ମାରଣାସ୍ତ୍ର ଦେଖାଇ ଲୁଟିନେଇଥିଲେ ୬୦ ଲକ୍ଷ ଟଙ୍କାର ସାମଗ୍ରୀ, ଘଟଣାରେ ୪ ଗିରଫ

ମାରଣାସ୍ତ୍ର ଦେଖାଇ ଲୁଟିନେଇଥିଲେ ୬୦ ଲକ୍ଷ ଟଙ୍କା ମୂଲ୍ୟର ସାମଗ୍ରୀ । ଖୋର୍ଦ୍ଧା ବାଘମାରୀ ଥାନା ୫୭ ନମ୍ବର ଜାତୀୟ ରାଜପଥରୁ ଗତ ଏପ୍ରିଲ ୩ ତାରିଖରେ ମାରଣାସ୍ତ୍ର ଦେଖାଇ ଲୁଟ୍ ଘଟଣାରେ ୪ ଗିରଫ ହୋଇଛନ୍ତି ।

ଗିରଫ ଅଭିଯୁକ୍ତମାନେ ହେଉଛନ୍ତି ଖୋର୍ଦ୍ଧାର ପ୍ରଫୁଲ୍ଲ କୁମାର ନାୟକ ଓରଫ ଟୁନା ନାଁରେ ଏକାଧିକ ମାମଲା ଥିବା ପୋଲିସ କହିଛି । ସେହିପରି ଖୋର୍ଦ୍ଧାର ଦେବାଶିଷ ସ୍ୱାଇଁ, ସନ୍ତୋଷ କୁମାର ରାଉତରାୟ ଏବଂ ବାଙ୍କି ଥାନା ଅଞ୍ଚଳର ବିଶ୍ୱଜିତ ପରିଡାଙ୍କୁ ଗିରଫ କରି ପୋଲିସ କୋର୍ଟଚାଲାଣ କରିଛି ।

ସୂଚନା ନୁସାରେ, ବାଘମାରୀ ପୋଲିସ ସହ ସ୍ପେଶାଲ ସ୍କାର୍ଡ ବିଭିନ୍ନ ସ୍ଥାନରେ ଚଢ଼ାଉ କରି ଲୁଟ ହୋଇଥିବା ସମସ୍ତ ଏଲଇଡି ଟିଭି, ଟାଟା ଏସି ଗାଡି ଜବତ କରିଛି । ଅଭିଯୁକ୍ତମାନେ ଡକାୟତି ବେଳେ ବ୍ୟବହାର କରିଥିବା ଦୁଇଟି କାର ମଧ୍ୟ ଜବତ କରିଛି । ପୋଲିସ ଦ୍ୱାରା ଜବତ ହୋଇଥିବା ସମସ୍ତ ସାମଗ୍ରୀର ମୂଲ୍ୟ ୬୦ ଲକ୍ଷ ଟଙ୍କା ହେବ ବୋଲି ଏସ୍ପି ଅଲେଖ ଚନ୍ଦ୍ର ପହି ସୂଚନା ଦେଇଛନ୍ତି ।