ବିଶ୍ୱର ସମସ୍ତ ପ୍ରକାରର ଲୋକଙ୍କୁ ସାମାଜିକ ବିକାଶ ଏବଂ ଏକ ସମ୍ମାନଜନକ ଜୀବନ ଦେବା ଉଦ୍ଦେଶ୍ୟରେ ମିଳିତ ଜାତିସଂଘର ପ୍ରତିଷ୍ଠା ହୋଇଛି। ଏଥିପାଇଁ ମିଳିତ ଜାତିସଂଘ ଅନେକ ଅନ୍ତର୍ଜାତୀୟ ଦିବସ ପାଳନ କରିଥାଏ। ଏଥିମଧ୍ୟରୁ ଗୋଟିଏ ହେଉଛି ‘ଅନ୍ତର୍ଜାତୀୟ ସାଙ୍କେତିକ ଭାଷା ଦିବସ’, ଯାହାକୁ ପ୍ରତିବର୍ଷ ୨୩ ସେପ୍ଟେମ୍ବରରେ ପାଳନ କରାଯାଏ।
ଏହା ବିଶ୍ୱ ବଧିର ମହାସଂଘ ଦ୍ୱାରା ପ୍ରତିଷ୍ଠିତ ହୋଇଥିଲା। ସାରା ଦୁନିଆରେ କୋଟି କୋଟି ଲୋକ ଶୁଣିବାର କ୍ଷମତାରୁ ବଞ୍ଚିତ କିମ୍ବା ଖୁବ୍ ଦୁର୍ବଳ ଅଟନ୍ତି ଯେଉଁଥିପାଇଁ ସେମାନଙ୍କୁ ବ୍ୟକ୍ତିଗତ ଜୀବନରେ ବହୁ ସଂଘର୍ଷର ସମ୍ମୁଖୀନ ହେବାକୁ ପଡେ। ସେମାନଙ୍କ ପାଇଁ ସୃଷ୍ଟି ହୋଇଥିବା ସାଙ୍କେତିକ ଭାଷା ମଧ୍ୟ ସମସ୍ତ ଲୋକଙ୍କୁ ଏକାଠି କରିବାରେ ସାହାଯ୍ୟ କରେ।
Also Read
ସଂଘର୍ଷପୂର୍ଣ୍ଣ ଜୀବନ:
ଏହି ଦିବସର ମୁଖ୍ୟ କାମ ହେଉଛି ଲୋକଙ୍କ ମଧ୍ୟରେ ସାଙ୍କେତିକ ଭାଷା ବିଷୟରେ ସଚେତନତା ସୃଷ୍ଟି କରିବା। ଦୁନିଆରେ ପ୍ରାୟ ୭କୋଟି ବଧିର ଲୋକ ଅଛନ୍ତି କିନ୍ତୁ ସାଧାରଣ ଲୋକେ ଏମାନେ ବ୍ୟବହାର କରୁଥିବା ସାଙ୍କେତିକ ଭାଷାକୁ ବୁଝି ପାରନ୍ତି ନାହିଁ। ଏହି କାରଣରୁ ବଧିରମାନଙ୍କର ଦୈନନ୍ଦିନ କାର୍ଯ୍ୟ ଆହୁରି ଅଧିକ କଷ୍ଟସାଧ୍ୟ ହୋଇପଡେ।
୫୦୦ ବର୍ଷ ପୂର୍ବର:
ଖ୍ରୀଷ୍ଟପୂର୍ବ ୫୦୦ ପୂର୍ବରୁ ସାଙ୍କେତିକ ଭାଷା ବ୍ୟବହାର ହେବାର ପ୍ରମାଣ ଅଛି। ତେବେ ଆଧୁନିକ ସାଙ୍କେତିକ ଭାଷାର ପ୍ରଥମ ବର୍ଣ୍ଣମାଳା ଫ୍ରାନ୍ସର ଚାର୍ଲ୍ସ-ମିସେଲ ଡି ଏଲୋପ୍ଙ୍କ ଦ୍ୱାରା ପ୍ରକାଶିତ ହୋଇଥିଲା। ଏହି ବର୍ଣ୍ଣମାଳା ଆଜି ପର୍ଯ୍ୟନ୍ତ ବ୍ୟବହୃତ ହେଉଛି। ୧୭୫୫ ମସିହାରେ ଏବେ ଡି ଏଲୋପ ପ୍ୟାରିସରେ ବଧିରମାନଙ୍କ ପାଇଁ ପ୍ରଥମ ବିଦ୍ୟାଳୟ ଖୋଲିଥିଲେ।
ଦଶ ଜଣଙ୍କ ମଧ୍ୟରୁ ଜଣେ ପୀଡିତ:
୭ କୋଟି ବଧିରଙ୍କ ମଧ୍ୟରୁ ୪ କୋଟିରୁ ଅଧିକ ଲୋକ ଅଛନ୍ତି ଯେଉଁମାନେ ଶୁଣିବାର କ୍ଷମତା ହରାଇବା ହେତୁ ପୁନଃ ଥଇଥାନ ଆବଶ୍ୟକ କରନ୍ତି ଏବଂ ୨୦୫୦ସୁଦ୍ଧା ଏହିପରି ଲୋକଙ୍କ ସଂଖ୍ୟା ସାତ କୋଟିରୁ ଅଧିକ ହେବ ବୋଲି ଅନୁମାନ କରାଯାଏ।
ଏହାର ଅର୍ଥ ପ୍ରତ୍ୟେକ ଦଶ ଜଣରେ ଜଣଙ୍କ ପାଖରେ ଶୁଣିବାରେ ସମସ୍ୟା ହେବ। ସେଥିପାଇଁ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଯେ ଅଧିକରୁ ଅଧିକ ଲୋକ ସାଙ୍କେତିକ ଭାଷା ବୁଝିବା ଜରୁରୀ, କାରଣ ବଧିରମାନଙ୍କ କ୍ଷେତ୍ରରେ କଥିତ ଭାଷା ଶିଖିବାର ବିକଳ୍ପ ନାହିଁ। ଏପରି ହୋଇପାରିଲେ ଏହା ସାମାଜିକ ଏକତା ଆଣିବାରେ ସାହାଯ୍ୟ କରିବ।