ମାଓବାଦୀଙ୍କର ଏକ ବଡ଼ ଷଡ଼ଯନ୍ତ୍ରକୁ ପଣ୍ଡ କରିଦେଇଛି ଝାଡ଼ଖଣ୍ଡ ପୋଲିସ ଓ CRPFର ମିଳିତ ବାହିନୀ। ଜବତ ହୋଇଛି ୪୦-୪୦ କେଜିର ଦୁଇଟି ପାଇପ ବୋମା ଓ ୨୦ କେଜିର ଆଉ ଏକ ବୋମା। ଚାଇବସା ଅଞ୍ଚଳ ଟୋକଲୋ ଥାନା କେରା ଗାଁ ଓ ପଦ୍ମପୁର ରାସ୍ତାର ସୁରବୁରା ପୋଲ ପାଖରେ ଏହି ବୋମା ଖଞ୍ଜା ଯାଇଥିଲା। ସୁରକ୍ଷାକର୍ମୀଙ୍କୁ ଟାର୍ଗେଟ କରି ଏହି ବୋମା ଖଞ୍ଜିଥିଲା ଲାଲବାହିନୀ। କୌଣସି ସୂତ୍ରରୁ ଖବର ପାଇ ପୋଲିସ ଓ CRPFର ମିଳିତ ବାହିନୀ ଏହି ଅଞ୍ଚଳରେ ଯାଞ୍ଚ କରିଥିଲା ଏବଂ ବୋମାଗୁଡ଼ିକର ସନ୍ଧାନ ପାଇଥିଲା। ଏହି ବୋମା ଗୁଡ଼ିକୁ ନଷ୍ଟ କରାଯାଇଛି।
ଅପରାଧୀଙ୍କ ଟାର୍ଗେଟରେ ବୟସ୍କ ଲୋକ। ଫୁଲବାଣୀ ପଟାବାଲିସାହିର ଜଣେ ବରିଷ୍ଠ ନାଗରିକଙ୍କୁ ପିସ୍ତଲ ଦେଖାଇ ତାଙ୍କ ଘରୁ ଡକାୟତି। ବରିଷ୍ଠ ନାଗରିକ ଜଣକ ହେଲେ ପ୍ରଶାନ୍ତ ପାଣିଗ୍ରାହୀ। ସେ ଘରେ ଏକୁଟିଆ ଥିବାବେଳେ ୩ ଜଣ ଦୁର୍ବୃତ୍ତ ତାଙ୍କ ଘରେ ପଶି ବନ୍ଧୁକ ମୁନରେ ୯୦ ହଜାରରୁ ଅଧିକ ଟଙ୍କା ଲୁଟି ନେଇଛନ୍ତି। ଗତ ରାତି ପ୍ରାୟ ସାଢ଼େ ୯ଟାରେ ଏହି ଘଟଣା ଘଟିଛି। ଦୁର୍ବୃତ୍ତମାନେ ତାଙ୍କୁ ମାରଧର କରି କିଛି ସୁନା ରୂପା ଅଳଙ୍କାର ମଧ୍ୟ ନେଇଯାଇଥିବା ପ୍ରଶାନ୍ତ କହିଛନ୍ତି। ଦୃର୍ବୃତ୍ତମାନେ ପଳାଇବା ପରେ ବାହାରକୁ ଆସି ଜଣଙ୍କ ଫୋନ୍ରୁ ପୋଲିସକୁ ଜଣାଇଥିଲେ ପ୍ରଶାନ୍ତ। ପୋଲିସ ଘଟଣାର ତଦନ୍ତ କରୁଛି।
ବିଜ୍ଞାନ ଯୁଗରେ ଅନ୍ଧବିଶ୍ୱାସକୁ ବିଶ୍ୱାସ କରି ଜୀବନକୁ ବାଜି ଲଗାଇ ଦେଉଛନ୍ତି ଲୋକେ। ଏମିତି ଏକ ଘଟଣା ସୁବର୍ଣ୍ଣପୁର ଜିଲ୍ଲା ବିନିକା ସହରର ୧୨ ନମ୍ବର ଓ୍ୱାର୍ଡ ଜାବଦାରେ ଦେଖିବାକୁ ମିଳିଛି। ଚା’ ତିଆରି କରିବାବେଳେ ଜାବଦାର ଜଣେ ନାବାଳିକାର ଗୋଡ଼ରେ ଗରମ ଚା ପଡ଼ି ଯାଇଥିଲା। ଫଳରେ ଫୋଟକା ହେବା ସହ ଯନ୍ତ୍ରଣା ହୋଇଥିଲା। ପରିବାର ଲୋକେ ନାବାଳିକାକୁ ଡାକ୍ତରଖାନା ନେବା ବଦଳରେ ଜଣେ ଗୁଣିଆ ପାଖକୁ ନେଇ ଝଡ଼ାଫୁଙ୍କା କରିଥିଲେ। ଝଡ଼ାଫୁଙ୍କା କଲେ, ନାବାଳିକାର ଯନ୍ତ୍ରଣା କମିଯିବ ବୋଲି ଗୁଣିଆ କହିଥିଲେ।
ଝାରସୁଗୁଡା ଜିଲ୍ଲା ବ୍ରଜରାଜନଗର ପୌରପରିଷଦର ସଫେଇ କର୍ମଚାରୀଙ୍କ ଆନ୍ଦୋଳନ। ବକେୟା ପ୍ରାପ୍ୟ ସମେତ ୭ ଦଫା ଦାବିରେ ମ୍ୟୁନିସିପାଲଟି ଅଫିସ ସମ୍ମୁଖରେ ଧାରଣା ଦେଇଛନ୍ତି ସଫେଇ କର୍ମଚାରୀ। ଆନ୍ଦୋଳନ ଯୋଗୁ ସମ୍ପୂର୍ଣ୍ଣ ୨୩ଟି ଓ୍ୱାର୍ଡରେ ସଫେଇ କାମ ଠପ୍ ହୋଇଯାଇଛି। ଦୀର୍ଘ ୧୦ ବର୍ଷ ହେଲାଣି ଦାବି ପୂରଣ ହେଉନଥିବାରୁ ଆନ୍ଦୋଳନ କରୁଥିବା କହିଛନ୍ତି ସଫେଇ କର୍ମଚାରୀ। ଲିଖିତ ଭାବେ ର୍ନିବାହୀ ଅଧିକାରୀଙ୍କୁ ଦେଇଥିଲେ ମଧ୍ୟ କୌଣସି ସୁଫଳ ମିଳୁନଥିବା ଆନ୍ଦୋଳନକାରୀ କହିଛନ୍ତି।
ମୟୂରଭଞ୍ଜ ଜିଲ୍ଲା ବାଦାମପାହାଡ଼ ରେଞ୍ଜ ଟିଆକାଟି ଗାଁରେ ହାତୀ ଆକ୍ରମଣ ଜଣେ ବୃଦ୍ଧା ପ୍ରାଣ ହରାଇଛନ୍ତି। ମୃତ ମହିଳା ଜଣକ ହେଲେ ଟିଆକାଟି ଗାଁର ସୁଖୀ ବାସ୍କେ। ସକାଳେ ସୁଖୀ ଶୌଚ ପାଇଁ ଯାଇଥିବାବେଳେ ମାଈ ହାତୀ ହାବୁଡ଼ରେ ପଡ଼ି ଯାଇଥିଲେ। ହାତୀଟି ତାଙ୍କୁ ଦଳି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା ସେହିପରି ରାଇରଙ୍ଗପୁର ରେଞ୍ଜର ଖଣ୍ଡାଡେରା ଜଙ୍ଗଲକୁ ଶୌଚ ପାଇଁ ଯାଇଥିବା ସାଓନା ମାରାଣ୍ଡିଙ୍କୁ ହାତୀ ଆକ୍ରମଣ କରିଥିଲା ତାଙ୍କୁ ଗୁରୁତର ଅବସ୍ଥାରେ ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରାଯାଇଛି। ସୂଚନା ମିଳିବା ପରେ ରାଇରଙ୍ଗପୁର ଡିଏଫ୍ଓ ନଳିନୀକାନ୍ତ ବେହେରା ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଛନ୍ତି।
