ବାବା ସିଦ୍ଦିକିଙ୍କ ହତ୍ୟା ପରେ କେଉଁମାନେ ଅଛନ୍ତି ଲରେନ୍ସ ବିଷ୍ଣୋଇଙ୍କ ପରବର୍ତ୍ତୀ ଟାର୍ଗେଟ୍

ଏନ୍‌ସିପି ନେତା ବାବା ସିଦ୍ଦିକିଙ୍କ ହତ୍ୟା ପରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କୁ ନେଇ ବଡ ଖବର ଆସୁଛି। ସୂଚନାନୁସାରେ, ଲରେନ୍ସ ବିଷ୍ଣୋଇ ଏନ୍‌ଆଇଏ ଆଗରେ ସମ୍ବେଦନଶୀଳ ଖୁଲାସା କରିଛନ୍ତି।

ବାବା ସିଦ୍ଦିକି

ସୂଚନାନୁସାରେ, ବିଷ୍ଣୋଇଙ୍କ ଟାର୍ଗେଟର ଶୀର୍ଷରେ ବଲିଉଡ୍‌ ଅଭିନେତା ସଲମାନ ଖାନ ଅଛନ୍ତି, ଯାହାଙ୍କୁ ସେ ହତ୍ୟା କରିବାକୁ ଯୋଜନା କରୁଛନ୍ତି। ସେ ଯେକୌଣସି ପରିସ୍ଥିତିରେରେ ସଲମାନ ଖାନଙ୍କୁ ହତ୍ୟା କରିବାକୁ ଚାହୁଁଛନ୍ତି ବୋଲି ସ୍ୱୀକାର କରିଛନ୍ତି।

ରିପୋର୍ଟ ଅନୁଯାୟୀ ଜାତୀୟ ଅନୁସନ୍ଧାନ ଏଜେନ୍ସି ଏକ ତାଲିକା ପ୍ରସ୍ତୁତ କରିଛି। ଏହି ହିଟ୍ ତାଲିକା ଅନୁଯାୟୀ ଗ୍ୟାଙ୍ଗଷ୍ଟର ଲରେନ୍ସଙ୍କ ପରବର୍ତ୍ତୀ ଟାର୍ଗେଟ୍‌ରେ ବଲିଉଡ୍‌ ଅଭିନେତା ସଲମାନ ଖାନ, ହାସ୍ୟ ଅଭିନେତା ମୁନାୱର ଫାରୁକି, ରାଜନେତା ଏବଂ ଅନ୍ୟମାନଙ୍କ ନାଁ ରହିଛି।

ବର୍ତ୍ତମାନ ଲରେନ୍ସ ବିଷ୍ଣୋଇ ଗୁଜୁରାଟର ସାବରମତି ଜେଲରେ ଅଛନ୍ତି। ୧୨ ଅକ୍ଟୋବର ରାତିରେ ଏନ୍‌ସିପି ନେତା ତଥା ମହାରାଷ୍ଟ୍ରର ପୂର୍ବତନ ମନ୍ତ୍ରୀ ବାବା ସିଦ୍ଦିକିଙ୍କୁ ହତ୍ୟା ଷଡଯନ୍ତ୍ରରେ ଲରେନ୍ସ ବିଷ୍ଣୋଇଙ୍କ ନା ସାମ୍ନାକୁ ଆସୁଛି। ବର୍ତ୍ତମାନ ପୋଲିସ ଏହାର ତଦନ୍ତ କରୁଛି।

