ପାର୍ବଣ ବେଳେ ଅସହ୍ୟ ହେଉଛି ଡିଜେ ସାଉଣ୍ଡ୍; ୧୫ରୁ ଅଧିକ ଅସୁସ୍ଥ

ରାତି ହେଉ କି ଦିନ, ଶୋଭାଯାତ୍ରା ବେଳେ ଅତ୍ୟଧିକ ଶବ୍ଦ କରି ଡିଜେ ବ୍ୟାଣ୍ଡ୍ ବଜାଇବା ବେଆଇନ୍ । ଏଥିପାଇଁ ନିର୍ଦ୍ଦିଷ୍ଟ ନିୟମାବଳି ବି ରହିଛି । ତେବେ ପୂଜା ପାର୍ବଣରେ ଏ ନିୟମକୁ ଫୁ କରି ଲୋକଙ୍କୁ ଅସହ୍ୟ ଶବ୍ଦ ପ୍ରଦୂଷଣ ଭିତରକୁ ଠେଲି ନେଉଛନ୍ତି କିଛି ଆୟୋଜକ ଓ ଉଶୃଙ୍ଖଳିତ ଯୁବକ । ତେବେ ଡିଜେ ସାଉଣ୍ଡ ସହିନପାରି ନିକଟରେ କେନ୍ଦ୍ରାପଡ଼ା ପାଟୁକୁରା ଅଞ୍ଚଳରେ ଏକାଧିକ ଲୋକ ଅସୁସ୍ଥ ହୋଇପଡ଼ିଥିବା ନେଇ ଥାନାରେ ଏତଲା ଏବଂ ଖୋର୍ଦ୍ଧାରେ ପୋଲିସ ସହ ଗଣ୍ଡଗୋଳ ଘଟଣା ପରେ ଏ ପ୍ରସଙ୍ଗ ପୁଣି ଚର୍ଚ୍ଚାକୁ ଆସିଛି ।