ଫାଇନାନ୍ସ ସଂସ୍ଥାଠାରୁ ଅର୍ଥ ହଡ଼ପ ମାମଲାରେ ୧୭ କୋଟି ଜବତ୍‌

ଅର୍ଥ ହଡପ ମାମଲାରେ ସମ୍ବନ୍ଧ ଫିନସର୍ଭ ସଂସ୍ଥାର ଏମଡି ଦୀପକ କିଣ୍ଡୋଙ୍କ ସହ ଅନ୍ୟମାନଙ୍କ ନାଁରେ ବିଭିନ୍ନ ବ୍ୟାଙ୍କର ୬୧ଟି ଆକାଉଣ୍ଟରେ ଥିବା ୧୭କୋଟିରୁ ଅଧିକ ଟଙ୍କା ଜବତ୍‌ ହୋଇଛି । କ୍ରାଇମବ୍ରାଞ୍ଚ ଏସବୁ ଅର୍ଥକୁ ଜବତ କରିଛି ।

ସୂଚନା ଅନୁସାରେ, ଅର୍ଥନୈତିକ ଅପରାଧ ଶାଖା ବିଭିନ୍ନ ଜାତୀୟ ତଥା ଘରୋଇ ବ୍ୟାଙ୍କରେ ଟଙ୍କା ଡିପୋଜିଟ୍ ଥିଲା । ଅନ୍ନପୂର୍ଣ୍ଣା ଫାଇନାସ୍ ସଂସ୍ଥାଠାରୁ ଜାଲିଆତି କରି ୫ କୋଟି ଟଙ୍କା ଲୋନ୍ ନେଇ ଟଙ୍କା ହଡପ୍‌ ଅଭିଯୋଗ ହୋଇଥିଲା । ଏନେଇ ଅନପୂର୍ଣ୍ଣା ଫାଇନାସ ପ୍ରାଇଭେଟ ଲିମିଟେଡ କ୍ରାଇମବ୍ରାଞ୍ଚରେ ମଧ୍ୟ ଅଭିଯୋଗ ହୋଇଥିଲା।

ଘଟଣାର ଖୋଳତାଡ ପରେ ସମ୍ବନ୍ଧ ଫିନସର୍ଭ ସଂସ୍ଥାର ଏମିଡି ଦୀପକ କିଣ୍ଡୋ ବିଭିନ୍ନ ବ୍ୟାଙ୍କ ଅର୍ଥ ଲଗାଣକାରି ସଂସ୍ଥାଠାରୁ ୧୦୦ କୋଟି ଟଙ୍କା ହଡପ କରିଥିବା ସାମ୍ନାକୁ ଆସିଥିଲା ।

ପୂର୍ବରୁ ଏହି ଠକେଇ ମାମଲାରେ ଦୀପକ କିଣ୍ଡୋଙ୍କ ପତ୍ନୀ ଅମ୍ରିତା କିଣ୍ଡୋ କ୍ରାଇମବ୍ରାଞ୍ଚ ଦ୍ୱାରା ଗିରଫ ହୋଇଥିଲେ । ଦୀପକ ଫେରାର ଥିବାବେଳେ ତାଙ୍କ ନାଁରେ କ୍ରାଇମବ୍ରାଞ୍ଚ ଲୁକ୍ଆଉଟ ସର୍କୁଲାର ଜାରି କରିଛି । ଏମତିକି ତାଙ୍କୁ ଧରିବାକୁ କ୍ରାଇମବ୍ରାଞ୍ଚର ଅର୍ଥ ନୈତିକ ଅପରାଧ ଶାଖା ପକ୍ରିୟା ଜାରି ରଖିଛି ।