କଦଳୀ ଚୋପା ଚର୍ମକୁ ନରମ ରଖିବା ସହ ଆଣେ ଚମକ

ଆପଣ ନିଶ୍ଚୟ ଅନେକବାର କଦଳୀ ଖାଇଥିବେ ଏବଂ କଦଳୀ ଚୋପାକୁ ଡଷ୍ଟବିନରେ ପକେଇଥିବେ। କିନ୍ତୁ ଆପଣ ଜାଣନ୍ତି କି କେବଳ କଦଳୀ ଯେ ସ୍ୱାସ୍ଥ୍ୟ ଏବଂ ସୌନ୍ଦର୍ଯ୍ୟ ବୃଦ୍ଧି ପାଇଁ କାମ କରେ ନାହିଁ, ବରଂ ଏହାର ଚୋପା ମଧ୍ୟ ସୌନ୍ଦର୍ଯ୍ୟ ବୃଦ୍ଧିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ପ୍ରକୃତରେ, କଦଳୀ ଚୋପାରେ କାର୍ବୋହାଇଡ୍ରେଟ୍, ଭିଟାମିନ୍ B6, B12, ପୋଟାସିୟମ୍, ମ୍ୟାଗ୍ନେସିୟମ୍ ପରି ଉପାଦାନ ଅଛି। ଚର୍ମକୁ କୋମଳ ଏବଂ ଚମକାଇବା ସହିତ ଏହା ଚର୍ମରୁ ଦାଗ, ବ୍ରଣ ଏବଂ କଳାଦାଗ ଦୂର କରିବାରେ ମଧ୍ୟ ସାହାଯ୍ୟ କରେ। ତେବେ ଆସନ୍ତୁ ଜାଣିବା ସୌନ୍ଦର୍ଯ୍ୟ ବଢାଇବା ପାଇଁ କଦଳୀ ଚୋପା କିପରି ବ୍ୟବହାର କରାଯାଇପାରିବ।

ଚର୍ମକୁ କୋମଳ ଏବଂ ଚମକାଇବା ପାଇଁ  କଦଳୀ ଚୋପାକୁଅ ଫେସ୍ ପ୍ୟାକ୍ ଭାବେ ବ୍ୟବହାର କରନ୍ତୁ। ଏହାକୁ ପ୍ରସ୍ତୁତ କରିବା ପାଇଁ, ଆପଣ ଦୁଇଟି କଦଳୀ ଚୋପା ନେଇ ମିକ୍ସରରେ ରଖି ଭଲଭାବେ ପେଷ୍ଟ୍‌ ପ୍ରସ୍ତୁତ କରନ୍ତ୍। ଏହି ପେଷ୍ଟ୍‌ରେ ଦୁଇ ଚାମଚ ଅଣ୍ଡାର ଧଳା ଅଂଶ ମିଶାଇବା ସହିତ ଦୁଇ ଚାମଚ ଗୋଲାପ ଜଳ ମିଶାନ୍ତୁ। ବର୍ତ୍ତମାନ ଏସବୁକୁ ଭଲ ଭାବରେ ମିଶାନ୍ତୁ। ତା’ପରେ ଏହାକୁ ମୁହଁ ଓ ବେକରେ ଲଗାନ୍ତୁ ଏବଂ ପନ୍ଦରରୁ କୋଡ଼ିଏ ମିନିଟ୍ ପର୍ଯ୍ୟନ୍ତ ଛାଡି ଦିଅନ୍ତୁ, ତା’ପରେ ଏହାକୁ ମଧୁର ପାଣିରେ ସଫା କରିଦିଅନ୍ତୁ।

ବ୍ରଣ ହଟାଇବା ପାଇଁ, ପ୍ରତିଦିନ ତାଜା କଦଳୀ ଚୋପା ନିଅ। ଏହି ଚୋପାକୁ ଖଣ୍ଡ ଖଣ୍ଡ କରି କାଟିଦିଅ। ତା’ପରେ ହାଲୁକା ଭାବରେ ମୁହଁରେ ମାଲିସ୍ କର। ଏହାକୁ କିଛି ଦିନ ବ୍ୟବହାର କରିବା ପରେ ବ୍ରଣ ଧୀରେ ଧୀରେ ଦୂର ହୋଇଯିବ।

ସେହିପରି ଆଖି ତଳୁ କଳାଦାଗ ହଟେଇବା ପାଇଁ ସତେଜ କଦଳୀ ଚୋପା ନେଇ ଖଣ୍ଡ ଖଣ୍ଡ କରି କାଟିଦିଅ। ତା’ପରେ ସେଗୁଡ଼ିକୁ ତୁମ ଆଖି ତଳେ ଥିବା କଳାଦାଗରେ ରଖି କିଛି ସମୟ ଶୋଇ ରୁହ। ସପ୍ତାହରେ ତିନିଥର ଏହିପରି କର। ଡାର୍କ ସର୍କଲ ଦୂର ହୋଇଯିବ।

ଚର୍ମରେ ଥିବା ବ୍ରଣ ଏବଂ ଅନ୍ୟାନ୍ୟ ଦାଗ ଦୂରକରିବା ପାଇଁ, ଦୁଇଟି ପାଚିଲା କଦଳୀ ଚୋପାକୁ ନିଅ। ଏହାକୁ ଗ୍ରାଇଣ୍ଡରରେ ଭଲ ଭାବେ ପେଷ୍ଟ୍‌ ପ୍ରସ୍ତୁତ କରି ଏଥିରେ ଏକ ଚାମଚ ମହୁ ଏବଂ ଅଧା ଚାମଚ ଲେମ୍ବୁ ରସ ମିଶାଅ। ସବୁକିଛି ଭଲ ଭାବରେ ମିଶାଅ। ତା’ପରେ ଏହାକୁ ମୁହଁ ଏବଂ ବେକରେ ଲଗାଅ। ଏହାକୁ ଶୁଖିବା ପର୍ଯ୍ୟନ୍ତ ଛାଡିଦିଅ। ପରେ ସାଧା ପାଣିରେ ଭଲଭାବେ ଧୋଇ ଦିଅ। ସପ୍ତାହରେ ଦୁଇ ଦିନ ଏହି ପ୍ରକ୍ରିୟା ପୁନରାବୃତ୍ତି କର। ଦେଖିବେ ଆପଣଙ୍କ ମୁହଁରୁ ବ୍ରଣ ଓ ଦାଗ ହଟିଯିବା ସହିତ ମୁହଁ ଚିକ୍‌ଚିକ୍‌ କରିବ।