ଜାଣନ୍ତୁ, ୫ ଭାରତୀୟ ମହିଳା ଖେଳାଳିଙ୍କ ସଂଘର୍ଷମୟ ଜୀବନ

ବର୍ତ୍ତମାନ କ୍ରୀଡା କ୍ଷେତ୍ରରେ ଭାରତୀୟ ମହିଳାଙ୍କ ଅଂଶ ବୃଦ୍ଧି ପାଉଛି। ଅନେକ ଭାରତୀୟ ମହିଳା ଖେଳାଳି ନିଜ ନିଜ କ୍ଷେତ୍ରରେ ଏତେ ଭଲ ପ୍ରଦର୍ଶନ କରୁଛନ୍ତି ଯେ ସେମାନଙ୍କ ରାଙ୍କିଙ୍ଗ ଦୁନିଆର ଶ୍ରେଷ୍ଠ ଖେଳାଳିଙ୍କ ମଧ୍ୟରେ ସ୍ଥାନ ପାଇଛି। ତେବେ କ୍ରୀଡା ଜଗତରେ ମହିଳାମାନଙ୍କ ପାଇଁ ଏକ ସ୍ୱତନ୍ତ୍ର ସ୍ଥାନ ତିଆରି କରିବା ଏତେ ସହଜ ନଥିଲା। ମହିଳାମାନେ ସର୍ବଦା ଶାରୀରିକ ସାମର୍ଥ୍ୟରେ ପୁରୁଷଙ୍କଠାରୁ କମ୍ ବୋଲି ବିବେଚନା କରାଯାଏ।

ଏହି ଧାରଣ ଏବେ ଭୁଲ୍ ପ୍ରମାଣିତ ହୋଇଛି। ଆଜି କ୍ରିକେଟ୍ ଠାରୁ ଆରମ୍ଭ କରି ବ୍ୟାଡ୍‌ମିଣ୍ଟନ୍, ବକ୍ସିଂ ଓ ଲଙ୍ଗ୍‌ ଜମ୍ପ୍‌ ପର୍ଯ୍ୟନ୍ତ ମହିଳାମାନେ ଆନ୍ତର୍ଜାତୀୟ ସ୍ତରରେ ଭାରତର ପ୍ରତିନିଧିତ୍ୱ କରୁଛନ୍ତି ଏବଂ ଅନେକ ବିଶ୍ୱ ରେକର୍ଡ ସ୍ଥାପନ କରି ଦେଶ ପାଇଁ ପଦକ ଜିତିଛନ୍ତି। ତେବେ ଆସନ୍ତୁ ଜାଣିବା ଏହିପରି ୫ ଜଣ ମହିଳା ଖେଳାଳିଙ୍କ ବିଷୟରେ।

ଝୁଲନ୍ ଗୋସ୍ୱାମୀ (କ୍ରିକେଟର):

ଭାରତୀୟ ମହିଳା କ୍ରିକେଟ୍ ଦଳର ସଫଳତା ମଧ୍ୟ କମ୍ ନୁହେଁ। ବର୍ତ୍ତମାନ ମିତାଲି ରାଜ ଦଳର ଅଧିନାୟକ ଥିବାବେଳେ ପୂର୍ବରୁ ଝୁଲନ୍ ଗୋସ୍ୱାମୀ ଭାରତୀୟ ମହିଳା କ୍ରିକେଟ୍ ଦଳର ଅଧିନାୟକ ଥିଲେ। ଝୁଲନ୍ ଗୋସ୍ୱାମୀ ବର୍ତ୍ତମାନ ବିଶ୍ୱର ଏକମାତ୍ର ବୋଲର ଯିଏକି ଅନ୍ତର୍ଜାତୀୟ କ୍ରିକେଟରେ ୨୦୦୦ରୁ ଅଧିକ ଓଭର ନେଇଛନ୍ତି।

ବଙ୍ଗଲାରେ ଜନ୍ମିତ ଝୁଲନ୍ ଗୋସ୍ୱାମୀଙ୍କ ସ୍ୱାମୀ ନିଶିତ୍ ଗୋସ୍ୱାମୀ ଇଣ୍ଡିଆନ୍ ଏୟାରଲାଇନ୍ସରେ କାମ କରନ୍ତି। ଝୁଲନଙ୍କ ମାଆ ପିଲାଦିନେ ରାସ୍ତାରେ ପୁଅମାନଙ୍କ ସହିତ କ୍ରିକେଟ୍ ଖେଳିବାକୁ ପସନ୍ଦ କରୁ ନଥିଲେ। ତାଙ୍କ ବୋଲିଂରେ ସ୍ଥାନୀୟ ଅଞ୍ଚଳର ଯୁବକମାନେ ଚୌକା-ଛକା ମଧ୍ୟ ମାରୁଥିଲେ। କିନ୍ତୁ ପରେ ସେ ତାଙ୍କର ଦକ୍ଷତାକୁ ବଢେଇ ସମସ୍ତଙ୍କୁ ଚମକେଇ ଦେଇଥିଲେ।

ଜମୁନା ବୋରୋ (ବକ୍ସର):

