ସ୍ୱାସ୍ଥ୍ୟ ଯଦି ଭଲ ରୁହେ ଆଉ ଜୀବନ ଖୁସି ରୁହେ ତେବେ ଶରୀରର ପ୍ରତ୍ୟେକ ଅଙ୍ଗ ଠିକ୍ ଭାବରେ କାମ କରିବ। ରକ୍ତକୁ ପରିସ୍କାର ରଖିବା ଏବଂ ଶରୀରରୁ ବର୍ଜ୍ୟବସ୍ତୁ ବାହାର କରିବାରେ କିଡ୍ନୀ ଏକ ପ୍ରମୁଖ ଭୂମିକା ଗ୍ରହଣ କରିଥାଏ। ଏନେଇ ଏହା ସୁସ୍ଥ ରହିବା ଆବଶ୍ୟକ ଏବଂ ଏହାର କାର୍ଯ୍ୟକଳାପ ଠିକ୍ ରହିବା ଜରୁରୀ। ତେବେ ଆଜି ବିଶ୍ୱ କିଡ୍ନୀ ଦିବସରେ ଆସନ୍ତୁ କିଡ୍ନୀ ସହ ଜଡିତ କିଛି ସମସ୍ୟା ଏବଂ ଏହାକୁ ସୁସ୍ଥ ରଖିବା ପାଇଁ ଆବଶ୍ୟକ ପଦକ୍ଷେପ ବିଷୟରେ ଜାଣିବା…
ଆଜିକାଲି କିଡ୍ନୀ ସମ୍ବନ୍ଧୀୟ ରୋଗ ଏକ ଗୁରୁତର ସ୍ୱାସ୍ଥ୍ୟ ସମସ୍ୟାରେ ପରିଣତ ହେଉଛି। ତଥାପି, ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହି ରୋଗଗୁଡିକର ଠିକ୍ ସମୟରେ ଏବଂ ସଠିକ୍ ଭାବରେ ଚିକିତ୍ସା କରାଗଲେ ଏହା ମଧ୍ୟରୁ ଅଧିକାଂଶ ରୋକାଯାଇପାରିବ ଏବଂ ଆରୋଗ୍ୟ ହୋଇପାରିବ।
ଯଦି କିଡ୍ନୀ ରୋଗର ଉପଯୁକ୍ତ ଚିକିତ୍ସା ଠିକ୍ ସମୟରେ କରା ନ ଯାଏ ତେବେ ଡାଏଲିସିସ୍ କିମ୍ବା କିଡ୍ନୀ ପ୍ରତିରୋପଣ କରିବାକୁ ପଡେ। ଏହି କାମ ମଧ୍ୟ ବହୁତ ଜଟିଳ ଏବଂ ମହଙ୍ଗା ହୋଇଥାଏ। ଯଦି ଆମେ ଆମର ଜୀବନଶୈଳୀ ଏବଂ ଖାଦ୍ୟ ଅଭ୍ୟାସରେ ଉନ୍ନତି ଆଣିବା, ତେବେ ଏହା ହେବା ପୂର୍ବରୁ ଆମେ ଏହି ସମସ୍ୟାକୁ ରୋକି ପାରିବା।
Also Read
କାହିଁକି ଫେଲ୍ ହୁଏ କିଡ୍ନୀ:
ଦେଶରେ କିଡ୍ନୀ ଫେଲ୍ ସମସ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଏହାର ଦୁଇଟି କାରଣ ଅତ୍ୟନ୍ତ ସ୍ପଷ୍ଟ - ମଧୁମେହ ଏବଂ ରକ୍ତଚାପ। ଏହି ଦୁଇଟି ରୋଗରେ ପୀଡିତ ଲୋକଙ୍କ ସଂଖ୍ୟା ଦେଶରେ ବୃଦ୍ଧି ପାଉଛି। ପ୍ରତିବର୍ଷ ଆମ ଦେଶରେ ଏକ ଲକ୍ଷରୁ ଅଧିକ ଲୋକ କିଡ୍ନୀ ଫେଲ୍ର ଶିକାର ହୁଅନ୍ତି। ସେଥିରୁ ମାତ୍ର ୧୦ ରୁ ୧୫ ହଜାର ଲୋକ ଟ୍ରାନ୍ସପ୍ଲାଣ୍ଟ କରିପାରନ୍ତି। ଉପଯୁକ୍ତ ଚିକିତ୍ସା ଅଭାବରୁ ଏହିପରି ଅନେକ ଲୋକଙ୍କୁ ଶୀଘ୍ର ମୃତ୍ୟୁ ହୋଇଥାଏ।
ଅନ୍ୟ ରୋଗର ଆଶଙ୍କା:
ଯଦି କିଡ୍ନୀ ସଠିକ୍ ଭାବରେ କାମ ନ କରେ ଏବଂ ରୋଗୀ ପ୍ରତିରୋପଣ କରିବାର ସ୍ଥିତିକୁ ଚାଲିଯାଏ, ତେବେ ସର୍ବୋତ୍ତମ ବିକଳ୍ପ ହେଉଛି ଏକ ବୃକକ୍ ପ୍ରତିରୋପଣ। ଜଣେ ବ୍ୟକ୍ତି ଡାଏଲିସିସ୍ ଉପରେ ଅଧିକ ସମୟ ବଞ୍ଚିପାରେ ନାହିଁ। ଏହା ହାର୍ଟଆଟାଜ୍, ଟିବି, ହେପାଟାଇଟିସ୍ ଭଳି ଅନ୍ୟ ରୋଗର ଆଶଙ୍କା ବଢେଇଥାଏ।
