ସେବାୟତ କୃଷ୍ଣଚନ୍ଦ୍ରଙ୍କୁ କେମିତି କଲେ ହତ୍ୟା ? କ୍ରାଇମ ସିନ୍ ରିକ୍ରିଏଟ ବେଳେ ସତ ଓଗାଳିଲେ ଅଭିଯୁକ୍ତ

ପୁରୀର ସେବାୟତ କୃଷ୍ଣଚନ୍ଦ୍ର ପ୍ରତିହାରୀ ହତ୍ୟା ଘଟଣାର ୨ ଅଭିଯୁକ୍ତଙ୍କୁ ନେଇ ପୋଲିସ କ୍ରାଇମ ସିନ୍ ରିକ୍ରିଏଟ କରିଛି। ମୁଖ୍ୟ ଅଭିଯୁକ୍ତ ପ୍ରଫୁଲ୍ଲ ଓରଫ ଟୁଟୁ ମହାପାତ୍ର, କୁନମୁନି ସୁଆରଙ୍କୁ ନେଇ ପୋଲିସ ବାରବାଟୀ ଯାଗା ପରିସରରେ ସିନ୍ ରିକ୍ରିଏଟ କରିଛି।

କେମିିତି ଉଭୟ ହତ୍ୟାକାଣ୍ଡ ଘଟାଇଥିଲେ ? ସେବାୟତ କୃଷ୍ଣଚନ୍ଦ୍ର ପ୍ରତିହାରୀ ଜାଗାକୁ ଆସି ଚଉତରାର କେଉଁ ସ୍ଥାନରେ ବସିଥିଲେ ? କୁନମୁନି ଓ ଟୁଟୁ କେଉଁ ବାଟ ଦେଇ ଆସିଲେ ? ଟୁଟୁ ପଛପଟକୁ କିଭଳି ଯାଇ ଗୁଳି ମାରିଲା, ସେ ସବୁକୁ ଦୁଇ ଅଭିଯୁକ୍ତ ପୋଲିସ ଆଗରେ ସିନ୍ ରିକ୍ରିଏଟ କରିଥିଲେ।

ହତ୍ୟା କରିବା ପରେ କେଉଁ ବାଟ ଦେଇ ଗଲେ ଓ କାହା ସହ ଗଲେ ତାହା ମଧ୍ୟ ପୋଲିସ ଆଗରେ ପ୍ରକାଶ କରିଥିଲେ ଅଭିଯୁକ୍ତ। ଆବଶ୍ୟକ ପଡିଲେ ଅନ୍ୟ ଦୁଇ ଅଭିଯୁକ୍ତ ହରି ପଣ୍ଡା ଓ ଆଶିଷ ଓରଫ ବାବା ମହାପାତ୍ରଙ୍କୁ ନେଇ ମଧ୍ୟ କ୍ରାଇମ ସିନ୍‌ ରିକ୍ରିଏଟ୍ କରାଯିବ ବୋଲି ଏସ୍‌ପି କହିଛନ୍ତି। ୪ ଅଭିଯୁକ୍ତଙ୍କୁ ୩ ଦିନିଆ ରିମାଣ୍ଡରେ ନେବା ପାଇଁ ଏସଡିଜେଏମ କୋର୍ଟ ନିର୍ଦ୍ଦେଶ ଦେଇଛନ୍ତି। ଉଭୟଙ୍କୁ ଜେରା କରିବାକୁ ପୋଲିସ ୭ ଦିନିଆ ରିମାଣ୍ଡ ଆବେଦନ କରିଥିଲା। 

ଗୁନ ସିଂହାରୀ ହତ୍ୟାର ପ୍ରତିଶୋଧ ପାଇଁ ସେବାୟତଙ୍କୁ ହତ୍ୟା କରାଯାଇଥିଲା। ଏଥିପାଇଁ ହୋଇଥିଲା ୩୦ ଲକ୍ଷ ଟଙ୍କାର ଡିଲ୍। ପୁରୀ ସେବାୟତ କୃଷ୍ଣଚନ୍ଦ୍ର ପ୍ରତିହାରୀ ହତ୍ୟା ମାମଲାରେ ୬ ଅଭିଯୁକ୍ତ ଗିରଫ ପରେ ଏସ୍‌ପି କନଓ୍ୱର ବିଶାଲ ସିଂହ ଏହି ସୂଚନା ଦେଇଛନ୍ତି। ଏହାସହ ପୁରା ହତ୍ୟା ଘଟଣାର ପର୍ଦ୍ଦାଫାଶ କରିଛନ୍ତି ଏସ୍‌ପି।