ମା’ ଚାହୁଁ ନଥିଲେ ଶଶି କପୁରଙ୍କ ଜନ୍ମ; ନେଇଥିଲେ ଏମିତି କିଛି ପଦକ୍ଷେପ

ବଲିଉଡର ଭେଟେରାନ୍ ଅଭିନେତା ଶଶି କପୁର ଏକ ଚଳଚ୍ଚିତ୍ର ପରିବାରର ଥିଲେ ମଧ୍ୟ ସେ ସଂଘର୍ଷ କରି ଇଣ୍ଡଷ୍ଟ୍ରିରେ ନିଜ ପାଇଁ ଏକ ସ୍ଥାନ ସ୍ଥାନ ତିଆରି କରିଥିଲେ। ସେ ୧୮ ମାର୍ଚ୍ଚ ୧୯୩୮ରେ ଜନ୍ମଗ୍ରହଣ କରିଥିଲେ। ସେ ମାତ୍ର ୨୦ ବର୍ଷ ବୟସରେ ଇଂରାଜୀ ଅଭିନେତ୍ରୀ ଜେନିଫର କେଣ୍ଡିଲଙ୍କୁ ବିବାହ କରିଥିଲେ।

କାଙ୍ଗାଳ ହୋଇଯାଇଥିଲେ ଶଶି କପୁର:

ବହୁତ କମ୍ ଲୋକ ଜାଣନ୍ତି ଯେ ଶଶି କପୁର ମଧ୍ୟ ଦାରିଦ୍ର୍ୟର ପର୍ଯ୍ୟାୟ ଦେଇ ଗତି କରିଛନ୍ତି। ୬୦ ଦଶକରେ ଶଶି କପୁରଙ୍କ ଚଳଚ୍ଚିତ୍ର ହିଟ୍ ହେବାକୁ ଲାଗିଲା କିନ୍ତୁ ହଠାତ୍ ସେ କାମ ବନ୍ଦ କରିଦେଲେ। ଏହି କାରଣରୁ ଶଶିଙ୍କ ଆର୍ଥିକ ଅବସ୍ଥା ବିଗିଡି ଯାଇଥିଲା। ଏହି ସମୟରେ ଜେନିଫରଙ୍କ ତାଙ୍କ ସହ ରହି ତାଙ୍କୁ ସହଯୋଗ କରିଥିଲେ।

ବିକିବାକୁ ପଡିଲା ସ୍ପୋର୍ଟ୍ସ କାର୍‌:

ପରିସ୍ଥିତି ଏମିତି ହେଲାରେ ଶଶିଙ୍କୁ ତାଙ୍କର ପ୍ରିୟ ସ୍ପୋର୍ଟ୍ସ କାର୍‌ ବିକିବାକୁ ପଡିଲା। ଏହା ସହ ଟଙ୍କା ପାଇଁ ଜେନିଫରଙ୍କୁ ମଧ୍ୟ ତାଙ୍କ ଜିନିଷପତ୍ର ବିକ୍ରି କରିବାକୁ ପଡିଲା।

ବିକିବାକୁ ପଡିଲା ସମ୍ପତ୍ତି:

ଅଭିନୟ ସହିତ ଶଶି କପୁର ମଧ୍ୟ ଚଳଚ୍ଚିତ୍ର ନିର୍ମାଣ କରିଥିଲେ। ଅମିତାଭ ବଚ୍ଚନଙ୍କ ଫିଲ୍ମ 'ଅଜୁବା' (୧୯୯୧) ଉଭୟ ଶଶିଙ୍କ ଦ୍ୱାରା ନିର୍ଦ୍ଦେଶିତ ତଥା ନିର୍ମିତ ହୋଇଥିଲା। ସେତେବେଳେ ଏହି ଚଳଚ୍ଚିତ୍ରଟି ୮ କୋଟିରେ ନିର୍ମିତ ହୋଇଥିଲା, ଯାହା ବହୁତ ମହଙ୍ଗା ଥିଲା। ଏହା କିନ୍ତୁ ସୁପରଫ୍ଲପ୍ ହୋଇଥିଲା ଏବଂ ଶଶିଙ୍କର ୩.୫୦ କୋଟି କ୍ଷତି ହୋଇଥିଲା।

ଏହି କ୍ଷତି ହେତୁ ଶଶିଙ୍କ ଆର୍ଥିକ ଅବସ୍ଥା ବିଗିଡି ଯାଇଥିଲା। ପରିସ୍ଥିତି ଏପରି ହେଲା ଯେ କ୍ଷୟକ୍ଷତିର ଆକଳନ କରିବାକୁ ଶଶିଙ୍କୁ ତାଙ୍କ ସମ୍ପତ୍ତି ବିକିବାକୁ ପଡିଲା। ସେହିପରି ଅନ୍ୟ ଏକ ଚଳଚ୍ଚିତ୍ର 'ଉତ୍ସବ'ରେ ତାଙ୍କୁ ପ୍ରାୟ ୧.୫ କୋଟି କ୍ଷତି ସହିବାକୁ ପଡିଥିଲା।

ପ୍ରଥମ ଦରମା ଥିଲା ୭୫ ଟଙ୍କା:

