ଗରମ ଦିନରେ ଦୂରେଇ ରୁହନ୍ତୁ ଏହି ୧୦ ଖାଦ୍ୟରୁ; ନଚେତ ହୋଇପାରେ ସନ୍ ଷ୍ଟ୍ରୋକ୍

ଚଳିତ ବର୍ଷ ଗରମ ଅସହ୍ୟ ହୋଇପଡିଛି। ଓଡ଼ିଶାରେ ପାରଦ ୪୫ ଡିଗ୍ରୀ ପାଖାପାଖି ହୋଇଯାଉଛି। ବାହାର କଥା ଛାଡ, ଘରେ ବି ଦେହ ହାତ ପୋଡିଯାଉଛି। କୁଲର୍ କି ଫ୍ୟାନ ମଧ୍ୟ କାମ ଦେଉନି। ବାହାରକୁ ଗଲେ ଦେହରେ ଓଦା କପଡା ପକେଇଲେ ମଧ୍ୟ କେଇ ମୁହୂର୍ତ୍ତରେ ଶୁଖିଯାଉଛି। ଦେହରୁ ମଧ୍ୟ ଜଳୀୟ ଅଂଶ ହ୍ରାସ ପାଉଛି।

ଏପରି ପରିସ୍ଥିତିରେ ଖାଦ୍ୟର ଯତ୍ନ ନେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହି ସମୟରେ କିଛି ଏପରି ଖାଦ୍ୟ ଖାଇବା ଉଚିତ୍ ଯାହା ଶରୀରକୁ ହାଇଡ୍ରେଟ୍ ରଖେ। ଶରୀରକୁ ଜଳର ଅଭାବ ହେବାକୁ ଦିଆଯିବ ଉଚିତ ନୁହେଁ। ଏପରି କରି ନିଜକୁ ହିଟ୍ ଷ୍ଟ୍ରୋକ୍ ପ୍ରଭାବରୁ ରକ୍ଷା କରାଯାଇପାରିବ। କିଛି ଋତୁକାଳୀନ ଫଳ ଏବଂ ପନିପରିବା ଶରୀରର ତାପମାତ୍ରାକୁ ଥଣ୍ଡା ରଖେ। ଏଥିରେ କାକୁଡି, ତରଭୁଜ, ଖରଭୁଜ, ବେଲ ଇତ୍ୟାଦି ରହିଛି।

ଏପରି କିଛି ଖାଦ୍ୟ ମଧ୍ୟ ଅଛି ଯାହା ଶରୀରର ତାପମାତ୍ରାକୁ ବଢାଇଥାଏ। ଶରୀରର ଉତ୍ତାପ ହ୍ରାସ କରିବା ପରିବର୍ତ୍ତେ ଏହା ବୃଦ୍ଧି କରେ। ଏହି କାରଣରୁ ଦୁଇଗୁଣା ଗରମ ଅନୁଭବ ହୁଏ। ଏପରି ପରିସ୍ଥିତିରେ, ଗ୍ରୀଷ୍ମ ଋତୁରେ କେତେକ ଖାଦ୍ୟ ଠାରୁ ଯଥା ସମ୍ଭବ ଦୂରେଇ ରହିବା ଜରୁରୀ। ଆସନ୍ତୁ ସେହିସବୁ ଖାଦ୍ୟ ବିଷୟରେ ଜାଣିନେବା।

ମଦ୍ୟପାନ - ଗ୍ରୀଷ୍ମ ଋତୁରେ ଅଧିକ ମଦ୍ୟପାନ କଲେ ଶରୀରର ତାପମାତ୍ରା ବଢିପାରେ। ଏହା ଆପଣଙ୍କ ପାଇଁ ସମସ୍ୟା ସୃଷ୍ଟି କରିପାରେ। ମଦ୍ୟପାନ ହେଉଛି ଏକ ଡ୍ୟୁରେଟିକ୍, ଯାହା ଡିହାଇଡ୍ରେସନ୍ ସୃଷ୍ଟି କରେ। ଏହା ହିଟ୍ ଷ୍ଟ୍ରୋକ୍‌ର ଆଶଙ୍କାକୁ ବଢାଇଦିଏ।

କ୍ୟାଫିନ୍ - ମଦ୍ୟପାନ ପରି କ୍ୟାଫିନ୍‌ର ଅତ୍ୟଧିକ ବ୍ୟବହାର ଡିହାଇଡ୍ରେସନ୍ ସମସ୍ୟାକୁ ବଢାଇପାରେ। ଏହାକୁ କେବଳ ସୀମିତ ପରିମାଣରେ ବ୍ୟବହାର କରିବା ଉଚିତ। ଗ୍ରୀଷ୍ମ ଋତୁରେ କ୍ୟାଫିନ୍‌ଯୁକ୍ତ ଖାଦ୍ୟ ସେବନକୁ ଯଥା ସମ୍ଭବ କମ କରନ୍ତୁ।

