ଯଦି ଆପଣଙ୍କୁ ଲାଗୁଛି ଯେ ଆପଣ ନିଜ ପିଲାର ଭାବନା କିମ୍ବା ଚିନ୍ତାଧାରା କିମ୍ବା ଆବେଗକୁ ବୁଝି ପାରୁ ନାହାନ୍ତି, ତେବେ ଏହା ଆପଣ ଏବଂ ପିଲାଙ୍କ ମଧ୍ୟରେ ଥିବା ଇମୋସନାଲ୍ ଗ୍ୟାପ୍ ହୋଇପାରେ। ଏହି ଦୂରତା ହ୍ରାସ କରିବାର ସର୍ବୋତ୍ତମ ଉପାୟ ହେଉଛି ପିଲାଙ୍କ ସହ ବହୁତ କଥାବାର୍ତ୍ତା କରିବା ଏବଂ ତାଙ୍କୁ ଏମିତି କିଛି ପ୍ରଶ୍ନ ପଚାରିବା ଯାହା ତାଙ୍କ ମନର କଥାକୁ ଜଣାଇବାରେ ସାହାଯ୍ୟ କରିବ।
ଏମିତି କିଛି ପ୍ରଶ୍ନ ଅଛି ଯାହା ସେମାନଙ୍କୁ ସୁଯୋଗ ଦେବ ସେମାନଙ୍କର ଭାବନାକୁ ଶେୟାର କରିବାରେ ଏବଂ ନିଜ ଭିତରେ ଚାପି ହୋଇଥିବା କଥାଗୁଡିକୁ ପ୍ରକାଶ କରିବାରେ। ତେବେ ଆସନ୍ତୁ ଜାଣିବା ପ୍ରତ୍ୟେକ ବାପାମାଆ ନିଜ ପିଲାଙ୍କୁ କେଉଁ ପ୍ରଶ୍ନ ପଚାରିବା ଆବଶ୍ୟକ।
Also Read
ଯଦି ଆପଣ ମଧ୍ୟ ଏ ପର୍ଯ୍ୟନ୍ତ ଆପଣଙ୍କର ପିଲାମାନଙ୍କୁ ଏହି ପ୍ରଶ୍ନ ପଚାରି ନାହାଁନ୍ତି, ତେବେ ଆଉ ସମୟ ନଷ୍ଟ କରନ୍ତୁ ନାହିଁ। ଯଦି ବିଳମ୍ବ କରିବେ ତେବେ “ନେଡି ଗୁଡ କହୁଣୀକୁ ବୋହିଯିବ।” ଆପଣଙ୍କୁ ଅନୁତାପ କରିବାକୁ ପଡିବ।
ଅଧିକ ପଢ଼ନ୍ତୁ: ଆପଣଙ୍କ ପିଲା ସଂପର୍କୀୟଙ୍କ ସହ ମିଶିବାକୁ ପସନ୍ଦ କରୁ ନାହାନ୍ତି କି… ଜାଣନ୍ତୁ ଏହାର କାରଣ କ’ଣ
ପିଲାଙ୍କୁ ପଚାରନ୍ତୁ ଏଇ ୭ ପ୍ରଶ୍ନ:
- ପ୍ରତ୍ୟେକ ପିତାମାତା ନିଜ ପିଲାଙ୍କୁ କିଛି କଥା ବ୍ୟକ୍ତିଗତ ଭାବରେ ପଚାରିବା ଉଚିତ୍ – “ତୁମେ କେଉଁ ବିଷୟରେ ଅଧିକ ଭାବ?” ଏହିପରି ପ୍ରଶ୍ନ ପିଲାକୁ ଚିନ୍ତା କରିବାକୁ ବାଧ୍ୟ କରିବ ଏବଂ ଆପଣ ତାଙ୍କର ଅନ୍ତର୍ନିହିତ ଚିନ୍ତାଧାରା କିମ୍ବା ସମସ୍ୟାକୁ ଖୁବ ଭଲ ଭାବେ ବୁଝିବାକୁ ସମର୍ଥ ହେବେ।
- ଯଦି ଆପଣ ନିଜ ପିଲାକୁ ପଚାରିବେ ଯେ – “ତୁମକୁ କ’ଣ କରିବାକୁ ସବୁଠାରୁ ଭଲ ଲାଗେ ଏବଂ ତୁମକୁ ଖୁସି ଦିଏ”, ତେବେ ଏହି ପ୍ରଶ୍ନ ତାଙ୍କୁ ନିଜ ବିଷୟରେ କହିବାକୁ ଏକ ସୁଯୋଗ ଦେବ। ଏହି ଉପାୟରେ ସେ ନିଜର ଇଚ୍ଛାକୁ ପ୍ରକାଶ କରିବାକୁ ସକ୍ଷମ ହେବେ।
