ବାପାମାଆ ହେବା ଜୀବନର ଅନନ୍ୟ ଅନୁଭୂତି ମଧ୍ୟରୁ ଗୋଟିଏ, କିନ୍ତୁ ଏହା ମଧ୍ୟ ଚ୍ୟାଲେଞ୍ଜ ହୋଇପାରେ, ଯେତେବେଳେ ବିବାଦ ଉପୁଜେ। ମତଭେଦ ହେବା ସ୍ୱାଭାବିକ କଥା, କିନ୍ତୁ ବାପାମାଆଙ୍କ ସହ ପିଲାର ସମ୍ପର୍କ ସବୁଠାରୁ ନିଆରା। ପିଲା ପାଳିବା ସବୁଠାରୁ ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟ। ପିଲାମାନଙ୍କୁ ଭଲ ଓ ଖରାପ ଜଣେଇବା, ଅନ୍ୟମାନଙ୍କୁ ସମ୍ମାନ ଦେବାର ଅର୍ଥ କ’ଣ ଶିଖାଇବା ନେଇ ବାପାମାଆଙ୍କର ଗୁରୁ ଦାୟିତ୍ୱ ରହିଥାଏ।
ପିଲାମାନଙ୍କୁ ଉଚିତ ଜ୍ଞାନ ଓ ଆଦର୍ଶ ବିଷୟ ସଚେତନ କରିବା ନେଳେ ହୁଏତ ପ୍ରତିରୋଧର ଶିକାର ହେବାକୁ ପଡିପାରେ। ଭୁଲ ବୁଝାମଣା ଓ ମତଭେଦ ଉଭୟ ବପାମାଆ ଏବଂ ପିଲାମାନଙ୍କ ଉପରେ ଏକ ଭାବପ୍ରବଣତା ଆଣିପାରେ। ତେବେ ଏହି ଦ୍ୱନ୍ଦ୍ୱଗୁଡିକର ମୂଳ କାରଣ ବୁଝିବା ଏବଂ ପ୍ରଭାବଶାଳୀ କୌଶଳ ପ୍ରୟୋଗ କରିବା କଠିନ ସମୟ ଦେଇ ଯିବାରେ ସାହାଯ୍ୟ କରିଥାଏ ଏବଂ ବାପାମାଆ-ପିଲାର ସମ୍ପର୍କକୁ ଦୃଢ କରିଥାଏ।
Also Read
ପିଲାଙ୍କୁ ବୁଝିବା:
ପ୍ରତ୍ୟେକ ବୟସ ଏହାର ଅନନ୍ୟ ଆହ୍ୱାନ ସହିତ ଆସିଥାଏ। ଏକ ଛୋଟ ପିଲା ଅବାଧ ହୋଇପାରେ, ଏକ ସ୍କୁଲ ବୟସର ପିଲା ସ୍ୱାଧୀନତା ଓ ଜଣେ କିଶୋର ଅବସ୍ଥା ଅନେକ ସମୟରେ ଦ୍ୱନ୍ଦ୍ୱ ସୃଷ୍ଟି କରିପାରେ। ବିକାଶ ପର୍ଯ୍ୟାୟ ଜାଣିବା ଏବଂ ସେହି ବୟସ ସହିତ ଜଡିତ ଆଚରଣକୁ ବୁଝିବା ଜରୁରୀ। ଏହା ପିଲାମାନଙ୍କ ସହିତ ଯୋଗାଯୋଗ କରିବାରେ ସହଜ ହୋଇଥାଏ।
ପିଲାଙ୍କୁ ଶୁଣିବା:
ବେଳେବେଳେ, ଭୁଲ ବୁଝାମଣାରୁ ଦ୍ୱନ୍ଦ ସୃଷ୍ଟି ହୁଏ କାରଣ ବାପାମାଆମାନେ ନିଜ ପିଲାମାନଙ୍କୁ ଧ୍ୟାନର ସହ ଶୁଣିବା ପାଇଁ ସମୟ ନିଅନ୍ତି ନାହିଁ, କାରଣ ସେମାନେ ଶୁଣିବାକୁ ଚାହାଁନ୍ତି ନାହିଁ ବରଂ ସେମାନେ ନିଜ କାମ ଏବଂ ଅନ୍ୟାନ୍ୟ ଦାୟିତ୍ୱରେ ବ୍ୟସ୍ତ ରୁହନ୍ତି। ଏହାର ପ୍ରଭାବ ପିଲାଙ୍କ ଉପରେ ପଡେ। ଏହା ସେମାନଙ୍କ ଉପରେ ଅବହେଳାର ଭାବନା ସୃଷ୍ଟି କରେ। ତେଣୁ ସେମାନେ ମଧ୍ୟ ପରେ ବାପାମାଆଙ୍କ କଥା ଶୁଣନ୍ତି ନାହିଁ। ତେଣୁ ପିଲାଙ୍କ ପାଇଁ ସମୟ ଦେବା ଜରୁରୀ।
କ’ଣ ଶୁଣିବେ:
ତେବେ ପିଲାଙ୍କ ପ୍ରତ୍ୟେକ କଥା ଶୁଣିବା ଜରୁରୀ ନୁହେଁ। ବେଳେବେଳେ ଛୋଟ ଛୋଟ ସମସ୍ୟାକୁ ସ୍ଲାଇଡ୍ କରିବାକୁ ପଡେ। ତେଣୁ ଏହା ଗୁରୁତ୍ୱପୂର୍ଣ୍ଣ କି ନୁହେଁ ତାହା ବିଚାର କରିବା ଜରୁରୀ।
ରାଗନ୍ତୁ ନାହିଁ:
ପିଲାମାନେ ପ୍ରତ୍ୟେକ କଥାକୁ ଗ୍ରହଣ କରି ନିଅନ୍ତି। ଯଦି ସେମାନେ କ୍ରୋଧ କିମ୍ବା ଅସଙ୍ଗତି ଅନୁଭବ କରନ୍ତି, ତେବେ ଏହା ଦ୍ୱନ୍ଦ୍ୱକୁ ଆହୁରି ବଢେଇପାରେ। ତେଣୁ ସେମାନଙ୍କୁ କ୍ରୋଧ ଅନୁଭବ କରିବାକୁ ଦିଅନ୍ତୁ ନାହିଁ। ସେମାନଙ୍କ ସାମ୍ନାରେ ରାଗନ୍ତୁ ନାହିଁ।
ନିଷ୍ପତ୍ତି ସୁଯୋଗ:
ଛୋଟ ପିଲାମାନେ, ଯେତେବେଳେ ସେମାନେ ନିଜେ ନିଷ୍ପତ୍ତି ନେଇପାରନ୍ତି ସେତେବେଳେ ସେମାନେ ସଶକ୍ତ ଅନୁଭବ କରନ୍ତି। ତେଣୁ ସେମାନଙ୍କ କିଛି ପସନ୍ଦଙ୍କୁ ଧ୍ୟାନ ଦେବା ଜରୁରୀ। ଭବିଷ୍ୟତରେ ଏହା ସେମାନଙ୍କ ନିଷ୍ପତ୍ତି ନେବାର କୌଶଳକୁ ବୃଦ୍ଧି କରିବ।