‘ଜାତୀୟ ଜଡିବୁଟି ଏବଂ ମସଲା ଦିବସ’ ପ୍ରତିବର୍ଷ ୧୦ ଜୁନ୍ରେ ବିଶେଷ ଭାବରେ ଆମେରିକାରେ ପାଳନ କରାଯାଏ। ‘ଜାତୀୟ ଜଡିବୁଟି ଏବଂ ମସଲା ଦିବସ’ ପ୍ରଥମେ ଆନୁଷ୍ଠାନିକ ଭାବରେ ୨୦୧୫ ମସିହାରେ ତାଜା ଏବଂ ଶୁଖିଲା ଜଡିବୁଟି ଏବଂ ମସଲାର ବିବିଧତା ଏବଂ ଗୁଣକୁ ସ୍ୱୀକୃତି ଦେଇ ପାଳନ କରାଯାଇଥିଲା।
ପ୍ରତିବର୍ଷ ଯୁକ୍ତରାଷ୍ଟ୍ରରେ ‘ଜାତୀୟ ଜଡିବୁଟି ଏବଂ ମସଲା ଦିବସ’କୁ ସମ୍ମାନ ନେଇ ଅନେକଙ୍କ ଘରେ ଅତିରିକ୍ତ ମସଲାଯୁକ୍ତ ଖାଦ୍ୟ ରନ୍ଧାଯାଏ। ଏହା ସହିତ ବଗିଚାରେ କିଛି ନା କିଛି ଔଷଧୀୟ ବୃକ୍ଷ ରୋପଣ କରନ୍ତି। ମସଲା ଏବଂ ଜଡିବୁଟିର ବ୍ୟବହାରର ଏକ ଇତିହାସ ରହିଛି ଯାହା ହଜାରେ ବର୍ଷ ପୁରୁଣା ଏବଂ ଏହା ଭାରତର ପ୍ରତ୍ୟେକ ପରିବାରରେ ଶତାବ୍ଦୀ ଶତାବ୍ଦୀ ଧରି ଏକ ସାଧାରଣ କଥା ହୋଇଆସିଛି।
Also Read
ଅଧିକ ପଢ଼ନ୍ତୁ: Tips And Tricks: ରୋଷେଇ ଘରେ ବେଶି ଗରମ ହେଉଛି କି; ଜାଣନ୍ତୁ ଏଥିରୁ ରକ୍ଷା ପାଇବାର ଉପାୟ
ଡାଲଚିନି, ଗୁଜୁରାତି, ହଳଦୀ ଏବଂ ଗୋଲ ମରିଚ ଭଳି ମସଲା ଭାରତରେ ଉତ୍ପନ୍ନ ହୋଇଥିଲା, ପରେ ଏହି ମୌଳିକ ମସଲା ବ୍ୟବହାର କରି ଅନ୍ୟାନ୍ୟ ପ୍ରଜାତି ଉତ୍ପାଦନ ଆରମ୍ଭ ହେଲା। ଏହି ଦିନର ଲକ୍ଷ୍ୟ ହେଉଛି ମସଲା ଏବଂ ଜଡିବୁଟି ବିଷୟରେ ସଚେତନତା ସୃଷ୍ଟି କରିବା। ବର୍ତ୍ତମାନ ଗ୍ରୀଷ୍ମ ଋତୁ ଚାଲିଥିବାରୁ ଆସନ୍ତୁ ଏମିତି କିଛି ଜଡିବୁଟି ଓ ମସଲା ବିଷୟରେ ଜାଣିନେବା ଯାହାକୁ ବ୍ୟବହାର କରି ଆମେ ଗରମରୁ ରକ୍ଷା ପାଇପାରିବା।
ଗୁଜୁରାତି:
ଶରୀରରୁ ଅବାଞ୍ଛିତ ରାସାୟନିକ ପଦାର୍ଥ ଏବଂ ବିଷାକ୍ତ ପଦାର୍ଥ ବାହାର କରିବାର କ୍ଷମତା ଗୁଜୁରାତିରେ ରହିଛି। ଏହା ଶରୀର ଭିତରୁ ଉତ୍ତାପକୁ ହ୍ରାସ କରିଥାଏ ଏବଂ ଗ୍ରୀଷ୍ମ ଋତୁରେ ଶରୀରର ତାପମାତ୍ରାକୁ ଥଣ୍ଡା କରିବାରେ ସାହାଯ୍ୟ କରିଥାଏ।
ଜିରା:
ପେଟ ଫୁଲିବା ଏବଂ ଶରୀର ଯନ୍ତ୍ରଣା ପାଇଁ ଜିରା ଏକ ଉତ୍କୃଷ୍ଟ ପ୍ରତିକାର। ଜିରା ପାଣି ମଧ୍ୟ ଶରୀରକୁ ହାଇଡ୍ରେଟ୍ କରେ ଏବଂ ଅତ୍ୟଧିକ ଉତ୍ତାପରୁ ରକ୍ଷା କରେ। ଗ୍ରୀଷ୍ମ ଦିନରେ ଏହା ଆପଣଙ୍କୁ ସତେଜ ଏବଂ ଥଣ୍ଡା ଅନୁଭବ କରାଏ।
ଧନିଆ:
ପ୍ରତ୍ୟେକ ଭାରତୀୟଙ୍କ ରୋଷେଇ ଘରେ ପତ୍ର ଏବଂ ମଞ୍ଜି ଆକାରରେ ଧନିଆ ବ୍ୟବହାର କରାଯାଏ। ଏହା ଏକ ଉତ୍ତମ ଡିଟକ୍ସାଇଫାୟର୍ ଯାହା ଗ୍ରୀଷ୍ମ ଋତୁରେ ଆପଣଙ୍କ ଶରୀରକୁ ଥଣ୍ଡା ଏବଂ ହାଲୁକା ରଖେ। ଏହା ବିଷାକ୍ତ ପଦାର୍ଥକୁ ମଧ୍ୟ ବାହାର କରିଥାଏ ଏବଂ ଶରୀରକୁ ଅଧିକ ଉତ୍ତାପରୁ ମୁକ୍ତି ଦେଇଥାଏ।
ପୋଦିନା:
ପୋଦିନାର ବ୍ୟବହାର ପିପର୍ମେଣ୍ଟ୍ ଭଳି କାମ କରିଥାଏ । ଏହା ଏପରି ଏକ ମିଶ୍ରଣ ଯାହା ଶରୀରକୁ ଶୀତଳତା ପ୍ରଦାନ କରେ। ଗ୍ରୀଷ୍ମ ସମୟରେ ଶରୀରକୁ ଥଣ୍ଡା ରଖିବା ପାଇଁ ଏହା ହେଉଛି ସର୍ବୋତ୍ତମ ପ୍ରାକୃତିକ ଉପଚାର।