'ଜେଲର୍‌' ରିଲିଜ୍ ପରେ ଫିଲ୍ମରୁ ବ୍ରେକ୍ ନେବେ ରଜନିକାନ୍ତ; ହିମାଳୟ ଯିବେ !

ରଜନିକାନ୍ତଙ୍କ ଫିଲ୍ମ 'ଜେଲର' ରିଲିଜ୍ ପାଇଁ ଆଉ କିଛି ଦିନ ବାକି ଅଛି। ନେଲ୍‌ସନ ଦିଲୀପ କୁମାରଙ୍କ ନିର୍ଦ୍ଦେଶିତ ଏହି ଫିଲ୍ମ ଅଗଷ୍ଟ ୧୦ରେ ରିଲିଜ୍‌ ହେବାକୁ ଯାଉଛି। ଏହି ଫିଲ୍ମକୁ ନେଇ ରଜନୀକାନ୍ତଙ୍କ ପ୍ରଶଂସକଙ୍କ ମଧ୍ୟରେ ବହୁତ କ୍ରେଜ୍‌ ରହିଛି। ରଜନୀକାନ୍ତ ମଧ୍ୟ ଏହି ଫିଲ୍ମର ରିଲିଜକୁ ଉତ୍ସାହର ସହିତ ଅପେକ୍ଷା କରିଛନ୍ତି, କାରଣ ଏହା ପରେ ସେ ଏକ ଗୁରୁତ୍ୱପୂର୍ଣ୍ଣ କାମ କରିବେ। 'ଜେଲର' ରିଲିଜ୍ ହେବା ମାତ୍ରେ ସେ ଫିଲ୍ମରୁ ବିରତି ନେବେ ବୋଲି କୁହାଯାଉଛି।

ରଜନୀକାନ୍ତଙ୍କ ଫିଲ୍ମ 'ଜେଲର୍‌' ୨୫୦ କୋଟି ଟଙ୍କାର ବଜେଟ୍‌ରେ ନିର୍ମିତ ହୋଇଛି। ରଜନୀ ଏହି ଫିଲ୍ମରେ ପୁଣି ଥରେ ଏକ ଆକ୍ସନ୍ ଅବତାରରେ ନଜର ଆସିବେ। ତାଙ୍କ ସହ ଏହି ଫିଲ୍ମରେ ତମନ୍ନା ଭାଟିଆ, ଶିବା ରାଜକୁମାର ଏବଂ ରାମ୍ୟା କୃଷ୍ଣନଙ୍କୁ ମଧ୍ୟ ଦେଖିବାକୁ ମିଳିବ। ଏହା ବ୍ୟତୀତ ଏଥିରେ ମୋହନଲାଲଙ୍କୁ କେମିୟୋ ଭୂମିକାରେ ଦେଖିବାକୁ ମିଳିବ।

ଅଧିକ ପଢ଼ନ୍ତୁ: ରିଲିଜ୍ ହୋଇଛି ‘କମାଣ୍ଡୋ’ର ଟ୍ରେଲର; ଲୋକେ କହିଲେ ବିଦ୍ୟୁତ ଜାମୱାଲଙ୍କ ସ୍ଥାନ କେହି ନେଇପାରିବେ ନାହିଁ

ଫିଲ୍ମ 'ଜେଲର'ର ଗୀତ ହିଟ୍ ହୋଇସାରିଛି ଏବଂ ପ୍ରଶଂସକମାନେ ଫିଲ୍ମକୁ ଅପେକ୍ଷା କରିଛନ୍ତି। ଏହି ସମୟରେ ରଜନୀକାନ୍ତ ଏହି ଫିଲ୍ମ ରିଲିଜ୍‌ ହେବା ପରେ ଫିଲ୍ମରୁ ବ୍ରେକ୍ ନେଇଥିବାର ଖବର ରହିଛି। ଏହି ବ୍ରେକ୍ ଅଧିକ ଦିନ ହେବ ନାହିଁ କିନ୍ତୁ ସେ କିଛି ଦିନ ପାଇଁ ଆଉ କୌଣସି ନୂଆ ଫିଲ୍ମରେ ସାଇନ୍ କରିବେ ନାହିଁ।

ରଜନୀକାନ୍ତ ଗତ କିଛି ବର୍ଷ ଧରି ନିଜ ପାଇଁ ଏକ ନିୟମ କରିଛନ୍ତି। ଏହି ନିୟମ ଅନୁଯାୟୀ, ସେ ପ୍ରତ୍ୟେକ ଫିଲ୍ମ ପରେ ଏକ ଆଧ୍ୟାତ୍ମିକ ବିରତି ନେଉଛନ୍ତି ଆଉ ବୁଲିବାକୁ ଯାଉଛନ୍ତି। ଏଥିରୁ ତାଙ୍କୁ ମାନସିକ ଶାନ୍ତି ମିଳେ ଏବଂ ସେ ପୁନର୍ବାର ନୂଆ ଏନର୍ଜି ସହିତ ନିଜ କାମରେ ଜଡିତ ହୋଇଯାଆନ୍ତି।

ରଜନୀକାନ୍ତଙ୍କ ପାଇଁ ଏହା ଏକ ପରମ୍ପରା ପରି ହୋଇଯାଇଛି ଏବଂ ସେ ପ୍ରତ୍ୟେକ ଫିଲ୍ମ ପରେ ଏହାକୁ ପାଳନ କରୁଛନ୍ତି। କରୋନା ସମୟରେ କିନ୍ତୁ ସେ ତାଙ୍କର ଶେଷ ଦୁଇଟି ଚଳଚ୍ଚିତ୍ର ପରେ କୌଣସି ଭ୍ରମଣରେ ଯାଇପାରି ନଥିଲେ।

ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, 'ଜେଲର' ରିଲିଜ୍ ହେବା ପରେ ରଜନୀକାନ୍ତ ହିମାଳୟକୁ ଯିବେ। ସେ ସେଠାରେ କିଛି ସମୟ ଶାନ୍ତିରେ କାଟିବେ ଏବଂ ଏହି ସମୟ ମଧ୍ୟରେ ସେ କେବଳ ନିଜ ପାଇଁ ସମୟ ଦେବେ। ଏହି ବିରତିରୁ ଫେରିବା ପରେ ସେ ତାଙ୍କ ନୂଆ ଫିଲ୍ମରେ କାମ କରିବା ଆରମ୍ଭ କରିବେ।

ଅଧିକ ପଢ଼ନ୍ତୁ: ଅମିତାଭ ବଚ୍ଚନଙ୍କ ଫିଲ୍ମର ତାମିଲ୍ ରିମେକ୍ କରି ସୁପର୍‌ଷ୍ଟାର୍‌ ହୋଇଗଲେ ରଜନୀକାନ୍ତ