Career Tips: ଆପଣ ଦ୍ୱାଦଶ ପରେ କ’ଣ କରିବେ ଚିନ୍ତାରେ ଅଛନ୍ତି କି; ଏହି ୫ କ୍ଷେତ୍ର ଦେବ ଭଲ ରୋଜଗାର

ଦ୍ୱାଦଶ ପାଶ୍ ପିଲାମାନଙ୍କ ପାଇଁ କଲେଜରେ ଅନେକ ବିକଳ୍ପ ରହିଛି। ଚଳିତ ବର୍ଷ ଲକ୍ଷ ଲକ୍ଷ ଛାତ୍ରଛାତ୍ରୀ CUET UG ପରୀକ୍ଷା ଦେଇ ବିଭିନ୍ନ କଲେଜରେ ଆଡ୍‌ମିଶନ ପାଇଁ ଆବେଦନ କରିବେ। ବହୁ ସଂଖ୍ୟାରେ ଦ୍ୱାଦଶ ପାଶ୍ ଛାତ୍ର NEET UG ଏବଂ JEE ପରୀକ୍ଷା ମଧ୍ୟ ଦେଇଛନ୍ତି। ଏସବୁ ମଧ୍ୟରେ, ଲକ୍ଷ ଲକ୍ଷ ଛାତ୍ର ମଧ୍ୟ ଅଛନ୍ତି ଯେଉଁମାନେ ମେଡିକାଲ୍‌ କିମ୍ବା ଇଞ୍ଜିନିୟରିଂ ପାଠ୍ୟକ୍ରମରେ ଆଡ୍‌ମିଶନ୍‌ କରିବାକୁ ଚାହୁଁନାହାଁନ୍ତି କିନ୍ତୁ ଅଫ୍ କ୍ୟାରିୟର ବିକଳ୍ପରେ ସେମାନଙ୍କ ଭବିଷ୍ୟତ କରିବାକୁ ଚାହୁଁଛନ୍ତି।

ଅଧିକ ପଢ଼ନ୍ତୁ: Career Tips: ବାରମ୍ବାର ଚେଷ୍ଟା ପରେ ମିଳୁନି ସରକାରୀ ଚାକିରି... ଏହି ୬ଟି ଉପାୟ ମାନନ୍ତୁ, ସଫଳତା ହାତ ମୁଠାରେ

ଗ୍ରାଜୁଏସନ୍ ସ୍ତରରେ ଅନେକ ପାଠ୍ୟକ୍ରମ ଅଛି ଯେଉଁଥିରେ ଛାତ୍ରମାନଙ୍କୁ ଆଡ୍‌ମିଶନ ନେବାକୁ କୌଣସି ଷ୍ଟ୍ରିମ୍‌ର ଆବଶ୍ୟକତା ନାହିଁ। ଏହି ପାଠ୍ୟକ୍ରମଗୁଡ଼ିକରେ, ଜଣେ ଛାତ୍ର ଯିଏ କୌଣସି ଷ୍ଟ୍ରିମ୍‌ରୁ ଦ୍ୱାଦଶ ପାଶ୍ କରିଛନ୍ତି, ସେ କଳା ହେଉ କି ବିଜ୍ଞାନ କିମ୍ବା ବାଣିଜ୍ୟ, ସହଜରେ ଆଡମିଶନ ନେଇପାରିବେ। ଏଥିମଧ୍ୟରୁ କେତେକଙ୍କ ପାଇଁ କଲେଜ କିମ୍ବା ବିଶ୍ୱବିଦ୍ୟାଳୟ ସ୍ତରରେ ଏକ ପ୍ରବେଶିକା ପରୀକ୍ଷା ଥିବାବେଳେ କେତେକରେ ଦ୍ୱାଦଶ ଫଳାଫଳ ଆଧାରରେ ଆଡ୍‌ମିଶନ କରାଯାଇଥାଏ। ତେବେ ଦ୍ୱାଦଶ ପରେ ଉଚ୍ଚଶିକ୍ଷା ପାଇଁ ଆପଣ କେଉଁ ପାଠ୍ୟକ୍ରମରେ ଆଡ୍‌ମିଶନ ନେଇପାରିବେ ଜାଣନ୍ତୁ।

