କେମିତି ସୁଶାନ୍ତଙ୍କର ହୋଇଥିଲା ମୃତ୍ୟୁ?

ନୂଆଦିଲ୍ଲୀ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଆଜି ପୁରିଛି ୧ ବର୍ଷ। ବର୍ଷେ ତଳେ ଠିକ୍ ଆଜିର ଦିନରେ ଶହ ଶହ ଫ୍ୟାନଙ୍କୁ ଅଲବିଦା କହି ଚାଲିଯାଇଥିଲେ ସୁଶାନ୍ତ । ସେ ଆଜି ଦୁନିଆରେ ନାହାନ୍ତି ସତ ମାତ୍ର, କୋଟି କୋଟି ଫ୍ୟାନଙ୍କ ହୃଦୟରେ ଜୀବନ୍ତ ହୋଇ ରହିଛନ୍ତି। ତେବେ ବିଡ଼ମ୍ବନାର ବିଷୟ ବର୍ଷେ ପରେ ବି ସୁଶାନ୍ତଙ୍କ ମୃତ୍ୟୁ ଉପରୁ ହଟିପାରିନି ପରଦା। ୫ଟି ତଦନ୍ତକାରୀ ସଂସ୍ଥାର ତଦନ୍ତ ପରେ ବି ଫଳ ଶୂନ। ସିବିଆଇ ତାର ପ୍ରାଥମିକ ଚାର୍ଜସିଟ୍ ଦେଇସାରିଥିଲେ ମଧ୍ୟ ଏବେ ବି ରହସ୍ୟ ଘେରରେ ସୁଶାନ୍ତଙ୍କ ମୃତ୍ୟୁ।

୧୪ ଜୁନ୍ , ୨୦୨୦। ଠିକ୍ ଆଜିର ଦିନରେ ଶହ ଶହ ଫ୍ୟାନଙ୍କୁ ଅଲବିଦା କହି ଚାଲିଗଲେ ସୁଶାନ୍ତ। ଏଇ ଯେମିତି କାଲିର କଥା ଥିଲା kal ki hi batt hai ଫିଲ୍ମରେ ସୁଶାନ୍ତଙ୍କ ଜବରଦସ୍ତ ଆକଟିଂ ଦେଖି ପ୍ରଶଂସକ ତାଙ୍କୁ ମନେ ହି ପକାଉଥିଲେ। କିନ୍ତୁ ବିଧିର ବିଧାନ ହିଁ ଥିଲା କିଛି ଅଲଗା। ଯିଏ ଦିନେ ଫିକର ନଟର କଥା କହୁଥିଲେ ତାଙ୍କ ସହ ଯେ ଏପରି କିଛି ଘଟିବ ତାକୁ ସହଜରେ ଗ୍ରହଣ କରିପାରୁନଥିଲେ ଫ୍ୟାନ୍। ଆଜି ସେ ଦୁନିଆ ଛାଡ଼ି ଯିବାର ବର୍ଷେ ପୁରିଛି, ହେଲେ ଏବେ ବି ଲକ୍ଷ ଲକ୍ଷ ପ୍ରଂଶସକଙ୍କ ହୃଦୟରେ ସୁଶାନ୍ତ ସତେଜ ଅଛନ୍ତି। ଯେମିତି ତାଙ୍କ ଫିଲ୍ମ ସେମିତି ହିଁ ସେ ସଦାବାହାର।