ଜରୁରୀ ଏବଂ ଉପଯୋଗୀ କଥା:
- ଯଦି ଆପଣ ୪୦ ବର୍ଷ ବୟସ ଅତିକ୍ରମ କରିଛନ୍ତି, ତେବେ ଆପଣ ସମୟ ସମୟରେ ଆପଣଙ୍କ ସ୍ୱାସ୍ଥ୍ୟ ଯାଞ୍ଚ କରନ୍ତୁ
- ବର୍ଷକୁ ଅତି କମରେ ଥରେ କିମ୍ବା ଦୁଇଥର ବ୍ଲଡ୍ ସୁଗାର ଏବଂ ବ୍ଲଡ୍ ପ୍ରେସର ଯାଞ୍ଚ କରନ୍ତୁ
- ପରିସ୍ରା କରିବା ପାଇଁ ଯଦି ଆପଣଙ୍କୁ ରାତିରେ ବାରମ୍ବାର ଉଠିବାକୁ ପଡୁଛି, ଏହା କିଡ୍ନୀ ଫେଲ୍ର୍ ପ୍ରାରମ୍ଭିକ ସଙ୍କେତ ହୋଇପାରେ
- ଯଦି ପରିସ୍ରାରେ ଫେଣ ସୃଷ୍ଟି ହେଉଛି, ତେବେ ଏହାର ଯାଞ୍ଚ କରିବା ଜରୁରୀ
- କିଡ୍ନୀର ମୁଖ୍ୟ କାମ ହେଉଛି ରକ୍ତ ତିଆରି କରିବା, ଯଦି ଯଥେଷ୍ଟ ରକ୍ତ ତିଆରି ହେଉନାହିଁ କିମ୍ବା ହେମୋଗ୍ଲୋବିନ୍ କମ୍ ରହୁଛି, ତେବେ ସତର୍କ ରୁହନ୍ତୁ
- ଭୋକ ହେଉନି, ବାରମ୍ବାର ବାନ୍ତି ହେଉଛି। ଯଦି ଶରୀରରେ ଫୁଲା ଏବଂ ହାତ ଓ ପାଦରେ ଯନ୍ତ୍ରଣା ହୁଏ, ଏହା କିଡ୍ନା ସମସ୍ୟାର ସଙ୍କେତ।
ଅନ୍ୟାନ୍ୟ କାରଣ:
ଗ୍ଲୋମେରୁଲୋନେଫ୍ରାଇଟିସ୍ ମଧ୍ୟ କିଡ୍ନୀ ରୋଗର ଏକ ପ୍ରମୁଖ କାରଣ, ଯେଉଁଥିରେ ଶରୀର ନିଜ କିଡ୍ନୀ ସହିତ ଲଢେ। ଏଥିରେ କିଡ୍ନୀ ଫେଲ୍ ହୋଇପାରେ। କିଛି ଲୋକ ଦୁର୍ବଳ କିଡ୍ନୀ ସହିତ ଜନ୍ମ ହୁଅନ୍ତି। କିଛି ଲୋକଙ୍କର ପରିସ୍ରା ନଳୀରେ ଜନ୍ମଗତ ସମସ୍ୟା ଥାଏ। କିଡ୍ନୀରେ ପଲିସିଷ୍ଟିକ୍ ରହିଥାଏ। ଏପରି ଅବସ୍ଥାରେ ଶୀଘ୍ର କିଡ୍ନୀ ଫେଲ୍ ହେବାର ସମ୍ଭାବନା ଅଧିକ।
ଏହି ଜିନିଷ ଉପରେ ବିଶେଷ ଧ୍ୟାନ ଦିଅନ୍ତୁ:
- ମୋଟାପଣ ହେବାକୁ ଦିଅନ୍ତୁ ନାହିଁ
- କମ୍ ଲୁଣ ଖାଆନ୍ତୁ
- ଏପରି କୌଣସି ଦେଶୀ ଔଷଧ ଗ୍ରହଣ କରନ୍ତୁ ନାହିଁ, ଯାହା ବିଷୟରେ ଜଣା ନାହିଁ
- ଅନାବଶ୍ୟକ ଭାବରେ ବ୍ରୁଫେନ୍ କିମ୍ବା ଫ୍ଲେକ୍ସନ୍ ପରି ପେନ୍ କିଲର୍ ବ୍ୟବହାର କରନ୍ତୁ ନାହିଁ
- NSAIDରୁ ଦୂରେଇ ରୁହନ୍ତୁ (ନନ୍-ଷ୍ଟେରଏଡାଲ୍ ଆଣ୍ଟି-ଇନ୍ଫ୍ଲାମେଟୋରୀ ଡ୍ରଗ୍ସ୍)। ଏହି କାରଣରୁ, କିଡ୍ନୀ ଅତି ଶୀଘ୍ର ନଷ୍ଟ ହୋଇଯାଏ
- ଯଦି ମଧୁମେହ ଏବଂ ରକ୍ତଚାପକୁ ନିୟନ୍ତ୍ରଣରେ ରଖାଯାଏ, ତେବେ କିଡ୍ନୀ ପ୍ରତିରୋପଣ କିମ୍ବା ଡାୟଲିସିସ୍ ବିଷୟରେ ଚିନ୍ତା କରିବାର କୌଣସି ଆବଶ୍ୟକତା ନାହିଁ
- ଏଥିପାଇଁ ଆମର ଜୀବନଶୈଳୀ ସନ୍ତୁଳିତ ଏବଂ ଗୁଣାତ୍ମକ ହେବା ଆବଶ୍ୟକ