ପବନ୍ ୱେଡସ୍ କ୍ରିଷ୍ଟନ୍ । ପ୍ରେମ ପାଇଁ ସୀମା ସରହଦ ଡେଇଁଲେ । ଫେସବୁକରୁ ଆରମ୍ଭ ହୋଇଥିଲା ପ୍ରେମ । ଏବେ ଏକାଠି ହେଲେ ପ୍ରେମପକ୍ଷୀ ।
Published By: Prangyan Parimita
Last updated: 30 January 2023, 08:59 AM IST
ଉତ୍ତରପ୍ରଦେଶ ଯୁବକଙ୍କୁ ବାହା ହେବା ପାଇଁ ସାତ ଦରିଆ ଡେଇଁ ଭାରତରେ ପହଞ୍ଚିଛନ୍ତି ସ୍ୱିଡେନ୍ ତରୁଣୀ । ସେ ପହଞ୍ଚିବା ପରେ ଗତ ଶୁକ୍ରବାର ଦିନ ଏଟାରେ ହିନ୍ଦୁ ପ୍ରଥାରେ ଉଭୟଙ୍କର ବିବାହ ସମ୍ପନ୍ନ ହୋଇଛି।
ଏଟାର ପବନଙ୍କ ପ୍ରେମକାହାଣୀ ସତରେ ଖୁବ୍ ଫିଲ୍ମି । ଦୀର୍ଘ ୧୦ ବର୍ଷର ଅପେକ୍ଷା ଏବେ ଶେଷ ହୋଇଛି । ହିନ୍ଦୁ ରୀତିନୀତି ଅନୁଯାୟୀ ଜଣେ ସ୍ୱିଡେନ ଝିଅକୁ ବିବାହ କରିବା ପରେ ଚାରିଆଡ଼େ ଚର୍ଚ୍ଚା ହେଉଛି ।
୨୦୧୨ରେ କ୍ରିଷ୍ଟନ୍ ଫେସ୍ବୁକରେ ପବନ୍ କୁମାରଙ୍କୁ ଭେଟିଥିଲେ । ଡେରାଡୁନରୁ ବି. ଟେକ ପାସ କରିଥିବା ପବନ କୁମାର ଗୋଟାଏ କମ୍ପାନିରେ ଇଞ୍ଜିନିୟର ଭାବେ କାମ କରନ୍ତି ।
ଏହି ବିବାହକୁ ନେଇ ପବନଙ୍କ ପରିବାର ଖୁବ୍ ଖୁସି ଅଛନ୍ତି । ଧୁମଧାମରେ ଉଭୟଙ୍କ ବିବାହ ହୋଇଛି ।
ବରଙ୍କ ପିତା କହିଛନ୍ତି, ପିଲାଙ୍କ ଖୁସିରେ ସେମାନଙ୍କ ଖୁସି । ଏ ବିବାହରେ ଆମେ ସମ୍ପୂର୍ଣ୍ଣ ସମ୍ମତି ବୋଲି ସେ କହିଛନ୍ତି।