ଅଶାନ୍ତ ମଧ୍ୟପ୍ରାଚ୍ୟ; ଅଶୋଧିତ ତୈଳ ଦରରେ ନିଆଁ, ବଢିଲା ଚିନ୍ତା

ଇସ୍ରାଏଲ ଏବଂ ଇରାନ ମଧ୍ୟରେ ତିକ୍ତତା ଲାଗିରହିଛି। ଯାହାକୁ ନେଇ ବିଶ୍ୱରେ ଚିନ୍ତା ବଢିବାରେ ଲାଗିଛି । ଇରାନ ପ୍ରାୟ ୧୮୦ଟି କ୍ଷେପଣାସ୍ତ୍ର ନିକ୍ଷେପ କରି ଇସ୍ରାଏଲ ଉପରେ ଏକ ବିରାଟ ଆକ୍ରମଣ କରିଛି। ଯାହାପରେ ଯୁଦ୍ଧର ଆଶଙ୍କା ଆହୁରି ବଢିଯାଇଛି। ପ୍ରତିଶୋଧ ପରାୟଣ ଆକ୍ରମଣ ପାଇଁ ଇସ୍ରାଏଲ୍ ସେନା ମଧ୍ୟ ସମ୍ପୂର୍ଣ୍ଣ ପ୍ରସ୍ତୁତ ବୋଲି ଚେତାଇ ଦେଇଛି। ଦୁଇ ଦେଶ ମଧ୍ୟରେ ବଢୁଥିବା ତିକ୍ତତାର ପ୍ରଭାବ ସିଧାସଳଖ ଅଶୋଧିତ ତୈଳ ମୂଲ୍ୟ ଉପରେ ପଡିଛି। ଯାହ ଫଳରେ ତେଲ ବଜାରରେ ନିଆଁ ଲାଗିଛି। ଗୋଟିଏ ଷ୍ଟ୍ରୋକରେ ଅଶୋଧିତ ତୈଳ ଦର ୫ ପ୍ରତିଶତ ବୃଦ୍ଧି ପାଇଛି।

ଯୁଦ୍ଧ ଘନେଇ ଥିବାରୁ ଏହା ବିଶ୍ୱର ତୈଳ ବଜାରରୁ କ୍ଷତିଗସ୍ତ କରିବ ବୋଲି ଆଶଙ୍କା କରାଯାଉଛି । ତୈଳ ଯୋଗାଣକାରୀ ଦେଶ ସମୂହ ଓପିଇସିର ସକ୍ରିୟ ସଦସ୍ୟ ଇରାନ ଏବେ ଯୁଦ୍ଧମୁଖା ହୋଇଥିବାରୁ ଏହା ତେଲ ଯୋଗାଣକୁ ପ୍ରଭାବିତ କରିବ ବୋଲି ବିଶେଷଜ୍ଞ ଆଶଙ୍କା କରୁଛନ୍ତି । ଅଶୋଧିତ ତୈଳ ଯୋଗାଣ କ୍ଷେତ୍ରରେ ଏହା ପ୍ରମୁଖ ଭୂମିକା ଗ୍ରହଣ କରିଥାଏ। ମାତ୍ର ଏହି ଆକ୍ରମଣ ପରେ ତୈଳ ଯୋଗାଣ ଶୃଙ୍ଖଳରେ ବ୍ୟାଘାତ ନେଇ ଆଶଙ୍କା ବଢିଯାଇଛି। ଇରାନ ବିଶ୍ୱର ମୋଟ୍ ଏକ ତୃତୀୟାଂଶ ତୈଳ ଯୋଗାଏ। ମାତ୍ର ଇରାନରେ କ୍ଷେପଣାସ୍ତ୍ର ଆକ୍ରମଣ ହେତୁ ସଙ୍କଟ ବଢୁଥିବା ପରି ମନେ ହେଉଛି ଏବଂ ଏହି ଖବର ପ୍ରକାଶିତ ହେବା ପରେ ଅଶୋଧିତ ତୈଳ ଦରରେ ତୀବ୍ର ବୃଦ୍ଧି ଘଟିଛି।

