ଅମ୍ଳଜାନ ସଙ୍କଟ ଦୂର କରିବାକୁ ପ୍ରୟାସ : ୫୦୦ ପ୍ଲାଣ୍ଟ୍ ସ୍ଥାପନ କରିବ DRDO

tନୂଆଦିଲ୍ଲୀ: କରୋନାର ଦ୍ୱିତୀୟ ତରଙ୍ଗରେ ଦେଶ ଏବେ ସଂଘର୍ଷ କରୁଛି। ଅନେକ ଲୋକ ଏଥିରେ ସଂକ୍ରମିତ ହେଉଥିବା ବେଳେ ବହୁ ଲୋକ ମଧ୍ୟ ମୃତ୍ୟୁବରଣ କରୁଛନ୍ତି। ଏହି ସଂଗୀନ କାଳରେ ଦେଶର ଅନେକ ରାଜ୍ୟରେ ଅମ୍ଳଜାନ ସଙ୍କଟ ଦେଖିବାକୁ ମିଳିଛି। ଏହି ସଂଟକୁ ଦୂର କରିବାକ ପାଇଁ ସରକାର ଓ ପ୍ରଶାସନିକ ସ୍ତରରେ ବ୍ୟାପକ ପ୍ରସ୍ତୁତି ଚାଲିଥହିବା ବେଳେ ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) କହିଛି ଯେ ସେ ୫୦୦ ମେଡିକାଲ ଅମ୍ଳଜାନ କାରଖାନା ସ୍ଥାପନ କରିବ। ଏନେଇ ଆର୍ଥିକ ସମ୍ବଳ ପିଏମ କେୟାର ଫଣ୍ଡରୁ ଯୋଗାଇ ଦିଆଯାଇଛି। DRDO ଦ୍ଵାରା LCA, ତେଜସ ରେ ଅନ୍-ବୋର୍ଡ ଅମ୍ଳଜାନ ଉତ୍ପାଦନ ପାଇଁ ବିକଶିତ ହୋଇଥିବା  ଅମ୍ଳଜାନ ପ୍ଲାଣ୍ଟ (MOP) ପ୍ରଯୁକ୍ତିବିଦ୍ୟା ବର୍ତ୍ତମାନ କୋଭିଡ -୧୯ ରୋଗୀଙ୍କ ପାଇଁ ଅମ୍ଳଜାନ ସଙ୍କଟର ମୁକାବିଲା କରିବାରେ ସାହାଯ୍ୟ କରିବ।

ଏହି ଅମ୍ଳଜାନ କାରଖାନା ପ୍ରତି ମିନିଟରେ ହଜାରେ ଲିଟର କ୍ଷମତା ପାଇଁ ନିର୍ମିତ (LPM) | ଏହି ସିଷ୍ଟମ ପାଞ୍ଚଟି LPMର ପ୍ରବାହ ହାରରେ ୧୯୦ ରୋଗୀଙ୍କ ଆବଶ୍ୟକତାକୁ ପୂରଣ କରିପାରିବ ଏବଂ ପ୍ରତିଦିନ ୧୯୫ ସିଲିଣ୍ଡର ଚାର୍ଜ କରିପାରିବ। ଟେକ୍ନୋଲୋଜିକୁ ଟାଟା ଆଡଭାନ୍ସଡ ସିଷ୍ଟମ ଲିମିଟେଡ, ବେଙ୍ଗାଲୁରୁ ଏବଂ ଟ୍ରାଇଡେଣ୍ଟ ନିଉମେଟିକ୍ସ ପ୍ରାଇଭେଟ ଲିମିଟେଡ, କୋଏମ୍ବାଟୁରକୁ ହସ୍ତାନ୍ତର କରାଯାଇଛି। ଉଭୟ ଦେଶର ବିଭିନ୍ନ ଡାକ୍ତରଖାନାରେ ସ୍ଥାପନ ପାଇଁ 380 ପ୍ଲାଣ୍ଟ ଉତ୍ପାଦନ କରିବେ। ସିଏସ୍ଆଇଆର୍ ସମ୍ବନ୍ଧୀୟ ଇଣ୍ଡିଆନ୍ ପେଟ୍ରୋଲିୟମ୍ ଇନଷ୍ଟିଚ୍ୟୁଟ୍ ସହିତ କାର୍ଯ୍ୟ କରୁଥିବା ଶିଳ୍ପଗୁଡିକ, ଦେହରାଡୁନ୍ ୫୦୦ LPM କ୍ଷମତା ବିଶିଷ୍ଟ ୧୨୦ଟି ପ୍ଲାଣ୍ଟ ଉତ୍ପାଦନ କରିବ।

ସମଗ୍ର ଦେଶରେ କରୋନାର ଦ୍ୱିତୀୟ ଲହରୀ ମଧ୍ୟରେ ଅମ୍ଳଜାନ ସଙ୍କଟକୁ ଦୂରକରିବା ପାଇଁ ଭାରତୀୟ ରେଳବାଇ ମଧ୍ୟ ଅତୁଳନୀୟ ଉଦ୍ୟମ କରୁଛି। ରେଳବାଇ ଏପର୍ଯ୍ୟନ୍ତ ଏହାର ସ୍ୱତନ୍ତ୍ର ଟ୍ରେନ୍ ମାଧ୍ୟମରେ ୪୫୦ ଟନ୍ ଅମ୍ଳଜାନ ଯୋଗାଇ ଦେଇଛି। ଭିଷଣ ଅମ୍ଳଜାନ ସଙ୍କଟର ସମ୍ମୁଖୀନ ହୋଇ ଜାତୀୟ ରାଜଧାନୀ ଦିଲ୍ଲୀକୁ ମଧ୍ୟ ମଙ୍ଗଳବାର ୭୦ ଟନ୍ ଅମ୍ଳଜାନ ମିଳିଛି। ଦିଲ୍ଲୀକୁ ଏହି ଅମ୍ଳଜାନ ଜିନ୍ଦଲ ଷ୍ଟିଲ ଏବଂ ପାୱାର ପ୍ଲାଣ୍ଟ ଲିମିଟେଡରୁ ମିଳିଛି।

ରେଳ ମନ୍ତ୍ରଣାଳୟ ଅନୁଯାୟୀ ମହାରାଷ୍ଟ୍ର, ଉତ୍ତରପ୍ରଦେଶ ଓ ଦିଲ୍ଲୀରେ ୪୫୦ ମେଟ୍ରିକ୍ ଟନ୍ ଅମ୍ଳଜାନ ଏପର୍ଯ୍ୟନ୍ତ ଏହି ସ୍ୱତନ୍ତ୍ର ଟ୍ରେନ୍ ମାଧ୍ୟମରେ ପରିବହନ କରାଯାଇଛି। କୁହାଯାଇଛି ଯେ ମଧ୍ୟପ୍ରଦେଶରେ ଅମ୍ଳଜାନ ସଙ୍କଟ ଦୂରକରିବାକୁ ଚେଷ୍ଟା କରୁଥିବା ବୋକାରୋରୁ ଜବଲପୁରକୁ ଆଉ ଏକ ଅମ୍ଳଜାନ ଏକ୍ସପ୍ରେସ ପଠାଯାଉଛି। ଏଥିସହିତ, ୟୁପିରୁ ଆଉ ଏକ ଖାଲି ଟ୍ରେନ୍ ବୋକାରୋରେ ପହଞ୍ଚିଛି, ଯେଉଁଠାରୁ ଅମ୍ଳଜାନ ୟୁପିକୁ ପଠାଯିବ।