ଶିଶୁମାନେ ଏତେ କୌତୁକିଆ ଏବଂ କୋମଳ ହୋଇଥାନ୍ତି ଯେ ସେମାନଙ୍କୁ ଛୁଇଁବା କିମ୍ବା ଗାଲରେ ଚୁମ୍ବନ ନକରି କେହି ରହିପାରନ୍ତି ନାହିଁ। କୋମଳ ଚର୍ମ, ଛୋଟ ଛୋଟ ଆଙ୍ଗୁଠି, ଗୋଲ୍ଗାଲ୍ ଶରୀର, ପୁଚୁକା ଗାଲ, ସୁନ୍ଦର ଝଲସି ଉଠୁଥିବା ଆଖି ଦେଖି, ଯେକେହି ବି ତାଙ୍କୁ କୋଳରେ ଧରି ସ୍ନେହ କରିବାକୁ ମନ କରିବ।
ଯଦି ବାପାମାଆଙ୍କ କଥା ଆସେ ତେବେ କଥା ସରିଲା। ସେମାନେ ତ ନିଜ ପିଲାମାଙ୍କୁ ଏମିତି ସ୍ନେହ କରନ୍ତି ଯେ ଗାଲ, ଓଠ ଏବଂ କପାଳ ସବୁଠି ଗେଲ କରନ୍ତି। ମା’ଟିଏ ନିଜ ପିଲାକୁ ସ୍ପର୍ଶ ଦେଇଥାଏ, ଛାତିରେ ଗଲେଇ ଶୋଇବାକୁ ଦେଇଥାଏ, ଯାହାଫଳରେ ପିଲାଟି ନିଜକୁ ସୁରକ୍ଷିତ ଅନୁଭବ କରିପାରିବ। ତଥାପି, ଶିଶୁକୁ ବାରମ୍ବାର ଚୁମ୍ବନ ଦେବାର ଅଭ୍ୟାସ କେତେ ସୁସ୍ଥ ତାହା ଜାଣିବା ମଧ୍ୟ ଜରୁରୀ।
Also Read
ଶିଶୁକୁ ଚୁମ୍ବନ କେତେ ସୁସ୍ଥ:
ସାଧାରଣତଃ ବାପାମାଆ କିମ୍ବା କୌଣସି ସମ୍ପର୍କୀୟ ପିଲା ପ୍ରତି ଥିବା ନିଜ ପ୍ରେମକୁ ପ୍ରକାଶ କରିବା ପାଇଁ ଗାଲ ଓ ଓଠରେ ଚୁମ୍ବନ ଦିଅନ୍ତି, କିନ୍ତୁ ବାରମ୍ବାର ଏହା କରିବା ଶିଶୁର ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ। ବିଶେଷକରି, ଯେତେବେଳେ ଆପଣ ଶିଶୁର ଓଠକୁ ଚୁମ୍ବନ ଦିଅନ୍ତି, ଏହା ବହୁତ କ୍ଷତି ଘଟାଇପାରେ।
ପ୍ରକାଶିତ ଏକ ଖବର ଅନୁଯାୟୀ ନବଜାତ ଶିଶୁର ପ୍ରତିରକ୍ଷା ପ୍ରଣାଳୀ ବିକାଶିତ ହୋଇଥାଏ। ଏଭଳି ପରିସ୍ଥିତିରେ ସେମାନଙ୍କୁ କୌଣସି ପ୍ରକାରର ସଂକ୍ରମଣ ହେବାର ଆଶଙ୍କା ରହିଥାନ୍ତି। ଏଥିସହ ସେମାନଙ୍କୁ ମଧ୍ୟ ସମସ୍ତ ପ୍ରକାରର ଟିକା ଦିଆଯାଇ ନ ଥାଏ। ଏପରି ପରିସ୍ଥିତିରେ, ସେମାନେ କେତେକ ରୋଗ ପ୍ରତି ସମ୍ବେଦନଶୀଳ ହୋଇପାରନ୍ତି।
କେଉଁ ସମସ୍ୟା ହୋଇପାରେ:
ଶିଶୁର ଓଠ ଏବଂ ଗାଲକୁ ଚୁମ୍ବନ ଦେବା ଫ୍ଲୁ ଏବଂ ଶ୍ୱାସକ୍ରିୟା ସମ୍ବନ୍ଧିତ ସମସ୍ୟା ସୃଷ୍ଟି କରିପାରେ। ଯଦି ଆପଣ ହେପାଟାଇଟିସ୍ ବି ଦ୍ୱାରା ସଂକ୍ରମିତ ହୋଇଥାନ୍ତି, ତେବେ ଆପଣଙ୍କ ଲାଳ ଶିଶୁକୁ ହେପାଟାଇଟିସ୍ ବି ବିସ୍ତାର କରିପାରେ, ଯାହା ସେମାନଙ୍କ ପାଇଁ ବିପଦଜନକ ହେବ।