ଦ୍ୱାଦଶ ପରେ ଅନେକ କ୍ୟାରିୟର ବିକଳ୍ପ ଅଛି। ଯଦି ଛାତ୍ରମାନେ ଚାହାଁନ୍ତି, ସେମାନେ MBBS, B.Tech, BBA, BA, B.Com, B.Sc. ପରି ଟ୍ରାଡିସନାଲ୍ କ୍ୟାରିୟର ବିକଳ୍ପ ବଦଳରେ ଟ୍ରେଣ୍ଡିଂ ପାଠ୍ୟକ୍ରମରେ ନାମ ଲେଖାଇ ପାରିବେ। ଆଜିକାଲି, AI ଅର୍ଥାତ୍ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଏବଂ ML ବା ମେସିନ୍ ଲର୍ନିଂ ପାଇଁ ବହୁତ ଚାହିଦା ଅଛି। ଯଦି ଆପଣ ଚାହାଁନ୍ତି, ଆପଣ ସଂପୃକ୍ତ ପାଠ୍ୟକ୍ରମରେ ଡିଗ୍ରୀ କିମ୍ବା ସାର୍ଟିଫିକେଟ୍ ହାସଲ କରି ଏଥିରେ କ୍ୟାରିୟର କରିପାରିବେ। ତେବେ ଆସନ୍ତୁ ଏମିତି ୫ ଟି ପାଠ୍ୟକ୍ରମ ବିଷୟରେ ଜାଣିବା ଯେଉଁଥିରେ ଆଡମିଶନ ନେବା ପାଇଁ କୌଣସି ନିର୍ଦ୍ଦିଷ୍ଟ ଷ୍ଟ୍ରିମ୍‌ର ଆବଶ୍ୟକତା ନାହିଁ।

ଡିଜିଟାଲ ମାର୍କେଟିଂ:

ଡିଜିଟାଲ ମାର୍କେଟିଂ କ୍ଷେତ୍ର ଅତି ଦ୍ରୁତ ଗତିରେ ଆଗେଉ ଚାଲିଛି। ଆଗାମୀ କିଛି ବର୍ଷ ମଧ୍ୟରେ ମଧ୍ୟ ଏହା ହ୍ରାସ ହେବାର କୌଣସି ସମ୍ଭାବନା ନାହିଁ। ଆଜିକାଲି, ଯେତେବେଳେ ଚାକିରୀ ବଜାରକୁ ନେଇ ସନ୍ଦେହ ଥାଏ, ସେତେବେଳେ ଡିଜିଟାଲ ମାର୍କେଟିଂରେ ଚାକିରିର ଅଭାବ ନାହିଁ। ଯଦି କ୍ୟାରିୟରରେ ଅଭିବୃଦ୍ଧି ହାସଲ କରିବାକୁ କିମ୍ବା ବ୍ୟବସାୟ କ୍ଷେତ୍ରରେ ଆଗକୁ ବଢିବାକୁ ଚାହୁଁଛନ୍ତି, ତେବେ ଦ୍ୱାଦଶ ପରେ ଡିଜିଟାଲ ମାର୍କେଟିଂ ସହିତ ଜଡିତ ଏକ ପାଠ୍ୟକ୍ରମ କରିବା ଜରୁରୀ।

ଅଧିକ ପଢ଼ନ୍ତୁ: Career Tips: ଆପଣ ଚାକିରି ହରାଇ ଚିନ୍ତାରେ ଅଛନ୍ତି କି… ଏହି ୫ଟି ଦିଗ ପ୍ରତି ଦୃଷ୍ଟି ଦିଅନ୍ତୁ, ସାଙ୍ଗେ ସାଙ୍ଗେ ମିଳିଯିବ ନୂଆ କାମ

ଚଳଚ୍ଚିତ୍ର ଏବଂ ଟେଲିଭିଜନରେ ଡିପ୍ଲୋମା:

ଯଦି ଆପଣ ସୃଜନଶୀଳ ଏବଂ ଚଳଚ୍ଚିତ୍ର ଏବଂ ଟେଲିଭିଜନ କ୍ଷେତ୍ରରେ କିଛି କରିବାକୁ ଚାହୁଁଛନ୍ତି, ତେବେ ଆପଣ ଏହି କ୍ଷେତ୍ର ସହିତ ଜଡିତ ଏକ ଡିପ୍ଲୋମା, ଡିଗ୍ରୀ କିମ୍ବା ସାର୍ଟିଫିକେଟ୍ ପାଠ୍ୟକ୍ରମ କରିପାରିବେ। ଏହି କ୍ଷେତ୍ରରେ ଭଲ ରୋଜଗାରର ସୁଯୋଗ ଅଛି। ଯଦି ଆପଣଙ୍କର ପ୍ରତିଭା ଅଛି ଏବଂ କଠିନ ପରିଶ୍ରମ କରିବାକୁ ଭୟ କରୁନାହାଁନ୍ତି, ତେବେ ଆପଣ ଏହି କ୍ଷେତ୍ରରେ କ୍ୟାରିୟର କରିପାରିବେ। ଏହା ପରେ ଆପଣ ମନୋରଂଜନ ଦୁନିଆରେ କାମ କରି ଢେର୍ ରୋଜଗାର କରିପାରିବେ।

ଆର୍କିଟେକ୍ଚର୍:

