Greatest Musical Personality: ୩୬ଟି ଭାଷାରେ ଗୀତ ଗାଇଛନ୍ତି, ପିଲାବେଳୁ ଫିଲ୍ମରେ ଅଭିନୟ କରିଥିଲେ ଏହି ମହାନ ଗାୟିକା

ଆଜି ହେଉଛି କୋକିଳ କଣ୍ଠୀ , ସ୍ବର ସାମ୍ରାଜ୍ଞୀ ଲତା ମଙ୍ଗେସକରଙ୍କ ଜନ୍ମବାର୍ଷିକୀ । ଲତା ମଙ୍ଗେସକରଙ୍କ ୨୮ ସେପ୍ଟେମ୍ବର ୧୯୨୯ରେ ମଧ୍ୟପ୍ରଦେଶର ଇନ୍ଦୋର ସହରର ଏକ ମରାଠୀ ପରିବାରରେ ଜନ୍ମ ହୋଇଥିଲା ।

ଲତା ମଙ୍ଗେସକର ଭାରତର 'କୋକିଳ କଣ୍ଠୀ' ନାମରେ ବିଖ୍ୟାତ, ଭାରତୀୟ ସଙ୍ଗୀତଜଗତର ଏକ ଅମର ନକ୍ଷତ୍ର। ପିଲାଦିନରୁ ସଙ୍ଗୀତ ପ୍ରତି ତାଙ୍କର ଅହେତୁକ ଆକର୍ଷଣ ରହିଥିଲା ।

ତାଙ୍କ ବାପା ଦିନାନାଥ ମଙ୍ଗେସକର ଜଣେ ଶାସ୍ତ୍ରୀୟ ସଙ୍ଗୀତ ଗାୟକ ଓ ମଞ୍ଚ କଳାକାର ଥିଲେ। ମାତ୍ର ୫ବର୍ଷ ବୟସରୁ ଲତା ତାଙ୍କ ବାପାଙ୍କ ପାଖରୁ ସଙ୍ଗୀତ ଶିକ୍ଷା କଲେ।

ତାଙ୍କର ପ୍ରକୃତ ନାମ ହେମା ମଙ୍ଗେସକର ଥିଲା। କିନ୍ତୁ ତାଙ୍କ ପିତା ଦୀନାନାଥ ମଙ୍ଗେସକର ପରେ ତାଙ୍କ ନାମ ହେମାରୁ ଲତାକୁ ପରିବର୍ତ୍ତନ କରିଥିଲେ

ବାପାଙ୍କ ମୃତ୍ୟୁ ପରେ ଘର ଚଳାଇବାର ଦାୟିତ୍ବ ଲତାଙ୍କ ଉପରକୁ ଆସିଲା। ସଙ୍ଗୀତକୁ ପେସା କରି ସେ ଆଗକୁ ବଢ଼ିଲେ। କେବଳ ହିନ୍ଦୀ ନୁହେଁ, ୩୬ଟି ଭାଷାରେ ଲତା ଗୀତ ଗାଇଛନ୍ତି।

ଲତା ମଙ୍ଗେସକର ତାଙ୍କ କ୍ୟାରିଅରର ପ୍ରାରମ୍ଭରେ ମଧ୍ୟ ଅଭିନୟ କରିଥିଲେ । ତାଙ୍କର ପ୍ରଥମ ଚଳଚ୍ଚିତ୍ର "ପହେଲି ମଙ୍ଗଳା ଗୌରୀ" ଥିଲା, ଯାହା ୧୯୪୨ ମସିହାରେ ମୁକ୍ତିଲାଭ କରିଥିଲା । ପରବର୍ତ୍ତୀ ସମୟରେ ସେ ମାଜେ ବାଲ୍, ଗଜଭାଉ, ବଡ଼ି ମା, ଚିମୁକଲା ସଂସାର ଏବଂ ମାଣ୍ଡ ଭଳି ଚଳଚ୍ଚିତ୍ରରେ ଅଭିନୟ କରିଥିଲେ ।

ସଙ୍ଗୀତ ଜଗତକୁ ତାଙ୍କର ଅବଦାନ ପାଇଁ ୨୦୦୧ରେ ସେ ସର୍ବୋଚ୍ଚ ବେସାମରିକ ସମ୍ମାନ ‘ଭାରତରତ୍ନ’ରେ ସମ୍ମାନିତ ହୋଇଥିଲେ। ୨୦୨୨ ଫେବୃଆରୀ ୬ରେ ୯୨ ବର୍ଷ ବୟସରେ ଲତା ମଙ୍ଗେସକରଙ୍କ ଦେହାନ୍ତ ହୋଇଥିଲା ।