ବେଳେବେଳେ ହର୍ପିସ୍ ଭାଇରସ୍ ମଧ୍ୟ କ୍ଷତିକାରକ ହୋଇପାରେ। ଏହା ଓଠର ଚର୍ମକୁ କ୍ଷତି ପହଞ୍ଚାଏ। ଏପରି ପରିସ୍ଥିତିରେ, ଯଦି ଆପଣଙ୍କର ହର୍ପିସ୍ ଭାଇରସ୍ ଥାଏ, ତେବେ ଏହା ଶିଶୁକୁ ମଧ୍ୟ ସଂକ୍ରମିତ ହୋଇପାରେ।
ଚୁମ୍ବନ ବେଳେ ସତର୍କ:
- ଯଦି ଶିଶୁ ଶରୀରର ଗାଲ ଓ ଓଠକୁ ଛାଡି ଅନ୍ୟ ଅଙ୍ଗକୁ ଚୁମ୍ବନ ଦିଆଯାଏ ତେବେ ଏହା ଭଲ। ଆପଣ କପାଳ, ବେକ, ହାତ, ଗୋଡ, ପେଟ ଇତ୍ୟାଦିକୁ ଚୁମ୍ବନ କରିପାରିବେ।
- ନିଜ ଘରର ଅନ୍ୟ ପିଲାମାନେ ଯେଉଁମାନେ ସ୍କୁଲ୍ ଯାଉଥାନ୍ତି, ସେମାନଙ୍କର ପ୍ରତିରୋଧକ ଶକ୍ତି ମଧ୍ୟ ସେତେ ଶକ୍ତିଶାଳୀ ହୋଇ ନ ଥାଏ। ଏପରି ପରିସ୍ଥିତିରେ, ସେମାନେ ମଧ୍ୟ ସହଜରେ ଭାଇରାଲ୍ ସଂକ୍ରମଣର ଶିକାର ହୋଇପାରନ୍ତି। ଫଳରେ ଶିଶୁର ବଡ଼ ଭାଇ ଓ ଭଉଣୀମାନଙ୍କୁ ଶିଶୁଠାରୁ ଦୂରରେ ରଖନ୍ତୁ।
- ବିଶେଷଜ୍ଞଙ୍କ ଅନୁଯାୟୀ, ଓଠରେ ଚୁମ୍ବନ କରିବା କୌଣସି ବୟସର ଲୋକଙ୍କ ପାଇଁ ସୁରକ୍ଷିତ ନୁହେଁ, କାରଣ ଲାଳରୁ ସଂକ୍ରମଣ ହେବାର ଆଶଙ୍କା ରହିଛି।
- ଯଦିବି ଆପଣଙ୍କର କୌଣସି ପ୍ରକାରର ସମସ୍ୟା ଯେପରିକି କାଶ, ଫ୍ଲୁ, କାଶ କିମ୍ବା ଥଣ୍ଡା ନଥାଏ, ତେବେବି ଶିଶୁକୁ କେବଳ କପାଳରେ କିମ୍ବା ଶରୀରର ଅନ୍ୟ ଅଂଶରେ ଚୁମ୍ବନ ଦିଅନ୍ତୁ। ପିଲାମାନଙ୍କୁ ଗେଲ କରିବା ବେଳେ ନିଜର ସ୍ୱଚ୍ଛତାର ବିଶେଷ ଯତ୍ନ ନିଅନ୍ତୁ। ହାତକୁ ଭଲ ଭାବରେ ସଫା କରନ୍ତୁ। ସେମାନଙ୍କ ସାମ୍ନାରେ ଛିଙ୍କିବା କିମ୍ବା କାଶିବାରୁ ଦୂରେଇ ରୁହନ୍ତୁ।
- ଶିଶୁମାନଙ୍କର ଚର୍ମ ଅତ୍ୟନ୍ତ ସୂକ୍ଷ୍ମ ଏବଂ ସମ୍ବେଦନଶୀଳ। ଯଦି ଆପଣ ଲିପଷ୍ଟିକ୍ କିମ୍ବା ଲିପ୍ ଗ୍ଲାସ୍ ବ୍ୟବହାର କରିଛନ୍ତି, ଭୁଲରେ ମଧ୍ୟ ନିଜ ପିଲାଙ୍କୁ ଚୁମ୍ବନ ଦିଅନ୍ତୁ ନାହିଁ, କାରଣ ଏହା ସେମାନଙ୍କ ଚର୍ମରେ ଜ୍ୱଳନ, କୁଣ୍ଡେଇହେବା ଏବଂ ଲାଲ ରଙ୍ଗର ଦାଗ ସୃଷ୍ଟି କରିପାରେ।
- ଯଦି ଆପଣଙ୍କ ଘରକୁ ଆସୁଥିବା କୌଣସି ସମ୍ପର୍କୀୟଙ୍କର କୌଣସି ସଂକ୍ରମଣ କିମ୍ବା ଶ୍ୱାସକ୍ରିୟା ସମ୍ବନ୍ଧୀୟ ସମସ୍ୟା ଥାଏ, ତେବେ ନିଶ୍ଚିତ ଭାବରେ ସେମାନଙ୍କୁ ଶିଶୁଠାରୁ ଦୂରେଇ ରହିବାକୁ ଏବଂ ଚୁମ୍ବନ ନ କରିବାକୁ କୁହନ୍ତୁ।