Advance Booking: ‘ଆନିମଲ’ ଆଗରେ ବହୂ ଦୂରରେ ରହିଲାଣି ‘ସାମ୍‌ ବାହାଦୂର’; କେମିତି ହେବ ଟକ୍କର୍!

ରଣବୀର କପୁର, ଅନିଲ କପୁର, ବବି ଦେଓଲ ଏବଂ ରଶ୍ମିକା ମନ୍ଦନାଙ୍କ ଅଭିନୀତ ‘ଆନିମଲ’ ଏବଂ ଭିକି କୌଶଲଙ୍କ ଫିଲ୍ମ ‘ସାମ୍‌ ବାହାଦୂର’ ଡିସେମ୍ବର ୧ ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ପ୍ରସ୍ତୁତ, ଯାହାର କ୍ରେଜ୍‌ ସୋସିଆଲ ମିଡିଆରେ ମଧ୍ୟ ଦେଖାଯାଉଛି।

ଦିନ ଯେତିକି ପାଖେଇ ଆସୁଛି, ‘ଆନିମଲ୍’ କିମ୍ବା ‘ସାମ ବାହାଦୂର’ ମଧ୍ୟରେ ବକ୍ସ ଅଫିସରେ କିଏ ଜିତିବ ତାହାକୁ ନେଇ ପ୍ରଶଂସକଙ୍କ ମଧ୍ୟରେ ଉତ୍ସାହ ଲାଗି ରହିଛି। ବର୍ତ୍ତମାନ ଉଭୟ ଫିଲ୍ମର ଅଗ୍ରୀମ ବୁକିଂ ଆରମ୍ଭ ହୋଇଛି, ଯେଉଁ କାରଣରୁ ‘ସାମ୍‌ ବାହାଦୂର’ଠାରୁ ‘ଆନିମଲ୍’ ବହୁ ପଛରେ ପଡିଯାଇଥିବା ଖବର ରହିଛି।

ବକ୍ସ ଅଫିସ୍ ଟ୍ରାକର୍ ସକନିଲ୍କ ତଥ୍ୟ ଅନୁଯାୟୀ, ‘ଆନିମଲ୍’ ହିନ୍ଦୀରେ ୯୦,୫୨୬ ଟିକେଟ୍, ତେଲୁଗୁ ଭାଷାରେ ୨୦,୫୯୧ ଟିକେଟ୍ ଏବଂ ତାମିଲରେ ୨୦୦ ଟିକେଟ୍ ସମେତ ସାରା ଭାରତରେ ୧୧୧,୦୦୦ ରୁ ଅଧିକ ଟିକେଟ୍ ବିକ୍ରି କରିସାରିଛି।

ଏହି କାରଣରୁ, ଫିଲ୍ମ ରିଲିଜ୍ ହେବା ପୂର୍ବରୁ ୩.୪ କୋଟି ଟଙ୍କାର ଧାମାକାଦାର ରୋଜଗାର କରିସାରିଛି। ଏହା ରଣବୀର କପୁରଙ୍କ କ୍ୟାରିୟରର ସବୁଠାରୁ ବଡ ଓପେନିଂ ହେବାକୁ ଯାଉଛି ବୋଲି ଆଶା କରାଯାଉଛି। ତିନି ଘଣ୍ଟିଆ ଫିଲ୍ମ ଆନିମଲ୍ 'ଏ' ରେଟିଂ ପାଇଥିବାବେଳେ ଟ୍ରେଲର୍ ମଧ୍ୟ ବହୁତ ଭଲ ପାଇବା ପାଇଛି।

ସେହିପରି ‘ସାମ୍ ବାହାଦୁର’ ବିଷୟରେ ଯଦି କୁହାଯାଏ ତେବେ ଭିକି କୌଶଲଙ୍କ ଫିଲ୍ମ ରିଲିଜ୍ ପୂର୍ବରୁ ୧୨,୮୭୬ଟିକେଟ୍ ବିକ୍ରି କରିଛି। ଆଗୁଆ ବୁକିଂରେ ଏହା ୪୪.୭୧ ଲକ୍ଷ ଟଙ୍କା ରୋଜଗାର କରିପାରିଛି। ଏହି ରୋଜଗାର ‘ଆନିମଲ୍’ ତୁଳନାରେ ବହୁତ କମ୍।

କୁହାଯାଉଛି ଯେ ‘ଆନିମଲ୍’ର ପ୍ରଥମ ଦିନର ବକ୍ସ ଅଫିସ୍ ରୋଜଗାର ‘ଟାଇଗର ୩’ କୁ ମଧ୍ୟ କାଟିଦେବ। କୁହାଯାଉଛି ଓପେନିଂ ଦିନରେ ଏହି ଫିଲ୍ମ ୫୦ କୋଟି ଟଙ୍କା ରୋଜଗାର କରିପାରିବ।