ନବରଙ୍ଗପୁର ଜିଲ୍ଲା ରାଇଘର ବ୍ଲକ୍ ଜୋଡିଙ୍ଗା ପଞ୍ଚାୟତ ଅନ୍ତର୍ଗତ ନୂଆଗାଁ ପାଖରେ ୪୦ ନମ୍ବର ରାଜ୍ୟ ରାଜପଥ କଡ଼ରେ ବହୁ ସଂଖ୍ୟାର ମାଓ ପୋଷ୍ଟର ଲଗାଯାଇଥିବା ଦେଖିବାକୁ ମିଳିଛି। ସହିଦ ସପ୍ତାହ ପାଳନ, ସହିଦ ମାଓବାଦୀଙ୍କ ଅଧୁରା ସ୍ୱପ୍ନ ପୂରଣ କରିବା, ସବୁଜ ଜଙ୍ଗଲ ନ କାଟିବା ଏବଂ ସହିଦଙ୍କ ସ୍ମୃତିରେ ସଭା କରିବାକୁ ପୋଷ୍ଟରରେ ଆହ୍ୱାନ ଦେଇଛି ମାଓ ସଂଗଠନ। ମେନପୁର ନୂଆପଡା ଡିଭିଜନ କମିଟି ପକ୍ଷରୁ ଲଗାଯାଇଥିବା ଏହି ପୋଷ୍ଟରକୁ ନେଇ ଲୋକେ ଭୟଭୀତ ହୋଇପଡ଼ିଛନ୍ତି। ତେବେ ରାଇଘର ପୋଲିସ ବିଏସଏଫ୍ ଯବାନଙ୍କ ସହଯୋଗରେ ପୋଷ୍ଟର ଗୁଡ଼ିକୁ କାଢ଼ିବାକୁ ଯୋଜନା କରୁଛି। ପୂର୍ବରୁ ମଧ୍ୟ ମାଓବାଦୀମାନେ ଏଭଳି ପୋଷ୍ଟର, ବ୍ୟାନର ଲଗାଇବା ସହ ଟିଫିନ ବୋମା ଖଞ୍ଜି ନିଜ ସ୍ଥିତି ଜାହିର କରି ସାରିଛନ୍ତି।
ଡେଙ୍ଗୁ ମୁକାବିଲା ପାଇଁ ମଇଦାନକୁ ଓହ୍ଲାଇଲା କଂଗ୍ରେସ। ରାଜଧାନୀ ଭୁବନେଶ୍ୱରରେ କଂଗ୍ରେସ ପକ୍ଷରୁ ଆରମ୍ଭ ହୋଇଛି ଡେଙ୍ଗୁ ମୁକାବିଲା ଅଭିଯାନ। ବସ୍ତି ବସ୍ତି ବୁଲି ମଶା ତେଲ ପକାଇବା ସହ ନାଳ ନର୍ଦ୍ଦମା ସଫା କରୁଛନ୍ତି କଂଗ୍ରେସ କର୍ମୀ। ପୁରୁଣା ବିଧାନସଭା ନିକଟ ବସ୍ତିରୁ ଅଭିଯାନ ଆରମ୍ଭ କରିଛି ଭୁବନେଶ୍ୱର ଜିଲ୍ଲା କଂଗ୍ରେସ। ବସ୍ତିରେ ମଶାମରା ତେଲ ଏବଂ ବ୍ଲିଚିଂ ପାଉଡର ପକାଇବା ସହ ବସ୍ତି ବାସିନ୍ଦାଙ୍କୁ ସଚେତନ କରାଯାଉଛି। ରାଜଧାନୀରେ ଡେଙ୍ଗୁ ରୋଗୀଙ୍କ ସଂଖ୍ୟା ବଢ଼ି ଚାଲିଥିବା ବେଳେ ବିଏମ୍ସି ଖାଲି ସଚେତନତା କାର୍ଯ୍ୟକ୍ରମରେ ସୀମିତ ଥିବା କଂଗ୍ରେସ ଅଭିଯୋଗ କରିଛି।
