ଆଶ୍ଚର୍ଯ୍ୟ! ୫ ବର୍ଷର ଶିଶୁ ଉଡ଼ାଉଛି ବିମାନ; ଭିଡିଓ ଭାଇରାଲ..

୫ ବର୍ଷର ଶିଶୁ ଉଡ଼ାଇଲା ବିମାନ । କଥାଟି ଆଶ୍ଚର୍ଯ୍ୟ ଲାଗୁଥିଲେ ବି ସତ । ସୁରତ ଏୟାରପୋର୍ଟରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଏକ ଟ୍ରେନିଂ ଏୟାରକ୍ରାଫ୍ଟରେ ବସି ଶିଶୁ ଜଣଙ୍କ ଷ୍ଟିଅରିଂ ଧରିଥିବା ଦେଖିବାକୁ ମିଳିଛି । ଏପରକି ପାଇଲଟ ଜଣଙ୍କ ଶିଶୁଟିକୁ କିଛି ଶିଖାଉଥିବା ମଧ୍ୟ ଦେଖିବାକୁ ମିଳିଛି । ପରେ ଫ୍ଲାଇଟଟି ଟେକ୍ ଅପ୍ ବି କରୁଛି । ଯାହା ସୋସିଆଲ ମିଡିଆରେ ଭାଇରାଲ ହୋଇଛି ।

ତେବେ ଭିଡିଓରେ ଥିବା ଶିଶୁଜଣକ ସୁରତ ବିଧାୟକ ବିନୁ ମୋରଡିଆଙ୍କ ନାତି ହୋଇଥିବା କୁହାଯାଉଛି । ଭିଡ଼ିଓଟି ବହୁ ପୁରୁଣା ହୋଇଥିବା ବେଳେ, ନିର୍ବାଚନ ଲାଗି କିଏ ଭାଇରାଲ କରିଥିବା ଅଭିଯୋଗ ହୋଇଛି । ସୁରତ ବିମାନବନ୍ଦ କମିଟି (SAAC) ର ସଭାପତି ସଞ୍ଜୟ ଏଝାୱା ଡାଇରେକ୍ଟୋରେଟ ଜେନେରାଲ ଅଫ୍‌ ସିଭିଲ୍‌ ଆଭିଏସନଙ୍କ ନିକଟରେ ଏନେଇ ଅଭିଯୋଗ କରିଛନ୍ତି ।