ଲୁଣିଆ ଖାଦ୍ୟ - ଅଧିକ ଲୁଣିଆ ଖାଦ୍ୟ ଶରୀରର ତାପମାତ୍ରାକୁ ମଧ୍ୟ ଅଧିକ କରିପାରେ। ଯେଉଁ ଖାଦ୍ୟରେ ଲୁଣର ମାତ୍ରା ଅଧିକ ଥାଏ, ତାହା ଡିହାଇଡ୍ରେସନ୍ ସୃଷ୍ଟି କରେ। ଅଧିକ ଲୁଣିଆ ଖାଦ୍ୟ ଖାଇବା ଦ୍ୱାରା ଅଧିକ ଶୋଷ ଲାଗେ। କାରଣ ଏହା ଶରୀରରୁ ଜଳୀୟ ଅଂଶକୁ ହ୍ରାସ କରି ଡିହାଇଡ୍ରେସନ ସୃଷ୍ଟି କରେ।

ଆମ୍ବ - ଅବଶ୍ୟ ଆମ୍ବକୁ ଫଳର ରାଜା କୁହାଯାଏ, କିନ୍ତୁ ଏହା ଶରୀରର ଉତ୍ତାପକୁ ବାଇପାରେ। ବାସ୍ତବରେ ଆମ୍ବର ପ୍ରକୃତି ହେଉଛି ଗରମ ଏବଂ ଅତ୍ୟଧିକ ଗ୍ରୀଷ୍ମ ସମୟରେ ଏଭଳି ଖାଦ୍ୟ ଖାଇବା ଦ୍ୱାରା ଶରୀରରେ ତାପମାତ୍ରା ମଧ୍ୟ ବୃଦ୍ଧି ପାଇଥାଏ। ତେଣୁ ଖାଇବା ପୂର୍ବରୁ ଏହାକୁ ଏକ କିମ୍ବା ଦୁଇ ଘଣ୍ଟା ପାଣିରେ ପକେଇ ରଖିବା ଭଲ।

ଅଣ୍ଡା - ଯେଉଁମାନେ ପ୍ରତିଦିନ ଅଣ୍ଡା ଖାଆନ୍ତି ସେମାନେ ଗ୍ରୀଷ୍ମ ଋତୁରେ ଅଣ୍ଡା ଖାଇବା କମାଇବା ଉଚିତ। ବାସ୍ତବରେ, ଅଣ୍ଡାର ପ୍ରକୃତି ହେଉଛି ଗରମ, ଯାହା ଶରୀରକୁ ଗରମ କରିଦିଏ।

ଡାଲଚିନି, ଅଦା ଏବଂ ରସୁଣ - ଡାଲଚିନି, ଅଦା, ପିଆଜ ଏବଂ ରସୁଣ ଏପରି କିଛି ଖାଦ୍ୟ ପଦାର୍ଥ ଯାହା ଶରୀରର ଉତ୍ତାପକୁ ବୃଦ୍ଧି କରିବାରେ ସାହାଯ୍ୟ କରିଥାଏ। ଡାଲଚିନି ଏକ ଗରମ ମସଲା ଯାହାକୁ ବହୁ ପରିମାଣରେ ଖାଇଲେ ଶରୀରର ତାପମାତ୍ରା ବଢିଥାଏ।

ଫ୍ୟାଟି ଫୁଡ୍ - ଅଧିକ ଚର୍ବିଯୁକ୍ତ ଖାଦ୍ୟ ଖାଇବା ଦ୍ୱାରା ଶରୀରରେ ମେଟାବୋଲିକ୍ ହିଟ୍ ଉତ୍ପାଦନ ବଢିଥାଏ ଯାହା ଶରୀରର ତାପମାତ୍ରାକୁ ଅଧିକ କରେ। ଏହା ଥକାପଣ ବା ହିଟ୍ ଷ୍ଟ୍ରୋକ୍‌ର କାରଣ ହୋଇପାରେ। ଆହୁରି ମଧ୍ୟ, ଅତ୍ୟଧିକ ତେଲିଆ ଏବଂ ମସଲାଯୁକ୍ତ ଖାଦ୍ୟ ଖାଇବା ଠାରୁ ଦୂରେଇ ରହିବା ଉଚିତ।

ମିଠାଯୁକ୍ତ ଖାଦ୍ୟ - ଗ୍ରୀଷ୍ମ ଋତୁରେ ଚିନିଯୁକ୍ତ ଖାଦ୍ୟ ଏବଂ ପାନୀୟକୁ ମଧ୍ୟ ଏଡାଇବା ଉଚିତ। ଏହା ଖୁବ୍ ଶୀଘ୍ର ରକ୍ତରେ ଶର୍କରା ବୃଦ୍ଧି କରେ। ଫଳରେ ଥକାପଣ ଏବଂ ଡିହାଇଡ୍ରେସନ୍‌ର କାରଣ ହୁଏ।