ମାସକ ତଳେ ଟମାଟୋ ଥିଲା ମାତ୍ର ୨୦, ଆଉ ଆଜି ସିଧା ସେଞ୍ଚୁରୀ ପାର୍

ମାସକ ତଳେ ଥିଲା ମାତ୍ର ୨୦। ସପ୍ତାହେ ତଳେ ୫୦। ଆଉ ଆଜି ସିଧା ସେଞ୍ଚୁରୀ ପାର୍। ରୋଷେଇ ଶାଳରେ ତରକାରୀ ହାଣ୍ଡିର ସୁଆଦ ବଢ଼ାଉଥିବା ଟମାଟୋ ଏବେ ଅମୂଲ ମୂଲ। ଇଏ ଭଦ୍ରକ ଏକତା ବଜାରର ସ୍ଥିତି, ଏଠି ଭଲ ଟମାଟୋ କିଲୋ ପିଛା ଭାଉ ୧୧୦ ଟଙ୍କା। ତାଠୁ ଟିକେ ଖରାପ ଥିଲେ ୯୦ରୁ ୧୦୦ ଟଙ୍କାରେ ବିକ୍ରି ଚାଲିଛି। ସମ୍ବଲପୁର, ରାୟଗଡ଼ା, ରାଉରକେଲା, କେନ୍ଦ୍ରାପଡ଼ା ହେଉ କି ବ୍ରହ୍ମପୁର ସବୁଠି ଆଜି ଦିନରେ ଉଣା ଅଧିକେ ଟମାଟୋ ରେଟ୍ ୮୦ରୁ ୧୦୦ଟଙ୍କାରେ ବିକ୍ରି ହେଉଛି। ଯେଉଁଠି ଲୋକେ କିଲେ କି ଦୁଇକିଲୋ କିଣି ନେଉଥିଲେ, ଏବେ ଅଢେଇ ଶହରୁ ବି ଅଧିକ କିଣିବାକୁ ଇଚ୍ଛା କରୁନାହାନ୍ତି।