ବ୍ରେଣ୍ଟ ଅଶୋଧିତ ତୈଳ ମୂଲ୍ୟ ହଠାତ୍ ବୃଦ୍ଧି ପାଇଛି

ଅନ୍ତର୍ଜାତୀୟ ବଜାରରେ ପଶ୍ଚିମ ଟେକ୍ସାସ ଇଣ୍ଟରମିଡିଏଟ୍ କ୍ରୁଡ୍ (ଡବ୍ଲ୍ୟୁଟିଆଇ ଅଶୋଧିତ) ମୂଲ୍ୟରେ ହଠାତ୍ ୫ ପ୍ରତିଶତ ବୃଦ୍ଧି ଘଟିଛି। ପୂର୍ବରୁ ଏହା ପ୍ରାୟ ୨.୭ ପ୍ରତିଶତ ହ୍ରାସ ପାଇଥିଲା, କିନ୍ତୁ ସର୍ବଶେଷ ବୃଦ୍ଧି ପରେ ଏହାର ମୂଲ୍ୟ ପୁଣି ଥରେ ବ୍ୟାରେଲ ପିଛା ୭୧ ଡଲାର ଅତିକ୍ରମ କରିଛି। ଯଦି ଆମେ ଗ୍ଲୋବାଲ୍ ବେଞ୍ଚମାର୍କ ବ୍ରେଣ୍ଟ ଅଶୋଧିତ ମୂଲ୍ୟ ବିଷୟରେ କହିବା, ତେବେ ଏହା ବ୍ୟାରେଲ ପିଛା ୭୫ ଡଲାର ଟପିଛି ।

ଗ୍ଲୋବାଲ୍ ସେୟାର ମାର୍କେଟ୍‌ରେ ବି ପଡିଛି ପ୍ରଭାବ

ଯୁଦ୍ଧ ଯୋଗୁ ବଜାର ଉପରେ ପୂର୍ବରୁ ପ୍ରଭାବ ରହିଛି । କେବଳ ଅଶୋଧିତ ତୈଳ ଦର ନୁହେଁ, ଇରାନ ଏବଂ ଇସ୍ରାଏଲରେ ମଧ୍ୟରେ ଚାଲିଥିବା ସଂଘର୍ଷ ବର୍ତ୍ତମାନ ବିଶ୍ୱର ଇକ୍ୱିଟି ବଜାର ଉପରେ ମଧ୍ୟ ପ୍ରଭାବ ପକାଇଛି। S & P-500 ରେ ୧.୪ ପ୍ରତିଶତ ହ୍ରାସ ଘଟିଥିବା ବେଳେ ଡୋ ଜୋନ୍ସ ଏବଂ ନାସଡାକ୍ ମଧ୍ୟ ଲାଲ ସଙ୍କେତରେ ଅଛି। ଏହା ବ୍ୟତୀତ ଜାପାନର ନିକ୍କେଇ ମଧ୍ୟ ୧.୭୭% ହ୍ରାସ ପାଇଛି। କେବଳ ଏତିକି ନୁହେଁ, ସାଧାରଣତ VIVIX ନାମରେ ପରିଚିତ କବୋ ଭୋଲ୍ଟିଲିଟି ଇଣ୍ଡେକ୍ସ ପ୍ରାୟ ଏକ ମାସ ମଧ୍ୟରେ ସର୍ବୋଚ୍ଚ ସ୍ତରରେ ପହଞ୍ଚିଛି ।

ସୁନା ଦର ବୃଦ୍ଧି, ମୁଦ୍ରାସ୍ଫୀତି ନେଇ ଚିନ୍ତା ବଢିଛି

ଯେହେତୁ ଦୁଇ ଦେଶ ମଧ୍ୟରେ ସଂଘର୍ଷ ଲାଗି ରହିଛି ଏହା ଭୌଗୋଳିକ ପରିସ୍ଥିତି ଉପରେ ପ୍ରଭାବ ଦେଖାଇବା ଆରମ୍ଭ କରିଛି। ଯାହାକୁ ନେଇ ବିଶେଷଜ୍ଞମାନେ ମଧ୍ୟ ଚେତାବନୀ ଦେଉଛନ୍ତି। ରିଥୋଲ୍ଟଜ୍ ମ୍ୟାନେଜମେଣ୍ଟର ଚିଫ୍ ମାର୍କେଟ ଷ୍ଟ୍ରାଟେଜିଷ୍ଟ କେଲି କକ୍ସ କହିଛନ୍ତି ଯେ ମଧ୍ୟ ପ୍ରାଚ୍ଯର ଉତ୍ତେଜନା ପାଇଁ ତୈଳ ଦର ବୃଦ୍ଧି ପାଇଚି। ସେହିପରି ବଣ୍ଡ,ସୁନା ଦର ମଧ୍ୟ ବୃଦ୍ଧି ପାଇବାରେ ଲାଗିଛି ଓ ସେୟାର ହ୍ରାସ ପାଉଛି। ଏହା ହେଉଛି କ୍ଲାସିକ୍ ଭୌଗୋଳିକ ପ୍ରତିକ୍ରିୟା। ସ୍ଥିତି ବିଗିଡିଲେ ତୈଳ ଦର ଆହୁରି ବଢ଼ିଯିବ ବୋଲି ଲିନଭେଷ୍ଟ୨୧ ଡଟ୍‌ ଏଆଇର ସିଇଓ ଡେଭିଡ ଲିନ୍‌ କହିଛନ୍ତି ।