Encounter: ପୋଲିସ ଗୁଳିରେ ଦୁର୍ଦ୍ଦାନ୍ତ ଅପରାଧୀ ସୁନୀଲ ନାହକ ଆହତ

ବ୍ରହ୍ମପୁରରେ ଏନକାଉଣ୍ଟର। ପୋଲିସ ଗୁଳିରେ କବିସୂର୍ଯ୍ୟନଗରର ଦୁର୍ଦ୍ଦାନ୍ତ ଅପରାଧୀ ସୁନୀଲ ନାହକ ଆହତ ହୋଇଛି। ପୀତାତଳି-ଚିକିଟି ରାସ୍ତାରେ ପୋଲିସ ସୁନୀଲ ନାହକୁ ଏନକାଉଣ୍ଟର କରିଛି। ଆହତ ଅବସ୍ଥାରେ ତାକୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଛି।

ସୁନୀଲ ନାଁରେ ବୋମା ମାଡ଼, ୨ଟି ହତ୍ୟାକୁ ମିଶାଇ ୨୦ରୁ ଅଧିକ ମାମଲା ରହିଛି। ଏହା ସହିତ ରାହାଜାନୀ, ହତ୍ୟା ଧମକ, ଦାଦାବଟି ଭଳି ମଧ୍ୟ ମାମଲା ଥିବା ପୋଲିସ ସୂଚନା ଦେଇଛି। ତେବେ ସୁନୀଲକୁ ଧରିବା ପାଇଁ ପୋଲିସ ପିଛା କରିବା ବେଳେ ସେ ପ୍ରଥମେ ପୋଲିସ ଉପରକୁ ଗୁଳିମାଡ଼ କରିଥିବା ସୂଚନା ମିଳିଛି।

ପ୍ରଥମେ ସୁନୀଲ କରିଥିବା ଗୁଳି ପୋଲିସ ଗାଡ଼ିରେ ବାଜିଥିଲା। ଏହାପରେ ପୋଲିସର ପାଲଟା ଗୁଳିମାଡ଼ରେ ସୁନୀଲ ଆହତ ହୋଇଛି। ସୁନୀଲର ବାମ ଗୋଡ଼ରେ ଗୁଳି ବାଜିଛି। ତେବେ ତା' ନିକଟରୁ ଗୋଟିଏ ମାଉଜର ଓ ବାଇକ ଜବତ ହୋଇଛି।