ଜମୁନା ବୋରୋ ଜଣେ ଭାରତୀୟ ମହିଳା ବକ୍ସର। ସେ ଆସାମର ଛୋଟ ସହର ଡେକିଆଜୁଲି ନିକଟ ବେଲସିରି ଗାଁରେ ଜନ୍ମଗ୍ରହଣ କରିଥିଲେ। ପିଲାଦିନେ ତାଙ୍କ ବାପାଙ୍କର ଦେହାନ୍ତ ହୋଇଥିଲା। ମା ଏକାକୀ ଚାଷ କରୁଥିଲେ ଏବଂ ପିଲାମାନଙ୍କର ଲାଳନପାଳନ ପାଇଁ ଚା’ ଏବଂ ପନିପରିବା ବିକ୍ରି କରୁଥିଲେ। ଜମୁନା ଅଳ୍ପ ବୟସରେ କ୍ରୀଡା ଜଗତରେ ପାଦ ଦେଲେ। ସେତେବେଳେ ତାଙ୍କୁ ଅନେକ ଟାହିଟାପରା କରାଯାଇଥିଲା। ସେ ଏହାକୁ ଖାତିର ନକରି ଆଗକୁ ବଢିଥିଲେ ଏବଂ ବକ୍ସିଂକୁ ନିଜର କ୍ୟାରିଅର୍ କରିଥିଲେ।

ଅଞ୍ଜୁ ବବି ଜର୍ଜ (ଲଙ୍ଗ୍‌ ଜମ୍ପ୍‌):

ଅଞ୍ଜୁ ବବି ଜର୍ଜ ହେଉଛନ୍ତି ଏକମାତ୍ର ଭାରତୀୟ ଖେଳାଳି ଯିଏକି ବିଶ୍ୱ ଚାମ୍ପିଅନ୍‌ସିପ୍‌ରେ ପଦକ ଜିତିଛନ୍ତି। ଅଞ୍ଜୁ ବବି ଜର୍ଜ ୧୯ ଏପ୍ରିଲ ୧୯୭୭ରେ କେରଳରେ ଜନ୍ମଗ୍ରହଣ କରିଥିଲେ। ପିଲାଦିନରୁ ତାଙ୍କ ବାପାମାଆ ଅଞ୍ଜୁଙ୍କୁ କ୍ରୀଡା ଦିଗରେ ଉତ୍ସାହିତ କରିଥିଲେ। ପରିବାରର ସହଯୋଗରେ ସେ ଅନେକ ଜାତୀୟ ତଥା ଆନ୍ତର୍ଜାତୀୟ ପଦକ ଜିତିଛନ୍ତି। ପରେ ସେ ଲମ୍ଫ୍‌ ଜମ୍ପ୍‌ର ଜାତୀୟ ଚାମ୍ପିଅନ୍ ରବର୍ଟ ବବି ଜର୍ଜଙ୍କୁ ବିବାହ କରିଥିଲେ।

ତସନୀମ୍ ମିର୍‌ (ବ୍ୟାଡ୍‌ମିଣ୍ଟନ୍):

ତସନୀମ୍ ମିର୍‌ ଜଣେ ଭାରତୀୟ ମହିଳା ଯିଏକି ବିଶ୍ୱରେ ବ୍ୟାଡ୍‌ମିଣ୍ଟନ୍‌ରେ ପ୍ରଥମ ରାଙ୍କରେ ଅଛନ୍ତି। ସେ ମହିଳା ବ୍ୟାଡ୍‌ମିଣ୍ଟନ୍‌ ଖେଳାଳି ଅଣ୍ଡ-୧୯ ସିଙ୍ଗଲ୍ସରେ ବିଶ୍ୱର ପ୍ରଥମ ଖେଳାଳି ହେବାର ଆଖ୍ୟା ଅର୍ଜନ କରିଛନ୍ତି। ତାଙ୍କ ପୂର୍ବରୁ ଭାରତର କୌଣସି ମହିଳା ଖେଳାଳି ସମଗ୍ର ବିଶ୍ୱରେ ନମ୍ବର ୱାନ୍ ହୋଇପାରି ନଥିଲେ।

ହିମା ଦାସ (ରେସର୍):

ଆସାମର ନାଗୌର ଜିଲ୍ଲାରେ ଜନ୍ମିତ ହିମା ଦାସ ପିଲାବେଳେ ରାସ୍ତାରେ ଫୁଟବଲ୍‌ ଖେଳୁଥିଲେ। ପରେ, ରେସ୍‌କୁ କ୍ୟାରିୟର ଭାବରେ ବାଛିଲେ, କଠିନ ପ୍ରଶିକ୍ଷଣ ଆରମ୍ଭ କଲେ ଏବଂ ମାତ୍ର ୨୦ ବର୍ଷ ବୟସରେ ସେ ନିଜର ପ୍ରତିଭା ଦେଖେଇଦେଲେ। ଏକ ମାସରେ ପାଞ୍ଚଟି ସ୍ୱର୍ଣ୍ଣ ପଦକ ଜିତି ସେ ଭାରତକୁ ଗର୍ବିତ କରିଛନ୍ତି। ଭାରତର ଫ୍ଲାଇଙ୍ଗ୍ ମେରି ଭାବରେ ଜଣାଶୁଣା ହିମା ଦାସଙ୍କ ପରିବାରରେ ୧୭ ଜଣ ଲୋକ ଥିଲେ। ଏତେ ବଡ ପରିବାର ଧାନ ଚାଷ ଉପରେ ନିର୍ଭରଶୀଳ ଥିଲେ। ପରିବାରକୁ ସାହାଯ୍ୟ କରିବା ପାଇଁ ସେ ମାଧ୍ୟ ଚାଷରେ ସହଯୋଗ କରୁଥିଲେ। ପରେ ସେ ସଫଳତାର ଶିଖର ଛୁଇଁବାରେ ସଫଳ ହେଲେ।