- ପିଲାଙ୍କୁ ଏହା ପଚାରିବା ଉଚିତ – “ଯେତେବେଳେ ମୁଁ ତୁମ ସହିତ ଥାଏ ତୁମେ ଅଧିକାଂଶ ସମୟ କିପରି ଅନୁଭବ କର?” ଏହି ଉପାୟରେ ଆପଣଙ୍କ ମଧ୍ୟରେ ପିଲାର ସମ୍ପର୍କକୁ ସେମାନଙ୍କ ଦୃଷ୍ଟିକୋଣରୁ ବୁଝିବାରେ ସକ୍ଷମ ହେବେ।
- ଯେତେବେଳେ ପିଲାମାନେ ବଡ ହୁଅନ୍ତି ଏବଂ ପ୍ରାୟତଃ କୌଣସି ଚିନ୍ତାରେ ହଜିଯାଆନ୍ତି, ତେବେ ଆପଣ ସେମାନଙ୍କୁ ଏହା ପଚାରିବା ଉଚିତ୍ – “ଦୁନିଆରେ ଏମିତି କିଛି ଅଛି କି ବା କେହି ବ୍ୟକ୍ତି ଅଛି କି ଯାହା ବିଷୟରେ ତୁମେ ଜାଣିବାକୁ ଚାହୁଁଛ”। ଯଦି ଏହିପରି କିଛି ପ୍ରଶ୍ନ ସେମାନଙ୍କ ମଧ୍ୟରେ ଆନ୍ଦୋଳିତ ହେଉଥାଏ ତେବେ ସେମାନେ ସହଜରେ ଆପଣଙ୍କୁ କହିଦେବେ।
- ଯଦି ଆପଣ ସେମାନଙ୍କୁ ଏହା ପଚାରିବେ – “ତୁମ ପରିବାର ସହିତ ତୁମର ସବୁଠାରୁ ବଡ ସ୍ମୃତି କ’ଣ?” ତେବେ ସେମାନେ ପରିବାର ସହିତ ବିତାଇଥିବା କିଛି ଭଲ ସ୍ମୃତିକୁ ମନେପକାଇବେ ଏବଂ ଆପଣ ମଧ୍ୟ ବୁଝିଯିବେ ଯେ ସେ ନିଜ ପରିବାର ସହିର କିପରି ଆଉ କେତେବେଳେ ରହିବାକୁ ଭଲ ପାଏ।
ଅଧିକ ପଢ଼ନ୍ତୁ: ଆପଣଙ୍କ ପିଲା ଟିକେ ଟିକେ କଥାରେ କାନ୍ଦିପକାଉଛି କି; ପିଲାଙ୍କୁ ଦୃଢ କରିବାକୁ ୫ଟି ଟିପ୍ସ
- ଆଜିର ଜୀବନଶୈଳୀ କାରଣରୁ ପିଲାମାନଙ୍କ ଜୀବନରେ ଚାପ ବସା ବାନ୍ଧିବାରେ ଲାଗିଛି। ଏହା ସେମାନଙ୍କ ବ୍ୟକ୍ତିତ୍ୱ ଆଉ ବିକାଶାରେ ବାଧା ସୃଷ୍ଟି କରୁଛି। ବଡଲୋକମାନେ ହୁଏତ ଏହାକୁ ପରିଚାଳନା କରିପାରିବେ କିନ୍ତୁ ପିଲାମାନେ ପ୍ରାୟତଃ ଏହି ସମସ୍ୟାଗୁଡ଼ିକରେ ଜଡିତ ହୋଇଯାଆନ୍ତି, ଯାହାର ପରିଣାମ ବିପଜ୍ଜନକ ହୋଇପାରେ। ତେଣୁ, ସେମାନଙ୍କୁ ପ୍ରାୟତଃ ପଚାରନ୍ତୁ – “ଏମିତି କିଛି ଅଛି କି ଯାହା ପାଇଁ ତୁମେ ଚାପଗ୍ରସ୍ତ କିମ୍ବା ଚିନ୍ତିତ”।
- ଆଜିର ଐକ୍ୟ ପରିବାର ଯୋଗୁଁ ଅନେକ ସମୟରେ ପିଲାମାନେ ଏକାକୀ ଅନୁଭବ କରନ୍ତି ଏବଂ ସେମାନଙ୍କ ବାପାମାଆଙ୍କ ସହିତ କିଛି ଗୁଣାତ୍ମକ ସମୟ ବିତାଇବାକୁ ଚାହାଁନ୍ତି। ଏପରି ପରିସ୍ଥିତିରେ, କିଛି ନୂଆ ଜିନିଷ ଶିଖିବାରେ ଏକ ଉତ୍ତମ ସୁଯୋଗ ଦେଇଥାଏ। ତେଣୁ, ସେମାନଙ୍କୁ ଥରେ ପଚାରିବା ଉଚିତ – “ତୁମେ ମୋ ଠାରୁ କିଛି ଶିଖିବାକୁ ଚାହୁଁଛ କି?”