ପଦାକୁ ଗୋଡ଼ କାଢ଼ିଛି, ମୁଁ ଲଢ଼େଇ କରିବି

ଦୀର୍ଘଦିନ ଧରି ଛତ୍ରପୁରର ଝିଅ ତପସ୍ୱିନୀ ଓରଫ୍ ଡିମ୍ପଲ, ଶାଶୂଘରେ ବୋହୂର ମାନ୍ୟତା ପାଇଁ ଲଢ଼ି ଆସିଥିଲେ। ବ୍ରହ୍ମପୁରରେ ଶାଶୂଘର ଆଗରେ ଧାରଣାରେ ବସିଥିଲେ। ଟାର୍ଗେଟ୍ କରିଥିଲେ ଶାଶୂ ଶ୍ୱଶୁରଙ୍କୁ। କହିଥିଲେ, ସ୍ୱାମୀ ସୁମିତ୍ ମତେ ବହୁତ ଭଲ ପାଉଛନ୍ତି, ଆମେ ମିଶିକି ରହୁ ବୋଲି ଚାହୁଁଛନ୍ତି, କିନ୍ତୁ ଶାଶୂ ଶ୍ୱଶୁର କରେଇ ଦେଉନାହାଁନ୍ତି। କିନ୍ତୁ ପ୍ରେମକୁ ଅସ୍ତ୍ର କରି ଯୁଦ୍ଧକୁ ଓହ୍ଲେଇଥିବା ତପସ୍ୱିନୀ ହଠାତ୍ ଆକାଶରୁ ପଡ଼ିଗଲେ। ଗତକାଲି, ଯେତେବେଳେ ସ୍ୱାମୀ ଡ ସୁମିତ ପଣ୍ଡାଙ୍କ ଅଡିଓ ବାର୍ତ୍ତା ଭାଇରାଲ୍ ହେଲା।