ଅନୁଗୁଳ ଜିଲ୍ଲା ପାଲଲହଡ଼ା ବ୍ଲକ୍ ଖମାର ଥାନା ଅନ୍ତର୍ଗତ କୁଞ୍ଜାମ ଗାଁରେ ହୋଇଥିବା ହତ୍ୟାକାଣ୍ଡ ପଛରେ ଗୁଣି ଗାରେଡ଼ି ସନ୍ଦେହ ରହିଛି। ଗିରଫ ହୋଇଥିବା ୬ ଜଣ ଅଭିଯୁକ୍ତ ଥାନାରେ ଏହା ସ୍ୱୀକାର କରିଛନ୍ତି। ଗୁଣି ଗାରେଡ଼ି ସନ୍ଦେହରୁ ଜତିମୁଣ୍ଡା ସାହିର ବୁଧୁ ଚାତର, ସ୍ତ୍ରୀ ମୁନି ଚାତର ଓ ପୁତୁରା ବୁଦ୍ଧିଆ ଚାତରକୁ ପିଟିପିଟି ହତ୍ୟା କରିବା ପରେ ସମାକୋଇ ନଦୀରେ ଫିଙ୍ଗି ଦେଇଥିଲେ ବୋଲି ଅଭିଯୁକ୍ତମାନେ ପୋଲିସ ଆଗରେ ସ୍ୱୀକାର କରିଛନ୍ତି। ଅଭିଯୁକ୍ତମାନେ ୩ ଜଣଙ୍କୁ ମାରି ଫିଙ୍ଗି ଦେଇଥିଲେ। ବୁଧୁର ମୃତଦେହ କାଲି ମିଳିଥିବାବେଳେ ଆଜି ପୁତୁରା ବୁଦ୍ଧିଆର ମୃତଦେହ ମିଳିଛି। ଏବେବି ବୁଧୁ ସ୍ତ୍ରୀଙ୍କ ପତ୍ତା ମିଳିନାହିଁ। ଜୁଲାଇ ୩୦ ତାରିଖରୁ ବୁଧୁ, ମୁନି ଓ ବୁଦ୍ଧିଆ ଗାଁରୁ ନିଖୋଜ ଥିଲେ।
ଦରମା ବୃଦ୍ଧି ଦାବିରେ ‘ମୋ ବସ୍’ ଡ୍ରାଇଭର ଆନ୍ଦୋଳନକୁ ଓହ୍ଲାଇଛନ୍ତି। ଫଳରେ ଆଜି ଭୁବନେଶ୍ୱରର ୧୪ଟି ରୁଟ୍ରେ ‘ମୋ ବସ୍’ ଚଳାଚଳ ବନ୍ଦ ରହିଛି। ଦରମା ବୃଦ୍ଧିକୁ ନେଇ ଡ୍ରାଇଭରମାନେ ଆନ୍ଦୋଳନ କରୁଥିବାରୁ ଭୁବନେଶ୍ୱରର ୧୪ଟି ରୁଟ୍ରେ ‘ମୋ ବସ୍’ ଚଳାଚଳ କରୁନି। More
ସୁବର୍ଣ୍ଣରେଖା ନଦୀର ଜଳସ୍ତର ବୃଦ୍ଧି ପାଇଛି। ଫଳରେ ବାଲିଆପାଳ ଓ ଜଳେଶ୍ୱର ବ୍ଲକ୍ର ୨୦ଟି ଗାଁରେ ବନ୍ୟା ପାଣି ପଶିଛି। ଗତକାଲି ରାତିରେ ବନ୍ୟା ପାଣି ଗାଁରେ ପଶିଥିବା ବେଳେ ସ୍ଥାନୀୟ ଲୋକ ଏବେ ଆତଙ୍କିତ ଅବସ୍ଥାରେ ଅଛନ୍ତି। More
ଏବେ ତେଲ ଦର ଯେତେ ବଢିଲେ ବି ଚିନ୍ତା ନାହିଁ । ପେଟ୍ରୋଲରେ ନୁହେଁ ବ୍ୟାଟେରୀରେ ଚାଲୁଛି ପଲସର୍ ବାଇକ ।୧୫ବର୍ଷ ପୁରୁଣା ଏହି ପଲସର୍କୁ ଇ ବାଇକରେ ପରିଣତ କରିଛନ୍ତି ବ୍ରହ୍ମପୁର ଉପକଣ୍ଠ ରାମଚନ୍ଦ୍ରପୁରର ଅକ୍ଷୟ ଦାସ । More
