣ ଧାୱନ ଏହି ଫିଲ୍ମ ପାଇଁ ନିଜକୁ ପ୍ରସ୍ତୁତ କରୁଛନ୍ତି।