ପ୍ରଦୂଷଣ ନିୟନ୍ତ୍ରଣ ବୋର୍ଡର ମୁଖ୍ୟଯନ୍ତ୍ରୀ ରବିନାରାୟଣ ପୃଷ୍ଟି ଗିରଫ । ଆୟ ବହିର୍ଭୂତ ସଂପତ୍ତି ଠୁଳ ମାମଲାରେ ରେଡ୍ କରିଥିଲା ଭିଜିଲାନ୍ସ । ଭୁବନେଶ୍ୱର ସ୍ଥିତ ଘର, ଗଂଜାମ ସ୍ଥିତ ପୈତୃକ ଘର ଓ ଅଫିସରେ ରେଡ୍ ହୋଇଥିଲା । ଏକକାଳୀନ ୭ଟି ସ୍ଥାନରେ ଭିଜିଲାନ୍ସ ରେଡ୍ କରିଥିଲା । ୮ଜଣ ଡେପୁଟି ଏସ୍ପି, ୪ ଜଣ ଇନ୍ସପେର, ୫ ଜଣ ASI ମିଳିତ ଭାବେ ୭ ଟି ସ୍ଥାନରେ ରେଡ୍ କରିଥିଲେ ।
ରେଡ୍ ବେଳେ ତାଙ୍କର ବିପୁଳ ସମ୍ପତ୍ତି ଜବତ ହେବା ପରେ ଆଜି ତାଙ୍କୁ ଗିରଫ କରାଯାଇଛି । ରବିନାରାୟଙ୍କ ଘରୁ ସୁନା ଅଳଙ୍କାର ସହ ବିପୁଳ ପରିମାଣର ବ୍ୟାଙ୍କ ଡିପୋଜିଟ୍, ଫ୍ଲାଟ୍ ଓ ପ୍ଲଟ୍ ଠାବ କରାଯାଇଥିଲା । ତାଙ୍କର ଭୁବନେଶ୍ୱର ପଟିଆରେ ଏକ ଫ୍ଲାଟ୍, ପୁରୀରେ ଏକ ଫ୍ଲାଟ୍, ନଖରା ଗ୍ରାଣ୍ଡ ବଜାରରେ ଏକ ଫ୍ଲାଟ୍, ଖଣ୍ଡଗିରିରେ ଗୋଟିଏ ଦୋକାନ, ଖୋର୍ଦ୍ଧା ଏବଂ ଭୁବନେଶ୍ୱରରେ ୩ଟି ପ୍ଲଟ୍ ଠାବ ହୋଇଛି । ସେହିଭଳି ୭୦ ଲକ୍ଷର ବ୍ୟାଙ୍କ୍ ଡିପୋଜିଟ୍, ପ୍ରାୟ ୩୫୫ ଗ୍ରାମ୍ର ସୁନା ଅଳଙ୍କାର ଓ ସହ ଚାରିଚକିଆ ଯାନ ସହ ଓ ଦୁଇ ଚକିଆ ଗାଡ଼ି ଜବତ କରାଯାଇଛି ।
Also Read
ଭୁବନେଶ୍ୱରର ପଟିଆରେ ରବି ନାରାୟଣ ପୃଷ୍ଟିଙ୍କର ଗୋଟିଏ ଫ୍ଲାଟ୍ ରହିଛି। ପୁରୀ ଶ୍ରୀକ୍ଷେତ୍ର ଭକ୍ତ ନିବାସରେ ତାଙ୍କର ଗୋଟିଏ ଫ୍ଲାଟ ରହିଛି ଓ ଏହାର ବର୍ତ୍ତମାନ ବଜାର ମୂଲ୍ୟ ୧ କୋଟି ଟଙ୍କାରୁ ଅଧିକ ହେବ। ଫୁଲନଖରାର ଗ୍ରାଣ୍ଡ ଆବାସରେ ତାଙ୍କର ଏକ ଫ୍ଲାଟ ରହିଛି ଯାହାର ଦାମ୍ ୬୦ ଲକ୍ଷ ଟଙ୍କାରୁ ଅଧିକ।
ଭୁବନେଶ୍ୱରର ଖଣ୍ଡଗିରି ସ୍ଥିତ ବାରଭୂଜା ମାର୍କେଟ କମ୍ପ୍ଲେକ୍ସରେ ତାଙ୍କର ଗୋଟିଏ ଦୋକାନ ଅଛି। ଭୁବନେଶ୍ୱରର ପ୍ରମୁଖ ସ୍ଥାନ ଓ ଏହା ଆଖପାଖରେ ତାଙ୍କର ତିନିଟି ପ୍ଲଟ୍ ରହିଛି। ଏଗୁଡ଼ିକର ବଜାର ମୂଲ୍ୟ କୋଟି କୋଟି ଟଙ୍କା। ଏହି ପ୍ଲଟ ଗୁଡ଼ିକର କିଣାବିକା ବେଳେ ଯାବତୀୟ ଅନିୟମିତତା ହୋଇଥିବା ଭିଜିଲାନ୍ସ ସନ୍ଦେହ କରୁଛି। ସେଥିପାଇଁ ଏ ଦିଗରେ ତଦନ୍ତ ଜାରି ରହିଛି।