ବିଜେପିର ସାଧାରଣ ସଂପାଦକ ତଥା ବଙ୍ଗାଳପୁର ପଞ୍ଚାୟତର ପୂର୍ବତନ ସରପଞ୍ଚ ପ୍ରଜେଶ ନାୟକଙ୍କୁ ଧାରୁଆ ଅସ୍ତ୍ରରେ ଦୁର୍ବୃତ୍ତମାନେ ଗତକାଲି ରାତିରେ ମରଣାନ୍ତକ ଆକ୍ରମଣ କରିଥିବା ଅଭିଯୋଗ ହୋଇଛି। More
ଗତ ୨୪ ଘଣ୍ଟାରେ ଓଡ଼ିଶାରେ ୧୦୩୨ ନୂତନ ସଂକ୍ରମିତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ କ୍ୱାରେଣ୍ଟିନରୁ ୫୯୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଲୋକାଲ କେସ୍ ରହିଛି ୪୩୪ । ଫଳରେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୭୯ ହଜାର ୭୩୭କୁ ବୃଦ୍ଧି ପାଇଛି । More
କରୋନା ମହାମାରୀ ପାଇଁ ଲକଡାଉନ ଯୋଗୁଁ ବନ୍ଦ ରହିଥିବା ବିଶ୍ୱ ଐତିହ୍ୟ ଓ ପର୍ଯ୍ୟଟନସ୍ଥଳୀ ଖୋଲିବା ପରେ ପର୍ଯ୍ୟଟକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଦୀର୍ଘଦିନ ପରେ ଚଳଚଞ୍ଚଳ ହୋଇ ଉଠିଛି କୋଣାର୍କ ଓ ଚନ୍ଦ୍ରଭାଗା । More
ଟୋକିଓରୁ ଏକ ଭିଡିଓ ମେସେଜ୍ ଜରିଆରେ ଦୂତି କହିଛନ୍ତି, ସେ ୧୦୦ ମିଟର ଦୌଡରେ ଭଲ କରିବାକୁ ସେ ଚେଷ୍ଟା କରିଥିଲେ । କିନ୍ତୁ ସଫଳ ହୋଇପାରି ନଥିବାରୁ ଦୁଃଖିତ । ଆଜି ସେ ୨ଶହ ମିଟର ଦୌଡରେ ଭଲ କରିବେ ବୋଲି ଆଶା ରଖିଛନ୍ତି । More
ନିଯୁକ୍ତି ପ୍ରକ୍ରିୟାରେ ଯଦି ଅନିୟମିତତା ହେଉଥିଲା, ତାପଛରେ ପିଏସ୍ ବିରଞ୍ଚି ନାରାୟଣ ସାହୁ ସାଜିଥିଲେ କି କାର୍ପଟଦାର୍ ? କାରଣ ଚଢ଼ାଉବେଳେ ବିରଞ୍ଚିଙ୍କ ଘରୁ ଏକାଧିକ ଆଡ୍ମିଟ୍ କାର୍ଡ ପାଇଛି ଭିଜିଲାନ୍ସ। ବିରଞ୍ଚିଙ୍କ ପଛରେ ଅଛନ୍ତି କି ବଡ଼ମୁଣ୍ଡ? ବର୍ଷ ବର୍ଷ ଧରି ଆଶାୟୀ ଅଭିଯୋଗ କରୁଥିଲେ ବି କାହିଁକି କାହା ବିରୋଧରେ ହୋଇନଥିଲା କାର୍ଯ୍ୟାନୁଷ୍ଠାନ? More