ବିଷ୍ଣୋଇଙ୍କ କ୍ରାଇମ୍‌ ଗ୍ୟାଙ୍ଗରେ ପ୍ରାୟ ୭୦୦ ସଦସ୍ୟ ଅଛନ୍ତି। ଚଳିର ବର୍ଷର ଆରମ୍ଭରେ ବଲିଉଡ ଅଭିନେତା ସଲମାନ ଖାନଙ୍କ ଉପରେ ହତ୍ୟା ଉଦ୍ୟମରେ ଏହି ଗ୍ୟାଙ୍ଗ୍ ସମ୍ପୃକ୍ତ ଥିଲେ। ପଞ୍ଜାବୀ ସଂଗୀତଜ୍ଞ ସିଦ୍ଧୁ ମୁସେୱାଲାଙ୍କ ହତ୍ୟା ପାଇଁ ଗ୍ୟାଙ୍ଗଷ୍ଟର ଗୋଲ୍‌ଡି ବରାର ମଧ୍ୟ ଲରେନ୍ସଙ୍କୁ ଶ୍ରେୟ ଦେଇଥିଲେ।

କେତେକ ବଡ ନାମ ଲରେନ୍ସ ବିଷ୍ଣୋଇଙ୍କ ହିଟ୍ ଲିଷ୍ଟରେ ରହିଛି, ଯେଉଁଥିରେ ସଲମାନ ଖାନ ଏକ ନମ୍ବରରେ ରହିଛନ୍ତି। କୃଷ୍ଣକାୟ ହରିଣ ଶିକାର ମାମଲାରେ ଖାନଙ୍କ ସମ୍ପୃକ୍ତି ପରେ ଏହି ପ୍ରସଙ୍ଗ ଆରମ୍ଭ ହୋଇଥିଲା। କୃଷ୍ଣକାୟ ହରିଣକୁ ବିଷ୍ଣୋଇ ସମ୍ପ୍ରଦାୟରେ ବହୁତ ସମ୍ମାନ କରାଯାଏ।

ତେବେ ଦିଲ୍ଲୀ ପୋଲିସର ଜଣେ ଅଧିକାରୀ ପିଟିଆଇକୁ କହିଛନ୍ତି ଯେ ସଲମାନ ଖାନଙ୍କ ବ୍ୟତୀତ ବର୍ତ୍ତମାନ ଲରେନ୍ସଙ୍କ ହିଟ୍ ତାଲିକାରେ ଆହୁରି ଅନେକ ନାଁ ଯୋଡି ହୋଇଛି।

ଲରେନ୍ସଙ୍କ ଟାର୍ଗେଟ ତାଲିକାରେ ଜିଶାନ ସିଦ୍ଦିକି, ମୁନୱର ଫାରୁକି, ଶଗନପ୍ରୀତ ସିଂହ, କୌଶଲ ଚୌଧରୀ ଏବଂ ଅମିତ ଡାଗର ଅଛନ୍ତି। ଅଭିଯୁକ୍ତ ଧର୍ମରାଜ କାଶ୍ୟପ ଏବଂ ଗୁରୁମେଲ ସିଂହ ପୋଲିସକୁ କହିଛନ୍ତି ଯେ ନିକଟରେ ଜିଶାନ ସିଦ୍ଦିକିଙ୍କ ବାପା ବାବା ସିଦ୍ଦିକିଙ୍କ ଉପରେ ହୋଇଥିବା ଆକ୍ରମଣର ଲକ୍ଷ ଜିଶାନ ଥିଲେ।

ଯେତେବେଳେ ପୋଲିସ ଏହି ଘଟଣାର ଅନୁସନ୍ଧାନ କଲା, ସେତେବେଳେ ସେମାନେ ସୋସିଆଲ ମିଡିଆରେ ଏକ ପୋଷ୍ଟ ପାଇଲେ ଯେଉଁଥିରେ ଦାବି କରାଯାଇଥିଲା ଯେ “ଯିଏ ସଲମାନ ଖାନ ଏବଂ ଦାଉଦ ଗ୍ୟାଙ୍ଗକୁ ସାହାଯ୍ୟ କରେ ସେ ତାଙ୍କ ଆକାଉଣ୍ଟ ସମାଧାନ କରିବ”। ଖବର ଅନୁଯାୟୀ, ଏହି ଧମକ ବାବା ସିଦ୍ଦିକିଙ୍କୁ ଟାର୍ଗେଟ କରି ଲେଖାଯାଇଥିଲା, କାରଣ ସିଦ୍ଦିକି ସଲମାନ ଖାନଙ୍କ ନିକଟତର ବୋଲି ବିବେଚନା କରାଯାଏ।