ଯଦି ଆପଣ ଜଣେ ବିଜ୍ଞାନର ଛାତ୍ର, ଗଣିତ ପ୍ରତି ଆଗ୍ରହୀ କିନ୍ତୁ ବି.ଟେକ୍ କରିବାକୁ ଚାହୁଁନାହାଁନ୍ତି, ତେବେ ଆପଣ ବ୍ୟାଚେଲର୍ ଅଫ୍ ଆର୍କିଟେକଚର (B.Arch) ପାଠ୍ୟକ୍ରମରେ ଆଡ୍‌ମିଶନ୍‌ କରିପାରିବେ। ଏହି ପାଠ୍ୟକ୍ରମରେ, ଛାତ୍ରମାନଙ୍କୁ ବିଶ୍ୱର ବିଭିନ୍ନ ସ୍ଥାନର ସ୍ଥାପତ୍ୟ ଡିଜାଇନ୍ ଏବଂ ସେ ସମ୍ବନ୍ଧୀୟ କୌଶଳ ଉପରେ ଶିକ୍ଷା ଦିଆଯାଏ। ଏହି କୌଶଳଗୁଡ଼ିକରେ ଗ୍ରାଫିକ୍ସ, 3D ମଡେଲ ଏବଂ ଡେକୋରେସନ୍ ଦକ୍ଷତା ଅନ୍ତର୍ଭୁକ୍ତ। ଯଦି ଆପଣ ଗଣିତରେ ଦୁର୍ବଳ କିନ୍ତୁ ବହୁତ ସୃଜନଶୀଳ ତେବେ ଆପଣ ଜଣେ ଇଣ୍ଟେରିୟର୍ ଡାଏରେକ୍ଟର ଭାବରେ କ୍ୟାରିଅର୍ କରିପାରିବେ।

ଟ୍ରାଭେଲ୍, ଟୁରିଜିମ୍ ଏବଂ ହୋଟେଲ ମ୍ୟାନେଜ୍‌ମେଣ୍ଟ୍:

ଟ୍ରାଭେଲ୍, ଟୁରିଜିମ୍ ଏବଂ ହୋଟେଲ ମ୍ୟାନେଜ୍‌ମେଣ୍ଟ୍ ଏବଂ ହସ୍‌ପିଟାଲିଟି କ୍ଷେତ୍ରରେ ସବୁବେଳେ ଚାକିରି ଥାଏ। କୋଭିଡ୍ ପରଠାରୁ ଏଥିରେ କ୍ରମାଗତ ଅଭିବୃଦ୍ଧି ଦେଖାଯାଉଛି। ହୋଟେଲ ଏବଂ ପର୍ଯ୍ୟଟନ ଶିଳ୍ପ ସହିତ ଜଡିତ ଆଧୁନିକ ହୋଟେଲ ପରିଚାଳନା ଏବଂ ସେବା ପରିଚାଳନା କୌଶଳ ଶିଖିବା ଦ୍ୱାରା ଆପଣ ହୋଟେଲ, ରିସର୍ଟ କିମ୍ବା ରେଷ୍ଟୁରାଣ୍ଟରେ ମ୍ୟାନେଜର, ଅଫିସ୍ ମ୍ୟାନେଜର, ପ୍ଲାନର୍ ଭାବରେ କାର୍ଯ୍ୟ କରିପାରିବେ। ଯଦି ଆପଣ ଚାହାଁନ୍ତି, ଆପଣ ନିଜେ ମଧ୍ୟ କିଛି କରିପାରିବେ।

ଇନ୍‌ଫ୍ଲ୍ୟୁଏନ୍ସର୍‌:

ଏହା ହେଉଛି ସୋସିଆଲ ମିଡିଆର ଯୁଗ। ଏଥିରେ  ଇନ୍‌ଫ୍ଲ୍ୟୁଏନ୍ସର୍‌ମାନଙ୍କ ଆଦିପତ୍ୟ ଅଧିକ। ଏମାନେ ବିଭିନ୍ନ ବ୍ରାଣ୍ଡ୍‌ ପାଇଁ ବିଜ୍ଞାପନ, ଭିଡିଓ, କଣ୍ଟେଣ୍ଟ୍ ସୃଷ୍ଟି କରନ୍ତି। ଏହାକୁ ଶେୟାର କରି ସେମାନେ ବ୍ରାଣ୍ଡ୍‌ରୁ ଟଙ୍କା ପାଆନ୍ତି। ଏଥି ସହିତ, କିଛି ସୋସିଆଲ୍ ମିଡିଆ ସାଇଟ୍ ଏବଂ ଷ୍ଟ୍ରିମିଂ ପ୍ଲାଟ୍‌ଫର୍ମ ମଧ୍ୟ ଭିୟୁଜ୍ ଆଧାରରେ ଟଙ୍କା କ୍ରେଡିଟ୍ କରନ୍ତି। ଯଦି ଆପଣ ଚାହାଁନ୍ତି, ସାମ୍ବାଦିକତା କିମ୍ବା ସୋସିଆଲ ମିଡିଆ ପରିଚାଳନା କ୍ଷେତ୍ରରେ ମଧ୍ୟ କ୍ୟାରିୟର କରିପାରିବେ। ଅନେକ କମ୍ପାନୀ ସେମାନଙ୍କର ବ୍ରାଣ୍ଡ୍‌ ପୃଷ୍ଠା ପରିଚାଳନା ପାଇଁ ଏକ ସୋସିଆଲ୍ ମିଡିଆ ମ୍ୟାନେଜର ନିଯୁକ୍ତ କରନ୍ତି।