ଏବେ ପ୍ରଶ୍ନ କାହିଁକି ଏମିତି ବିନା ରୋଗୀରେ ଦୌଡୁଛନ୍ତି ଏ ଆମ୍ବୁଲାନ୍ସ? ଜଣେ ପୂର୍ବତନ ଆମ୍ବୁଲାନ୍ସ କର୍ମଚାରୀଙ୍କ ଅଭିଯୋଗ ଅନୁସାରେ,ଏମିତି ରାଜ୍ୟର ଅଧିକାଂଶ ଆମ୍ବୁଲାନ୍ସ ଫେକ୍ କଲ୍ କରାନ୍ତି କାରଣ ଗାଡି ଯେତେ ବାଟ ଗଡିବ ସେତେ ଟଙ୍କା ପାଇବ। More
ନନ୍ଦନକାନନ ଖୋଲିବା ନେଇ ରାଜ୍ୟ ସରକାର ଅଗଷ୍ଟ ଗାଇଡଲାଇନ୍ ଅନୁମତି ଦେଇଛନ୍ତି। ଦୀର୍ଘ ଦିନ ପରେ ପ୍ରାଣୀ ଉଦ୍ୟାନ ଖୋଲିବାକୁ ଅନୁମତି ମିଳିଥିବାରୁ କେଉଁ ଆଧାରରେ ନନ୍ଦନକାନନ ଖୋଲାଯିବ ତାହାର ତର୍ଜମା କରିଥିଲେ ନିର୍ଦ୍ଦେଶକ ମନୋଜ ମହାପାତ୍ର। More
ରାଜ୍ୟରେ ଏବେ ବି ପ୍ରାୟ ୧୫ ହଜାର ଉପରେ ଆକ୍ଟିଭ୍ କେସ୍ ଥିବା ବେଳେ ଖୋର୍ଦ୍ଧା ଜିଲ୍ଲାରେ ସର୍ବାଧିକ ୪, ୫୫୬, କଟକ ଜିଲ୍ଲାରେ ୨, ୦୨୬ ଓ ପୁରୀ ଜିଲ୍ଲାରେ ୯୬୨ ଆକ୍ଟିଭ୍ କେସ ରହିଛି। ସେଥିମଧ୍ୟରୁ କେବଳ ଭୁବନେଶ୍ୱରରେ ୨୪୨୨ ଓ କଟକ ସହରରେ ରହିଛି ୧୧୩୨ ଆକ୍ଟିଭ୍ କେସ୍। ପ୍ରଶାସନିକ ଓ ବ୍ୟାବସାୟିକ କାର୍ଯ୍ୟ ବ୍ୟତୀତ ମେଡିକାଲ ସେବା ଓ ପର୍ଯ୍ୟଟନ ସ୍ଥଳ ହୋଇଥିବାରୁ ଏ ତିନି ସହରରେ ଅଧିକ ପଜିଟିଭ୍ କେସ୍ ଚିହ୍ନଟ ହେଉଛନ୍ତି। ତେଣୁ ଏହା ଉପରେ ଫୋକସ୍ କରିଛନ୍ତି ରାଜ୍ୟ ସରକାର। More
ଦେଶରେ ଆରମ୍ଭ ହୋଇଗଲାଣି କି କରୋନା ସଂକ୍ରମଣର ତୃତୀୟ ଲହର ନା ଲମ୍ବୁଛି ଦ୍ୱିତୀୟ ଲହର? ଦୈନିକ ସଂକ୍ରମଣ ପୁଣି ଉପରମୁହାଁ ହେବା ସୃଷ୍ଟି କରିଛି ଏଭଳି ଦ୍ୱନ୍ଦ୍ୱ ଅଧିକାଂଶ ରାଜ୍ୟରେ ଦ୍ୱିତୀୟ ଲହରର ପ୍ରକୋପ ହ୍ରାସ ପାଇଥିଲେ ମଧ୍ୟ କେରଳରେ ସଂକ୍ରମଣ ନିୟନ୍ତ୍ରଣ ବାହାରକୁ ଚାଲିଯିବାରୁ ନେଇ ବଢିଛି ଚିନ୍ତା More