ଶଶି ୧୯୪୪ରେ ଥିଏଟରରେ ଯୋଗ ଦେଇଥିଲେ, ଏହା ଜାଣିବା ଆଶ୍ଚର୍ଯ୍ୟଜନକ ଯେ ସେ ତାଙ୍କର ପ୍ରଥମ ବେତନ ଭାବରେ ୭୫ ଟଙ୍କା ପାଇଥିଲେ। ଶଶି ଭାରତର ପ୍ରଥମ ଅନ୍ତର୍ଜାତୀୟ ତାରକା ଥିଲେ। ଶଶି ହଲିଉଡ ଫିଲ୍ମ 'ହିଟ୍ ଆଣ୍ଡ୍‌ ଡଷ୍ଟ୍‌'ରେ କାମ କରିଛନ୍ତି ଯାହା କାନ୍ସ ଫିଲ୍ମ ଫେଷ୍ଟିଭାଲରେ ମନୋନୀତ ହୋଇଥିଲା। ଆହୁରି ମଧ୍ୟ, ୧୯୬୩ ରୁ ୧୯୯୮ ପର୍ଯ୍ୟନ୍ତ ଶଶି କପୁର ୧୦ରୁ ଅଧିକ ହଲିଉଡ୍‌ ଫିଲ୍ମରେ କାମ କରିଥିଲେ।

ମା’ ଚାହୁଁ ନଥିଲେ ଶଶିଙ୍କ ଜନ୍ମ:
ଶଶି କପୁର ଏକ ସାକ୍ଷାତକାରରେ ତାଙ୍କ ମା’ଙ୍କ ବିଷୟରେ ଏପରି କଥା କହିଥିଲେ ଯାହାକୁ କେହି ବିଶ୍ୱାସ କରିପାରିବେ ନାହିଁ। ଏହି ସାକ୍ଷାତକାରରେ ଶଶି କପୁର କହିଥିଲେ ଯେ ତାଙ୍କ ମା’ ରାମସରନୀ କପୁର ତାଙ୍କୁ ଏହି ଦୁନିଆକୁ ଆଣିବାକୁ ପ୍ରସ୍ତୁତ ନଥିଲେ।

ମାରିବା ପାଇଁ କରିଥିଲେ ଚେଷ୍ଟା:
ସାକ୍ଷାତକାରରେ ସେ କହିଥିଲେ ଯେ ତାଙ୍କ ମା’ ଆଇ ପିଲା ଚାହୁଁ ନଥିଲେ। ଯେତେବେଳେ ସେ ଜାଣିବାକୁ ପାଇଲେ ଯେ ସେ ଗର୍ଭବତୀ ଅଛନ୍ତି, ସେତେବେଳେ ସେ ବହୁତ ଲଜ୍ଜିତ ଅନୁଭବ କରିଥିଲେ। ଗର୍ଭଧାରଣକୁ ଶେଷ କରିବା ପାଇଁ ସେ ଅନେକ ପଦକ୍ଷେପ ନେଇଥିଲେ କାରଣ ସେତେବେଳେ ଆଭର୍ସନ ଭଳି କିଛି ନଥିଲା। ତେଣୁ ସେ ଘରେ ସାଇକେଲ୍ ଚଢିବା, ସିଢିରେ ଚଢିବା ଓ ପଡିଯିବା, ଦଉଡି ଡେଇଁବା ଆରମ୍ଭ କରିଥିଲେ। ଏହା ସହ କିଛି ଔଷଡ ମଧ୍ୟ ଖାଇଥିଲେ।

ଶଶି ତାଙ୍କ ପରିବାରର ସାନପୁଅ ଥିଲେ, ଏହା ପୂର୍ବରୁ ତାଙ୍କ ବାପାମା’ଙ୍କର ୪ ପୁଅ ହୋଇଥିଲେ, ସେଥିମଧ୍ୟରୁ ୨ ଜଣଙ୍କର ମୃତ୍ୟୁ ହୋଇଥିଲା। ଗୋଟିଏ ଝିଅ ମଧ୍ୟ ଥିଲେ। ଝିଅର ନା’ ଉର୍ମିଲା ହୋଇଥିବା ବେଳେ ପୁଅମାନଙ୍କ ନାମ ରାଜ କପୁର ଏବଂ ଶମି କପୁର। ସେହିପରି ପୁଅ ଦେବେନ୍ଦ୍ର ଏବଂ ରବିନ୍ଦ୍ରଙ୍କ ଦେହାନ୍ତ ହୋଇଥିଲା।

ଚାରି ପୁଅ ପରେ ଶଶିଙ୍କ ବାପା ଏକ ଝିଅ ପାଇବାକୁ ଚାହୁଁଥିଲେ। ତାଙ୍କର ଇଚ୍ଛା ୧୯୩୩ରେ ପୂରଣ ହୋଇଥିଲା। ଗୋଟିଏ ଝିଅ ପାଇବା ପରେ ସେ ନିଜ ପରିବାରକୁ ସମ୍ପୁର୍ଣ୍ଣ ହେଲା ବୋଲି ଭାବିଥିଲେ। ହଠାତ କିନ୍ତୁ ୫ ବର୍ଷ ପରେ ଯେତେବେଳେ ଶଶିଙ୍କ ମା’ ଜାଣିବାକୁ ପାଇଲେ ଯେ ସେ ପୁନର୍ବାର ଗର୍ଭବତୀ ଅଛନ୍ତି, ସେତେବେଳେ ସେ ବହୁତ ଲଜ୍ଜିତ ଅନୁଭବ କଲେ ଏବଂ ଏହି ପିଲାକୁ ଦୁନିଆକୁ ନ ଆଣିବାକୁ ଚାହୁଁଥିଲେ।