ମୁନୱର ଫାରୁକି:

ହାସ୍ୟ ଅଭିନେତା ମୁନୱର ଫାରୁକି ମଧ୍ୟ ଲରେନ୍ସଙ୍କ ଟାର୍ଗେଟରେ ଅଛନ୍ତି ଏବଂ ଦିଲ୍ଲୀର ଏକ ବିବାହ ଉତ୍ସବରେ ଦୁଇଜଣ ବନ୍ଧୁକଧାରୀ ତାଙ୍କୁ ଟାର୍ଗେଟ୍‌ କରିଥିଲେ, ଯେଉଁଠାରେ ଗୁପ୍ତଚର ସଂସ୍ଥା ଏଥିରେ ହସ୍ତକ୍ଷେପ କରିଥିଲେ ଏବଂ କଡା ସୁରକ୍ଷା ମଧ୍ୟରେ ତାଙ୍କୁ ମୁମ୍ବାଇକୁ ଫେରାଇ ନିଆଯାଇଥିଲା।

ଶଗନପ୍ରୀତ ସିଂହ:

ପଞ୍ଜାବୀ ଗାୟକ ସିଦ୍ଧୁ ମୁସେୱାଲାଙ୍କ ମ୍ୟାନେଜର ଶଗନପ୍ରୀତ ସିଂହଙ୍କ ନାଁ ମଧ୍ୟ ଲରେନ୍ସ ହିଟ୍ ତାଲିକାରେ ରହିଛି। କାରଣ ଲରେନ୍ସଙ୍କ ବିଶ୍ୱାସ ଅନୁଯାୟୀ ତାଙ୍କର ଘନିଷ୍ଠ ସହଯୋଗୀ ବିକି ମିଡୁଖେଡାଙ୍କ ହତ୍ୟାକାରୀଙ୍କୁ ଶଗନପ୍ରୀତ ଆଶ୍ରୟ ଦେଇଥିଲେ ଯାହାଙ୍କୁ ଅଗଷ୍ଟ ୨୦୨୧ରେ ମୋହାଲିରେ ଗୁଳିକରି ହତ୍ୟା କରାଯାଇଥିଲା।

କୌଶଲ ଚୌଧରୀ:

କୁଖ୍ୟାତ ବମ୍ବିହା ଗ୍ୟାଙ୍ଗ୍‌ର ସଦସ୍ୟ ତଥା ଲରେନ୍ସଙ୍କ ପ୍ରତିଦ୍ୱନ୍ଦ୍ୱୀ କୌଶଲ ଚୌଧରୀଙ୍କ ଉପରେ ମିଡୁଖେଡା ହତ୍ୟାକାରୀଙ୍କୁ ଅସ୍ତ୍ର ଯୋଗାଇ ଦିଆଯାଇଥିବା ଅଭିଯୋଗ ହୋଇଥିଲା, ଯେଉଁ କାରଣରୁ କୌଶଲ ଚୌଧରୀଙ୍କ ନାଁ ଲରେନ୍ସଙ୍କ ହିଟ୍ ଲିଷ୍ଟରେ ଅନ୍ତର୍ଭୁକ୍ତ ହୋଇଥିଲା। ମିଡୁଖେଡାଙ୍କ ମୃତ୍ୟୁରେ ଚୌଧରୀଙ୍କ ଘନିଷ୍ଠ ସହଯୋଗୀ ଅମିତ ଡାଗର ମଧ୍ୟ ସମ୍ପୃକ୍ତ ଥିଲେ। ତେଣୁ ଅମିତ ମଧ୍ୟ ଲରେନ୍ସଙ୍କ ଟାର୍ଗେଟରେ ରହିଗଲେ।